 | ທູດປະຊາຊົນ ປະກອບສ່ວນອັນໃຫຍ່ຫຼວງເຂົ້າໃນຂະບວນວິວັດການດ້ານການທູດຂອງປະເທດ
|
ເສີມຂະຫຍາຍບົດບາດຂອງໄວໜຸ່ມໃນການເຄື່ອນໄຫວວຽກງານການທູດປະຊາຊົນ
ຄົນລຸ້ນໜຸ່ມ ໄດ້ ແລະ ຈະເປັນຜູ້ດີເດັ່ນ, ນໍາໜ້າຂອງການທູດປະຊາຊົນ, ຂະຫຍັນຂັນເຄື່ອນ ແລະ ວ່ອງໄວໃນການໂຄສະນາເຜີຍແຜ່ຮູບພາບອັນດີງາມຂອງປະເທດຊາດ.
ຜູ້ນໍາໜ້າບົນເສັ້ນທາງສາຍພົວພັນມິດຕະພາບ ຫວຽດນາມ - ຈີນ
ໃນການມາຫວຽດນາມ ຢ້ຽມຢາມຂັ້ນລັດຂອງ ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ, ໃນວັນທີ 13 ທັນວາ 2023 ຢູ່ນະຄອນຫຼວງຮ່າໂນ້ຍ, ທ່ານເລຂາທິການໃຫຍ່ຄະນະບໍລິຫານງານສູນກາງພັກ ຫວຽດນາມ ຫງວຽນຟູຈ້ອງ ພ້ອມພັນລະຍາ ໂຫງ່ທິເມິນ ໄດ້ພ້ອມທັງທ່ານເລຂາທິການໃຫຍ່, ປະທານປະເທດ ສີຈິ້ນຜິງ ແລະ ພັນລະຍາ, ທ່ານ ສາດສະດາຈານ ແບງເລະວຽນ, ການນຳຂັ້ນສູງຂອງທັງສອງຝ່າຍ ໄດ້ພົບປະກັບບັນດານັກປັນຍາຊົນມິດຕະພາບ ແລະ ຄົນລຸ້ນໜຸ່ມຂອງສອງປະເທດ ຫວຽດນາມ - ຈີນ.
ກ່າວຄຳເຫັນທີ່ການພົບປະ, ທ່ານເລຂາທິການໃຫຍ່ ຫງວຽນຟູ໋ຈ້ອງ ແລະ ທ່ານເລຂາທິການໃຫຍ່ ປະທານປະເທດ ຈີນ ສີຈິ້ນຜິງ ໄດ້ເນັ້ນໜັກເຖິງບົດບາດຂອງລຸ້ນໜຸ່ມໃນການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ.
 |
| ນາງ ເລຫງຽດກວິ່ງ , ນັກຮຽນໂຮງຮຽນມັດທະຍົມລົງເລິກຂະແໜງພາສາຕ່າງປະເທດ (ມະຫາວິທະຍາໄລແຫ່ງຊາດ ຮ່າໂນ້ຍ) ກ່າວຄຳເຫັນ ໃນພິທີພົບປະນັກປັນຍາຊົນມິດຕະພາບ ແລະ ຄົນລຸ້ນໜຸ່ມ ຫວຽດນາມ - ຈີນ ໃນວັນທີ 13 ທັນວາ 2023. . (ພາບ: Dinh Hoa) |
ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ສະແດງຄວາມເຊື່ອໝັ້ນ ເມື່ອໄດ້ພົບປະກັບຊາວໜຸ່ມຂອງ 2 ປະເທດ ດ້ວຍເຈດຈຳນົງເດີນຕາມບາດກ້າວຂອງຄົນລຸ້ນກ່ອນ ເພື່ອນຳມາເຊິ່ງພະລັງຊີສິດ ແລະ ອະນາຄົດອັນສົດໃສໃຫ້ແກ່ການພົວພັນ ຫວຽດນາມ - ຈີນ.
ທ່ານເລຂາທິການໃຫຍ່ ໄດ້ຕີລາຄາສູງຕໍ່ກັບການປະກອບສ່ວນອັນໃຫຍ່ຫຼວງຂອງປະຊາຊົນສອງປະເທດ, ໃນນັ້ນ ບັນດານັກປັນຍາຊົນ ແລະ ຊາວໜຸ່ມ ໄດ້ມີບົດບາດສຳຄັນທີ່ສຸດ. ທ່ານເຊື່ອໝັ້ນ ແລະ ປາດຖະໜາວ່າ ບັນດານັກປັນຍາຊົນ ແລະ ຊາວໜຸ່ມຂອງສອງປະເທດ ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນບັນດາຄວາມມານະພະຍາຍາມຮ່ວມມືເພື່ອພັດທະນາການພົວພັນຫວຽດນາມ - ຈີນ ໃຫ້ເຂັ້ມແຂງ, ໝັ້ນຄົງ, ຍາວນານ ແລະ ມີປະສິດທິຜົນ.
ທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ ເນັ້ນໜັກວ່າ ການພົວພັນມິດຕະພາບ ຈີນ-ຫວຽດນາມ ມີພື້ນຖານ ຢູ່ກັບປະຊາຊົນ ທີ່ຊາວໜຸ່ມແມ່ນອະນາຄົດ. ທ່ານສະແດງຄວາມຫວັງວ່າ ໄວໜຸ່ມຈະເປັນຜູ້ສືບທອດມຸນເຊື້ອມິດຕະພາບຈີນ-ຫວຽດນາມ; ການປະກອບສ່ວນສ້າງປະຊາຄົມແບ່ງປັນອະນາຄົດ ຈີນ-ຫວຽດນາມ ທີ່ມີຄວາມໝາຍຍຸດທະສາດ. ພ້ອມກັນນັ້ນ, ທ່ານກ່າວເນັ້ນວ່າ ນັກປັນຍາຊົນ ແລະ ລຸ້ນໜຸ່ມ ແມ່ນຜູ້ນໍາໜ້າບົນເສັ້ນທາງມິດຕະພາບລະຫວ່າງສອງປະເທດ, ນຳໜ້າເພື່ອຄວາມກ້າວໜ້າຂອງມວນມະນຸດ, ປະກອບສ່ວນເຂົ້າໃນການພັດທະນາຢ່າງໝັ້ນຄົງ, ຍາວນານຂອງພາກພື້ນອາຊີ-ປາຊີຟິກ ເປີດກວ້າງ, ກວມລວມ,ປອງດອງ, ສີສິໄລ ແລະ ພັດທະນາ.
ໂອກາດເພື່ອຊາວໜຸ່ມສົ່ງເສີມ “ກຳລັງແຮງໃນການດຶງດູດ”
ບົດບາດສຳຄັນຂອງໄວໜຸ່ມໃນການເຄື່ອນໄຫວການທູດປະຊາຊົນ ໄດ້ຮັບການເນັ້ນໜັກຫຼາຍຄັ້ງໃນບັນດາລາຍການ, ກອງປະຊຸມສຳມະນາ,… ພິເສດແມ່ນໃນກອງປະຊຸມສຳມະນາ “ບົດບາດການທູດປະຊາຊົນ ຕາມເສັ້ນທາງກ້າວຂຶ້ນສັງຄົມນິຍົມ ຫວຽດນາມ” ທີ່ໄດ້ຈັດຂຶ້ນຢູ່ນະຄອນໂຮ່ຈິມິນ ໃນເດືອນພະຈິກ 2023, ທ່ານ ໂຮ່ຊວນເລີມ, ຮອງປະທານ, ເລຂາທິການ ສະຫະພັນບັນດາອົງການມິດຕະພາບ ນະຄອນໂຮ່ຈິມິນ (HUFO) ໃຫ້ຮູ້ວ່າ: ບັນດາການເຄື່ອນໄຫວການທູດປະຊາຊົນຂອງ HUFO ຍາມໃດກໍ່ຕິດພັນກຳລັງໄວໜຸ່ມ ເພາະນີ້ແມ່ນເຈົ້າການຂອງການເຄື່ອນໄຫວການທູດປະຊາຊົນ.
 |
| ຊາວໜຸ່ມ ແລະ ນັກສຶກສາ ຫວຽດນາມ ພ້ອມກັບບັນດາຜູ້ແທນ ຈາກບັນດາປະເທດເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນ ອາຊຽນ - ຍີ່ປຸ່ນ ໃນເດືອນທັນວາ 2023. (ພາບ: doanthanhnien.vn) |
ທ່ານຊີ້ແຈ້ງວ່າ: ໄວໜຸ່ມມີບົດບາດສຳຄັນໃນຂະບວນການປະຕິບັດການທູດປະຊາຊົນ. ໂດຍແມ່ນບັນດາໄວໜຸ່ມນັ້ນເອງ ຈະແມ່ນຜູ້ໃຫ້ຄຳຕອບ ກັບເພື່ອນມິດສາກົນຮູ້ວ່າ ເສັ້ນທາງກ້າວຂຶ້ນສັງຄົມນິຍົມ ຢູ່ຫວຽດນາມ ແມ່ນຄວາມຈຳເປັນ, ພາວະວິໄສ, ແມ່ນຄວາມມຸ່ງມາດປາດຖະໜາ ເພື່ອໃຫ້ປະຊາຊົນອີ່ມໜຳສຳລານ, ມີຄວາມຜາສຸກ.
