ຫວຽດນາມ ຍົກ​ສູງ​ປະສິດທິ​ຜົນ​ໃນ​ວຽກ​ງານ​ຫຼາຍ​ຝ່າຍ
	ຫວຽດນາມ-ລາວ-ກຳປູເຈຍ ຊອກຫາວິທີຊຸກຍູ້ການທ່ອງທ່ຽວ “ເດີນທາງຖ້ຽວໜຶ່ງ, ທ່ອງທ່ຽວສາມປະເທດ”

ວັນທີ 23 ກຸມພາ, Infobae, ແມ່ນໜຶ່ງໃນບັນດາໜັງສືພິມມີຊື່ສຽງຢູ່ ອັກຊັງຕິນ, ໄດ້ລົງບົດຂຽນ “ປະເທດໃດຈະນຳໜ້າການເຕີບໂຕດ້ານຊັບສິນທົ່ວໂລກໃນທົດສະວັດຈະມາເຖິງ?”, ໃນນັ້ນ, ໄດ້ຄາດຄະເນວ່າ, ຫວຽດນາມ ຈະນຳໜ້າທົ່ວໂລກກ່ຽວກັບການເຕີບໂຕໃນທົດສະວັດຈະມາເຖິງ.

ຕາມ​ສຳນັກ​ຂ່າວສານ​ຫວຽດນາມ​ປະຈຳ Buenos Aires ​ແລ້ວ, ​ໃນ​ບົດ​ຂຽນ​ລົງ​ພິມ​ໃນ​ລາຍ​ການ​ໂລກ​ຂອງ Infobae, ນັກ​ຂ່າວ Rossana Marín ​ເນັ້ນ​ໜັກ​ວ່າ ຫວຽດນາມ ​ແມ່ນ​ຈຸດໝາຍ​ສຳຄັນ​ທີ່​ສຸດ​ເພື່ອ​ສ້າງ​ຕັ້ງ​ບັນດາ​ການ​ເຄື່ອນ​ໄຫວ​ຜະລິດ​ຂອງ​ບັນດາ​ວິ​ສາ​ຫະກິດ​ຫຼາຍ​ປະ​ເທດ​ເຂົ້າ​ຮ່ວມ, ພິ​ເສດ​ແມ່ນ​ບັນດາ​ຂົງ​ເຂດ​ຄື ​ເຕັກ​ໂນ​ໂລ​ຢີ ​ແລະ ລົດ​ໃຫຍ່. ການຜະລິດ.

Infobae: ຫວຽດນາມ ຈະນຳໜ້າການເຕີບໂຕດ້ານສັບຊິນທົ່ວໂລກໃນທົດສະວັດຈະມາເຖິງ

ຫົວ​ຂໍ້​ວ່າ “ປະ​ເທດ​ໃດ​ຈະ​ນຳ​ໜ້າ​ການ​ເຕີບ​ໂຕ​ດ້ານ​ຊັບ​ສິນ​ທົ່ວ​ໂລກ​ໃນ​ທົດ​ສະ​ວັດ​ຕໍ່​ໄປ?”, ບົດ​ຂຽນ​ໄດ້​ອ້າງ​ຕາມ​ຜົນ​ການ​ຄົ້ນ​ຄ້​ວາ​ຂອງ​ບໍ​ລິ​ສັດ​ຄວາມ​ຮັ່ງ​ມີ​ໂລກ New World Wealth ແລະ​ທີ່​ປຶກ​ສາ​ການ​ເຄື່ອນ​ຍ້າຍ​ການ​ລົງ​ທຶນ Henley & Partners ຢືນ​ຢັນ​ວ່າ ຫວຽດ​ນາມ ຈະ​ກາຍ​ເປັນ​ປະ​ເທດ​ທີ່​ມີ​ຊັບ​ສິນ​ເພີ່ມ​ຂຶ້ນ​ຫຼາຍ​ທີ່​ສຸດ​ໃນທົດສະວັດຕໍ່ໄປ.

ຂໍ້ມູນຂອງທະນາຄານໂລກ (WB) ຊີ້ໃຫ້ເຫັນວ່າ, ປະຈຸບັນ ຫວຽດນາມ ມີເສດຖີ 19.400 ຄົນ ແລະ ເສດຖີເງິນຕື້ 58 ຄົນ. ຕາມ Infobae ແລ້ວ, ນີ້ແມ່ນສັນຍານຊີ້ໃຫ້ເຫັນຄວາມຂະຫຍັນຂັນເຄື່ອນດ້ານເສດຖະກິດຂອງ ຫວຽດນາມ ກໍຄືຄວາມສາມາດດຶງດູດ ແລະ ສ້າງສັບຊິນ ແລະ ຄາດວ່າ, ຫວຽດນາມ ຈະມີລະດັບເຕີບໂຕດ້ານສັບຊິນ 110%. ເມື່ອເຕື້ອງເຖິງການດຶງດູດເງິນລົງທຶນຈາກຕ່າງປະເທດ (FDI), ບົດຂຽນໄດ້ຮັບຮູ້ວ່າ, ຫວຽດນາມ ໄດ້ກາຍເປັນສະຖານທີ່ດຶງດູດໃຈບັນດານັກລົງທຶນ, ດ້ວຍລະດັບເພີ່ມຂຶ້ນ 32% ໃນປີ 2023 ເມື່ອທຽບໃສ່ປີ 2022, ບັນລຸ 36,6 ຕື້ USD. FDI ແມ່ນກຳລັງໜູນສຳຄັນສຳລັບການເຕີບໂຕເສດຖະກິດຂອງ ຫວຽດນາມ, ໜູນຊ່ວຍວິວັດການຫັນປະເທດຊາດເປັນອຸດສາຫະກຳ, ໃນນັ້ນ ຖືການສົ່ງອອກເປັນຈຸດຫຼັກ.