ຕອນບ່າຍວັນທີ 25 ມັງກອນ, ຄະນະຜູ້ແທນສະພາປະຊາຊົນແຂວງເຊກອງ ນຳໂດຍສະຫາຍ ດົງເພັດ ພະຍົນ, ຮອງເລຂາພັກແຂວງ, ປະທານສະພາປະຊາຊົນແຂວງເຊກອງ ໄດ້ໄປຢ້ຽມຢາມ ແລະອວຍພອນບຸນເຕັດຄະນະປະຈໍາສະພາປະຊາຊົນແຂວງ ເນື່ອງໃນໂອກາດບຸນປີໃໝ່ປະຈໍາຊາດຂອງຫວຽດນາມ 2024.
 |
| ຄະນະປະຈໍາສະພາປະຊາຊົນແຂວງຫວາງນາມ ແລະແຂວງເຊກອງ ແລກປ່ຽນກ່ຽວກັບສະພາບການພັດທະນາເສດຖະກິດລະຫວ່າງສອງທ້ອງຖິ່ນ. ພາບ: baoquangnam.vn |
ທີ່ການຢ້ຽມຢາມ, ສະຫາຍ ດົງເພັດ ພະຍົນ ໄດ້ອວຍພອນໃຫ້ການນຳແຂວງ, ຄະນະປະຈຳສະພາປະຊາຊົນແຂວງ, ພະນັກງານ ແລະປະຊາຊົນແຂວງກວາງນາມ ຕ້ອນຮັບບຸນປີໃໝ່ປະຈໍາຊາດ ດ້ວຍຄວາມເບີກບານມ່ວນຊື່ນ, ອົບອຸ່ນ, ມີຄວາມຜາສຸກ; ອວຍພອນໃຫ້ການພົວພັນມິດຕະພາບແບບພິເສດລະຫວ່າງແຂວງ ກວາງນາມ - ເຊກອງ ນັບມື້ນັບຮັດແໜ້ນ ແລະ ຍົກສູງຂຶ້ນສູ່ລະດັບສູງໃໝ່.
ຕາງໜ້າສະພາປະຊາຊົນແຂວງ ກວາງນາມ, ທ່ານ ເຈິ່ນຊວນວີງ ຮອງປະທານສະພາປະຊາຊົນແຂວງກວາງນາມ ສະແດງຄວາມຂອບໃຈຢ່າງຈິງໃຈ ແລະສົ່ງພອນໄຊອັນປະເສີດທີ່ສຸດມາຍັງສະຫາຍ ດົງເພັດ ພະຍົນ ແລະບັນດາສະມາຊິກໃນຄະນະ.
 |
| ການນໍາສະພາປະຊາຊົນແຂວງກວາງນາມ ມອບຂອງຂວັນໃຫ້ຄະນະຜູ້ແທນສະພາປະຊາຊົນແຂວງເຊກອງ. ພາບ: baoquangnam.vn |
ພ້ອມກັນນັ້ນທ່ານຍັງແຈ້ງໃຫ້ຊາບວ່າ: ໃນ ປີ 2023, ສະພາປະຊາຊົນແຂວງກວາງນາມ ຊຸດທີ X ໄດ້ປະສົບຜົນສໍາເລັດໃນການຈັດຕັ້ງກອງປະຊຸມ 7 ຄັ້ງ, ຮັບຮອງເອົາມະຕິ 105 ສະບັບ ກ່ຽວກັບກົນໄກ, ນະໂຍບາຍຕ່າງໆ, ປະກອບສ່ວນຊຸກຍູ້, ແກ້ໄຂຄວາມຫຍຸ້ງຍາກໃຫ້ປະຊາຊົນ ແລະວິສາຫະກິດ; ຟື້ນຟູການພັດທະນາເສດຖະກິດ-ສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ.
ເນື່ອງໃນໂອກາດບຸນປີໃໝ່ປະຈຳຊາດ 2024, ທ່ານ ເຈີ່ນຊວນວີງ ຕາງໜ້າໃຫ້ຄະນະປະຈຳສະພາປະຊາຊົນແຂວງກວາງນາມ ໄດ້ອວຍພອນໃຫ້ປະທານສະພາປະຊາຊົນແຂວງເຊກອງ ພ້ອມດ້ວຍຄະນະຜູ້ແທນຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ຈະເລີນຮຸ່ງເຮືອງ ແລະປະສົບຜົນສໍາເລັດ; ອວຍພອນໃຫ້ສາຍພົວພັນລະຫວ່າງຫວຽດນາມ ແລະ ລາວ ເວົ້າລວມ ແລະລະຫວ່າງອົງການສະພາປະຊາຊົນແຂວງກວາງນາມ ແລະແຂວງເຊກອງ ເວົ້າສະເພາະ ນັບມື້ນັບແໜ້ນແຟ້ນ ແລະຍືນຍົງກວ່າອີກໃນໄລຍະຈະມາເຖິງ.
ໃນໂອກາດນີ້, ການນໍາສະພາປະຊາຊົນແຂວງເຊກອງ ແລະການນໍາສະພາປະຊາຊົນແຂວງກວາງນາມ ກໍ່ໄດ້ມອບຂອງຂວັນໃຫ້ກັນ.
ສົມເພັດ
