| ໂຄສະນາເຜີຍແຜ່ໃຫ້ບັນດາສະມາຊິກຊາວໜຸ່ມ ແລະ ຊາວໜຸ່ມກ່ຽວກັບອະທິປະໄຕຢູ່ທະເລ, ໝູ່ເກາະ | |
| ຫວຽດນາມ ຮຽກຮ້ອງ ຈີນ ເຄົາລົບອະທິປະໄຕຂອງ ຫວຽດນາມ ສຳລັບ ໝູ່ເກາະ ຮວ່າງຊາ |
ເຂົ້າຮ່ວມພິທີມີ: ທ່ານ ຫງວຽນແທ່ງຟອງ, ຫົວໜ້າຄະນະໂຄສະນາສຶກສາ ຄະນະພັກແຂວງ, ຫົວໜ້າຄະນະຊີ້ນຳວຽກງານການຕ່າງປະເທດແຂວງ ກຽນຢາງ; ທ່ານພັນເອກ ຈິ້ງຊ່ວນຮຸ່ງ, ຮອງຜູ້ບັນຊາການ, ຫົວໜ້າເສນາທິການເຂດ 5; ທ່ານພັນເອກ ເລວັນເຮືອງ, ຮອງຜູ້ຮັບຜິດຊອບການເມືອງເຂດ ແລະ ບັນດາອົງການອົງການທີ່ກ່ຽວຂ້ອງຂອງ 2 ຫົວໜ່ວຍ.
ກ່າວຄຳປາໄສທີ່ການຊົມເຊີຍ, ທ່ານພັນເອກ ເລວັນເຮືອງ ໃຫ້ຮູ້ວ່າ: ການແຂ່ງຂັນຂຽນກ່ຽວກັບວຽກງານຂ່າວສານການຕ່າງປະເທດ; ການໂຄສະນາກ່ຽວກັບທະເລ, ໝູ່ເກາະ ແລະ ຊາຍແດນດິນຕໍ່ແຜ່ນຂອງແຂວງ ກຽນຢາງ ປີ 2023 ແມ່ນເນື້ອໃນຈຸດສຸມໃນລາຍການສົມທົບກັນ ເພື່ອໂຄສະນາກ່ຽວກັບທະເລ, ໝູ່ເກາະລະຫວ່າງກອງບັນຊາການກອງທັບເຮືອເຂດ 5 ແລະ ຄະນະໂຄສະນາສຶກສາແຂວງ ກຽນຢາງ ໃນປີ 2023. ຈາກໝາກຜົນຂອງການແຂ່ງຂັນຄັ້ງນີ້, ບັນດາຜູ້ແທນ, ຜູ້ຂຽນ ຈະສືບຕໍ່ເຜີຍແຜ່ບັນດາຄຸນຄ່າອັນດີງາມທີ່ການແຂ່ງຂັນນຳມາໃຫ້ປະຊາຊົນທຸກຊັ້ນວັນນະຢ່າງຄັບຄາໜາແໜ້ນຢູ່ພາຍໃນ ແລະ ພາຍນອກແຂວງ ກຽນຢາງ.
