| ຫວຽດນາມ ຮຽກຮ້ອງ ຈີນ ເຄົາລົບອະທິປະໄຕຂອງ ຫວຽດນາມ ສຳລັບ ໝູ່ເກາະ ຮວ່າງຊາ | |
| ຮັບປະກັນການປ້ອງກັນປະເທດ, ປ້ອງກັນຄວາມສະຫງົບ, ຫ່ວງໃຍຊີວິດການເປັນຢູ່ຂອງປະຊາຊົນຢູ່ທະເລ, ໝູ່ເກາະ |
ທີ່ລາຍການ, ມີພະນັກງານ, ສະມາຊິກຊາວໜຸ່ມ, ຊາວໜຸ່ມ 100 ກວ່າຄົນ ໄດ້ຮັບຟັງຜູ້ຊ່ວຍຫ້ອງການ ການເມືອງ - ກອງບັນຊາການເຂດຕຳຫຼວດທະເລ ເລກ 2 ແນະນຳບັນດາຄວາມຮູ້ກ່ຽວກັບທະເລ ແລະ ໝູ່ເກາະຂອງຫວຽດນາມ; ຢືນຢັນພື້ນຖານນິຕິກຳໃຫ້ແກ່ອະທິປະໄຕເຂດທະເລ, ໝູ່ເກາະຂອງຫວຽດນາມ; ໂຄສະນາເເຕ່ລະຜົນງານໃນການພັດທະນາເສດຖະກິດທາງທະເລ ແລະ ເກາະຂອງ ຫວຽດນາມ.
ຊາວໜຸ່ມກໍ່ຍັງມີກາລະໂອກາດຄົ້ນຄວ້າ, ຊອກຮູ້ກ່ຽວກັບບົດບາດ, ທີ່ຕັ້ງຍຸດທະສາດທະເລ, ໝູ່ເກາະຂອງຫວຽດນາມ ໃນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດ, ການເຄື່ອນໄຫວປົກປັກຮັກສາອະທິປະໄຕຂອງຫວຽດນາມ ຢູ່ທະເລຕາເວັນອອກ...
 |
| ຜູ້ຊ່ວຍຫ້ອງການ ການເມືອງ - ກອງບັນຊາການເຂດຕຳຫຼວດທະເລ ເລກ 2 ແນະນຳຄວາມຮູ້ກ່ຽວກັບທະເລ ແລະ ໝູ່ເກາະຂອງຫວຽດນາມ. ພາບ ; TPO |
ຕາມການນຳຂອງຄະນະຊາວໜຸ່ມ ເທືອທຽນ – ເຫວ້ ແລ້ວ, ວຽກງານໂຄສະນາກ່ຽວກັບທະເລ ແລະ ໝູ່ເກາະຍາມໃດກໍ່ຖືວ່າແມ່ນໜ້າທີ່ສຳຄັນ.
ນີ້ແມ່ນການເຄື່ອນໄຫວປະກອບສ່ວນເຂົ້າໃນການສຶກສາຢ່າງເລິກເຊິ່ງກ່ຽວກັບສະຕິຄວາມຮັບຮູ້, ຄວາມຮັບຜິດຊອບ, ຈິດໃຈປະຈັນບານ, ອາສາສະໝັກຂອງບັນດາສະມາຊິກຊາວໜຸ່ມ, ຊາວໜຸ່ມ ເທືອທຽນ – ເຫວ້ ເຂົ້າຮ່ວມການປົກປັກຮັກສາທະເລ ແລະ ໝູ່ເກາະຂອງປະເທດຊາດ; ກໍ່ສ້າງລຸ້ນຊາວໜຸ່ມທີ່ເຕັມໄປດ້ວຍນ້ຳໃຈຮັກຊາດ ແລະ ເອກອ້າງທະນົງໃຈຕໍ່ຊາດ; ໃຫ້ກຳລັງໃຈ, ລະດົມໃຫ້ຊາວໜຸ່ມເຂົ້າຮ່ວມການເຄື່ອນໄຫວອາສາສະໝັກເພື່ອຊີວິດຊຸມຊົນ; ຍົກສູງຄວາມຮັບຜິດຊອບໃນການຂຸດຄົ້ນ ແລະ ນຳໃຊ້ຊັບພະຍາກອນທາງທະເລຢ່າງມີປະສິດທິຜົນ ແລະ ຍືນຍົງ.
ໃນໄລຍະຈະມາເຖິງ, ຄະນະປະຈຳຄະນະຊາວໜຸ່ມ ເທືອທຽນ - ເຫວ້ ຈະສືບຕໍ່ຊີ້ນຳບັນດາຄະນະຊາວໜຸ່ມບັນດາຂັ້ນຢູ່ທ້ອງຖິ່ນປະຕິບັດວຽກງານໂຄສະນາເຜີຍແຜ່ກ່ຽວກັບທະເລ ແລະ ໝູ່ເກາະໃຫ້ພະນັກງານ, ສະມາຊິກຊາວໜຸ່ມ, ຊາວໜຸ່ມດ້ວຍຫຼາຍຮູບແບບ ແລະ ເນື້ອໃນ.
ດີງເລື້ອງ