ຕາມທ່ານ ປອ ເທິນງອກແອງ, ຫົວໜ້າພະແນກວິທະຍາສາດສັງຄົມນິຍົມ, ສະຖາບັນການເມືອງ ເຂດ II (ສະຖາບັນການເມືອງແຫ່ງຊາດ ໂຮ່ຈີມິນ) ແລ້ວ, ໄວໜຸ່ມມີຫຼາຍຈຸດດີຄື: ມີສະຕິປັນຍາທີ່ສະຫລາດ, ມີຄວາມກະຕືລືລົ້ນ; ລະດັບພາສາຕ່າງປະເທດ ແລະ ທັກສະນຳໃຊ້ຄອມພິວເຕີ; ຄວາມສາມາດໃນການເຂົ້າເຖິງ ແລະ ກໍາໄດ້ຂໍ້ມູນຂ່າວສານ ແມ່ນສ້າງຄວາມສະດວກໃຫ້ແກ່ຂະບວນການສື່ສານ ແລະ ການທູດປະຊາຊົນ. ເຖິງຢ່າງໃດກໍຕາມ, ຄວາມຫຍຸ້ງຍາກແມ່ນອາຍຸຍັງອ່ອນ ແລະ ຂາດປະສົບການຕົວຈິງ.
ທ່ານກ່າວວ່າ ໄວໜຸ່ມຕ້ອງມີຄວາມຮູ້, ທັກສະ, ລະດັບວິຊາສະເພາະຄອມພິວເຕີ, ພາສາຕ່າງປະເທດ, ມີຄວາມເຂົ້າໃຈດ້ານວິທະຍາສາດ, ປະຫວັດສາດ, ວັດທະນະທຳຂອງຊາດ; ມີຄວາມຫວັງຢາກພັດທະນາຕົນເອງ ປະກອບສ່ວນສ້າງສາປະເທດຊາດ. ໃນດ້ານການທູດປະຊາຊົນ, ໄວໜຸ່ມຕ້ອງຮູ້ແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດ; ມີສະຕິຕື່ນຕົວ ຕໍ່ກົນອຸບາຍຂອງອິດທິກໍາລັງເປັນປໍລະປັກ, ມີຫຼັກໝັ້ນ, ທັດສະນະ, ຄຸນນະທາດທາງການເມືອງຢ່າງໝັ້ນຄົງ...
ການປະຕິວັດອຸດສາຫະກໍາ 4.0 ແມ່ນໂອກາດສໍາລັບຄົນລຸ້ນໃຫມ່ ທີ່ເປັນເຈົ້າການເຕັກໂນໂລຊີ ສາມາດກາຍເປັນນັກການທູດໃນຊ່ອງດິຈິຕອນໄດ້. ລຸ້ນໜຸ່ມ ໄດ້ ແລະ ຈະເປັນຜູ້ດີເດັ່ນ, ນໍາໜ້າຂອງການທູດປະຊາຊົນ, ຂະຫຍັນຂັນເຄື່ອນ ແລະ ວ່ອງໄວໃນການໂຄສະນາເຜີຍແຜ່ຮູບພາບອັນດີງາມຂອງປະເທດຊາດ.
ສະນັ້ນ, ຕ້ອງຍົກສູງຄວາມຮັບຮູ້ ແລະ ສ້າງກາລະໂອກາດ ໃຫ້ຊາວໜຸ່ມເຂົ້າຮ່ວມບັນດາໂຄງການແລກປ່ຽນສາກົນ, ບັນດາເຫດການວັດທະນະທຳ, ການເຄື່ອນໄຫວອາສາສະໝັກ, ພັດທະນາຄວາມເປັນມິດຕະພາບ ແລະ ເຊື່ອມໂຍງກັບບັນດາປະເທດຕ່າງໆ, ຊຸກຍູ້ຄວາມເປັນອັນໜຶ່ງອັນດຽວ ແລະ ຄວາມເຂົ້າໃຈ, ເຄົາລົບຄວາມແຕກຕ່າງ. ໃນຍຸດທະສາດຫັນເປັນດີຈີຕອນຂອງປະເທດ, ຂະແໜງການການທູດ ຍັງຕ້ອງຍາດແຍ່ງເອົາການພັດທະນາຢ່າງແຂງແຮງຂອງພື້ນຖານດີຈີຕອນ ແລະ ສື່ສັງຄົມ ເພື່ອແນໃສ່ໂຄສະນາພາບພົດຂອງປະເທດຊາດ ແລະ ປະຊາຊົນຫວຽດນາມ.
ຊ ສະຫວັດ