 |
| ທ່ານພັນເອກ ເລວັນເຮືອງ ຮອງຜູ້ຮັບຜິດຊອບການເມືອງເຂດ ກ່າວຄຳປາໄສທີ່ພິທີ |
ໃຫ້ການແຂ່ງຂັນຂຽນກ່ຽວກັບວຽກງານຂ່າວສານການຕ່າງປະເທດ; ການໂຄສະນາກ່ຽວກັບທະເລ, ໝູ່ເກາະ ແລະ ຊາຍແດນດິນຕໍ່ແຜ່ນຂອງແຂວງ ກຽນຢາງ ໃນປີ 2023 ໄດ້ຮັບການປຸກລະດົມຢ່າງກວ້າງຂວາງໃນປະຊາຊົນທຸກຊັ້ນວັນນະໃນທົ່ວປະເທດ ແຕ່ວັນທີ 2 ມີນາ 2023 ຫາ 30 ຕຸລາ 2023. ການແຂ່ງຂັນຄັ້ງນີ້ ໄດ້ຮັບບົດຂຽນເກືອບ 9.500 ບົດຈາກບັນດາທ້ອງຖິ່ນ, ອົງການ, ໜ່ວຍງານພາຍໃນ ແລະ ຕ່າງແຂວງ. ໃນນັ້ນ, ບົດຂຽນຫຼາຍບົດແມ່ນມີຄຸນນະພາບດີ, ຜູ້ຂຽນໄດ້ລົງທຶນຢ່າງພິຖີພິຖັນ, ໄດ້ນຳສະເໜີຢ່າງມີວິທະຍາສາດ, ມີຫົວຄິດປະດິດສ້າງ, ພິມສີ, ເຮັດປຶ້ມ, ເຮັດກ່ອງບັນຈຸ, ປະດັບດ້ວຍສິລະປະ... ອັນໄດ້ສ້າງຄວາມປະທັບໃຈໃຫ້ແກ່ຜູ້ອ່ານ. ພິເສດ, ມີບົດຂຽນສົ່ງເຂົ້າແຂ່ງຂັນຫຼາຍບົດມີເຖິງ 6 ພາກ, ນອກຈາກເນື້ອໃນຕົ້ນຕໍແລ້ວ, ຜູ້ຂຽນຍັງໄດ້ສະເໜີຮູບພາບ, ຄຳສອນຂອງປະທານ ໂຮ່ຈິມິນ ແລະ ບັນດາເອກະສານນິຕິກຳ ເພື່ອປະກອບໃຫ້ບົດຂຽນຂອງຕົນສົມບູນຂຶ້ນຕື່ມ.
ບັນດາບົດນິພົນທີ່ເຂົ້າຮ່ວມການແຂ່ງຂັນ ໄດ້ສ່ອງແສງຢ່າງຈະແຈ້ງເຖິງວຽກງານຂ່າວສານການຕ່າງປະເທດ; ສະເໜີຫຼາຍວິທີການແກ້ໄຂຢ່າງຕັ້ງໜ້າເຂົ້າໃນການປະຕິບັດຍຸດທະສາດພັດທະນາເສດຖະກິດທາງທະເລແບບຍືນຍົງ ແລະ ຂະບວນວິວັດລະດົມກຳມາທິການ ເອີລົບ (EC) ເພື່ອລົບລ້າງ “ບັດເຫຼືອງ” ສຳລັບສິນທະເລຂອງ ຫວຽດນາມ; ສະໜອງຂໍ້ມູນຂ່າວສານອັບເດດກ່ຽວກັບການປະຕິບັດວຽກງານຊາຍແດນດິນຕໍ່ແຜ່ນລະຫວ່າງຫວຽດນາມ ແລະ ບັນດາປະເທດເພື່ອນບ້ານ; ຕໍ່ສູ້ປະຕິເສດບັນດາທັດສະນະທີ່ຜິດພາດ, ຂໍ້ມູນບິດເບືອນຂອງບັນດາກຳລັງສວຍໂອກາດ, ສັດຕູຢູ່ພາຍໃນ ແລະ ຕ່າງປະເທດ ທີ່ສວຍໃຊ້ບັນດາບັນຫາຊາຍແດນ, ຜືນແຜ່ນດິນ ເພື່ອເຮັດໃຫ້ກຸ່ມກ້ອນມະຫາສາມັກຄີແຫ່ງຊາດເສຍຫາຍ ແລະ ບິດເບືອນພາບພົດຂອງ ຫວຽດນາມ; ປະຕິເສດບັນດາຜົນງານ ແລະ ຄວາມມານະພະຍາຍາມຂອງ ຫວຽດນາມ ໃນບັນດາຂົງເຂດ...
