| ນະຄອນ ໂຮ່ຈິມິນ ແລະ WEF ຮ່ວມມືສ້າງຕັ້ງສູນການປະຕິວັດອຸດສາຫະກຳຄັ້ງທີ 4 | |
| ລາຍການລະດູບານໃໝ່ບ້ານເກີດເມືອງນອນປີ 2024 ຈະຈັດຂຶ້ນຢູ່ນະຄອນ ໂຮ່ຈິມິນ |
ຄາດວ່າຈະມີຄົນເຈັບ 50 ຄົນ ໄດ້ຮັບການຜ່າຕັດບໍ່ເສຍຄ່າໃນລາຍການ. ຄົນເຈັບທັງໝົດຈະໄດ້ຮັບການກວດ, ຄັດເລືອກໂດຍບັນດາທ່ານໝໍໂຮງໝໍແພດທະຫານ 175 ແລະ ຄະນະ OWC ແລະ ຕົກລົງເຂົ້າຮ່ວມລາຍການປ່ຽນສະໂພກການກຸສົນດ້ວຍຄວາມສະໝັກໃຈ.
ບັນດາກໍລະນີທີ່ໄດ້ຮັບການຜ່າຕັດແມ່ນຄົນເຈັບຈອມກະດູກຂາເນົ່າເປື່ອຍ, ໂລກຂໍ້ສະໂພກອັກເສບ…
 |
| ລາຍການຜັນຂະຫຍາຍການຜ່າຕັດໂດຍບໍ່ເສຍຄ່າ |
ກຳນົດເວລາກວດຄົນເຈັບແມ່ນຈະຈັດຂຶ້ນໃນວັນທີ 27 ແລະ 28 ມັງກອນນີ້. ການຜ່າຕັດສໍາລັບຄົນເຈັບທີ່ໄດ້ຮັບການຄັດເລືອກຈະດໍາເນີນໃນລະຫວ່າງວັນທີ 7 ຫາ 13 ມີນາ. ເວລາລົງທະບຽນເຂົ້າຮ່ວມລາຍການແມ່ນແຕ່ວັນທີ 19 ມັງກອນ ຫາ 17 ໂມງ ວັນທີ 25 ມັງກອນ.
ນີ້ແມ່ນຄັ້ງທີ 3 ທີ່ໂຮງໝໍທະຫານ 175 ພ້ອມກັບ OWC ໄດ້ຜັນຂະຫຍາຍລາຍການຜ່າຕັດປ່ຽນຂໍ້ກະດູກໂດຍບໍ່ເສຍຄ່າໃຫ້ບັນດາຄົນເຈັບທີ່ປະສົບກັບຄວາມຫຍຸ້ງຍາກ. ຄົນເຈັບຫຼາຍຄົນທີ່ມີພະຍາດກ່ຽວກັບສະໂພກໄດ້ສົ່ງຜົນກະທົບຕໍ່ໜ້າທີ່ການເຄື່ອນໄຫວ ແຕ່ບໍ່ໄດ້ຜ່າຕັດ ຍ້ອນຄ່າໃຊ້ຈ່າຍໃນການປິ່ນປົວສູງ. ດັ່ງນັ້ນ, ເມື່ອເຂົ້າຮ່ວມລາຍການ, ຄົນເຈັບຈະບໍ່ໄດ້ເສຍຄ່າໃຊ້ຈ່າຍຫຍັງຫມົດໃນການຜ່າຕັດປ່ຽນຂໍ້ກະດູກທຽມຄັ້ງນີ້. ຫຼັງຈາກການຜ່າຕັດ, ຄົນເຈັບໄດ້ຮັບການບຳບັດເພື່ອຟື້ນຟູໜ້າທີ່ໃນການເຄື່ອນໄຫວຂອງແຂນຂາ, ກັບຄືນການເຄື່ອນໄຫວອອກແຮງງານ ແລະ ການດຳລົງຊີວິດທີ່ເປັນປົກກະຕິ.
OWC ເປັນອົງການມະນຸດສະທຳກ່ຽວກັບການຜ່າຕັດປ່ຽນຂໍ້ກະດູກ, ສ້າງຕັ້ງໃນປີ 1996 ຢູ່ ອາເມລີກາ, ເຕົ້າໂຮມຫຼາຍສາດສະດາຈານ, ທ່ານຫມໍ ແລະ ນັກວິທະຍາການທີ່ດີໃນຂົງເຂດການຜ່າຕັດປ່ຽນຂໍ້ກະດູກທຽມ. ສໍາລັບກວ່າ 20 ປີຂອງການດໍາເນີນງານ, ອົງການນີ້ ໄດ້ຜ່າຕັດໃຫ້ຄົນເຈັບຫຼາຍພັນຄົນໃນທົ່ວໂລກ.
ມິງດຶກ