ກ່າວຄຳປາໄສທີ່ພິທີ, ທ່ານ ຫງວຽນແທ່ງຟອງ ໄດ້ຕີລາຄາສູງວຽກງານປະສົມປະສານ, ໂຄສະນາ, ການຈັດຕັ້ງເຂົ້າຮ່ວມການແຂ່ງຂັນຂອງບັນດາທ້ອງຖິ່ນ, ອົງການ ແລະ ຫົວໜ່ວຍ. ເພື່ອສືບຕໍ່ປະຕິບັດວຽກງານຂ່າວສານການຕ່າງປະເທດ; ການໂຄສະນາກ່ຽວກັບທະເລ, ໝູ່ເກາະ ແລະ ຊາຍແດນແຜ່ນດິນແຂວງ ກຽນຢາງ ໃຫ້ເປັນຢ່າງດີໃນໄລຍະຈະມາເຖິງ, ທ່ານ ຫງວຽນແທ່ງຟອງ ໄດ້ສະເໜີໃຫ້ທຸກຂັ້ນ, ຂະແໜງການ ແລະ ທ້ອງຖິ່ນຂອງແຂວງ ສຸມໃສ່ເຊື່ອມຊຶມ, ເປັນເອກະພາບຄວາມຄິດ, ຄວາມຮັບຮູ້ກ່ຽວກັບທີ່ຕັ້ງ, ບົດບາດ, ຄວາມສຳຄັນຂອງວຽກງານຂ່າວສານການຕ່າງປະເທດ; ການໂຄສະນາກ່ຽວກັບທະເລ, ໝູ່ເກາະ ແລະ ຊາຍແດນດິນຕໍ່ແຜ່ນລະຫວ່າງພະນັກງານ, ສະມາຊິກພັກ ແລະ ປະຊາຊົນທຸກຊັ້ນວັນນະ.
ບັນດາອົງການ, ທ້ອງຖິ່ນ ແລະ ຫົວໜ່ວຍ ເພີ່ມທະວີການຊຸກຍູ້ບັນດາແບບວິທີ, ຮູບແບບໂຄສະນາ, ສື່ມວນຊົນຮູບພາບຂອງປະເທດ, ປະຊາຊົນ ຫວຽດນາມ, ພິເສດແມ່ນບັນດາຂໍ້ມູນຂ່າວສານກ່ຽວກັບການພັດທະນາເສດຖະກິດທາງທະເລ ຫວຽດນາມ, ວຽກງານຊາຍແດນດິນຕໍ່ແຜ່ນ ເໝາະສົມກັບແຜນນະໂຍບາຍ, ແນວທາງຂອງພັກ, ລັດ. ເສີມຂະຫຍາຍສູງສຸດທ່າໄດ້ປຽບຂອງບັນດາພາຫະນະສື່ສານທີ່ທັນສະໄຫມ; ຫັນຂໍ້ມູນຂ່າວສານເປັນດີຈີຕອນເພື່ອເຜີຍແຜ່ເຖີງປະຊາຊົນທັງຢູ່ພາຍໃນ ແລະ ຕ່າງປະເທດເປັນຈຳນວນຫຼວງຫຼາຍ, ປະຊາຄົມຊາວ ຫວຽດນາມ ຢູ່ຕ່າງປະເທດ ແລະ ເພື່ອນມິດສາກົນ; ຍາດແຍ່ງເອົາສຽງສະໜັບສະໜູນຂອງປະຊາຊົນທີ່ກ້າວໜ້າໃນທົ່ວໂລກ ເພື່ອປົກປັກຮັກສາອະທິປະໄຕທະເລ ແລະ ໝູ່ເກາະຂອງປະເທດຊາດຢ່າງໝັ້ນຄົງ.
ທີ່ພິທີ, ຄະນະໂຄສະນາສຶກສາຄະນະພັກແຂວງແຂວງ ກຽນຢາງ ໄດ້ມອບລາງວັນໃຫ້ 6 ໝູ່ຄະນະ ແລະ 31 ບຸກຄົນທີ່ມີຜົນງານດີເດັ່ນໃນການແຂ່ງຂັນ.
ມິງດຶກ
