ກອງປະຊຸມຮ່ວມມືພັດທະນາ ທ່ອງທ່ຽວເຊື່ອມຕໍ່ບັນດາເມືອງມໍລະດົກໂລກ ລະຫວ່າງ ສາມແຂວງ ຄື: ອຸດອນທານີ(ປະເທດໄທ)- ຫຼວງພະບາງ(ລາວ) - ກວ້າງນິງ(ຫວຽດນາມ) ເຊິ່ງຫາກໍ່ດຳເນີນໄປຢ່າງປະສົບຄວາມສຳເລັດ ຢູ່ ແຂວງ ອຸດອນທານີ. ທີ່ກອງປະຊຸມ ທັງສາມຝ່າຍໄດ້ຮ່ວມກັນຕີລາຄາປະເມີນຜົນ ຂະບວນການ ການຮ່ວມມື ເຊື່ອມຕໍ່, ພັດທະນາ ທ່ອງທ່ຽວ ບັນດາມໍລະດົກໂລກ ຂອງສາມ ແຂວງ ອຸດອນທານີ(ປະເທດໄທ)- ຫຼວງພະບາງ(ລາວ) - ກວ້າງນິງ(ຫວຽດນາມ) ໃນໄລຍະທີ່ຜ່ານມາ ແລະ ແລກປ່ຽນບົດຮຽນ ກ່ຽວກັບ “ ບົດບາດ ຂອງມວນມະຫາຊົນ ໃນວຽກງານການຄຸ້ມຄອງການທ່ອງທ່ຽວ ເມືອງມໍລະດົກໂລກ”
 |
ຫຼວງພະບາງ-ກວ້າງນິງ-ອຸດອນທານີ ເຊັນສັນຍາການຮ່ວມມື ໄລຍະ 2018-2019.(ພາບ: Quangninh.gov)
ສາມຫຼຽມ ເມືອງມໍລະດົກໂລກ
ໂຄງການສາມຫຼຽມເມືອງມໍລະດົກໂລກ ລະຫວ່າງສາມແຂວງ ໄດ້ເລີ່ມຂື້ນຕັ້ງແຕ່ປີ 2006 ຮອດປະຈຸບັນ, ທຸກຝ່າຍໄດ້ມີການເຄື່ອນໄຫວຮ່ວມມື ເພື່ອຊຸກຍູ້ການໂຄສະນາຮູບພາບຂອງການທ່ອງທ່ຽວ, ເຊື່ອມຕໍ່ບັນດາເມືອງມໍລະດົກໂລກ (ເມືອງມໍລະດົກສາມແຫ່ງ - ສະຖານທີ່ທ່ອງທ່ຽວ), ສົ່ງເສີມ ແລະ ສ້າງເງື່ອນໄຂ ສະດວກທີ່ສຸດໃຫ້ແກ່ບັນດານັກລົງທືນ, ນັກທຸລະກິດ ທຸກໆຝ່າຍ ເມື່ອເຂົ້າມາລົງທືນຢູ່ແຕ່ລະປະເທດຄູ່ຮ່ວມມື.
 |
ການຮ່ວມມື ເມືອງ ມໍລະດົກ ສາມ ແຫ່ງ “ ອຸດອນທານີ-ຫຼວງພະບາງ-ກວ້າງນິງ” ທີ່ໜ້າທ່ອງທ່ຽວ. (ພາບ: Quangninh.gov)
ເພື່ອການຮ່ວມມືປະກົດຜົນເປັນຈິງ ແລະ ມີປະສິດທິຜົນ ແຕ່ປີ 2014 ສາມແຂວງ ໄດ້ເຫັນດີເປັນເອກກະພາບ ປະຊຸມສຸດຍອດ 2ປີ ຕໍ່ຄັ້ງ ບົນພື້ນຖານ ການຜັນປ່ຽນຂອງບັນດາແຂວງສະມາຊິກ ເພື່ອ ປືກສາຫາລື ກ່ຽວກັບທິດທາງ ແລະ ວິທີການຮ່ວມມືໃນການຊຸກຍູ້ການທ່ອງທ່ຽວໃຫ້ສອດຄ່ອງກັບສະພາບຄວາມເປັນຈິງ. ໄລຍະ ປີ 2014 -2015 ກອງປະຊຸມຮ່ວມມືພັດທະນາ ທ່ອງທ່ຽວລະຫວ່າງ ສາມແຂວງ ຈັດຂື້ນຢູ່ ແຂວງຫຼວງພະບາງ(ລາວ); ປີ 2016-2017 ຈັດຂື້ນຢູ່ ແຂວງກວ້າງນິງ (ຫວຽດນາມ)
ໄລຍະຜ່ານມາ ການໂຄສະນາ ສະຖານທີ່ທ່ອງທ່ຽວ ສາມຫຼ່ຽມ ເມືອງມໍລະດົກໂລກ ຂ້າງເທິງ ຮ່ວມກັບເວທີການທ່ອງທ່ຽວ ໄດ້ນຳຜົນປະໂຫຍດມາໃຫ້ການຂະຫຍາຍ ຄວາມຫຼາກຫຼາຍ ສິນຄ້າຂອງການທ່ອງທ່ຽວ ກັບ ເອກກະລັກວັດທະນະທຳ ຂອງແຕ່ລະຊົນເຜົ່າ, ປະກອບສ່ວນສ້າງເສັ້ນທາງທົວທ່ອງທ່ຽວອັນດຶງດູດ, ເປັນຕົ້ນແມ່ນ ຈຳນວນນັກທ່ອງທ່ຽວ ເອຣົບ-ອາເມລິກາເໜືອ.... ໂຄງການຮ່ວມມືດັ່ງກ່າວ ໄດ້ ແລະ ກຳລັງ ຍົກລະດັບ ສາມຫຼຽມເມືອງມໍລະດົກໂລກ ຂື້ນສູ່ສາກົນ, ສ້າງກຳລັງແຮງໃນການແກ່ງແຍ້ງສູງຂື້ນທຽບກັບສະຖານທີ່ທ່ອງທ່ຽວອື່ນໆໃນໂລກ.
ກ່າວຄຳເຫັນທີ່ກອງປະຊຸມ ຮອງຫົວໜ້າພະແນກ ທ່ອງທ່ຽວແຂວງກວ້າງນິງ ທ່ານ ເລ ມິງເຕິນ ໄດ້ໃຫ້ຮູ້ວ່າ: ຢາກບັນລຸໄດ້ເປົ້າໝາຍທີ່ວາງອອກ ໃນແຜນການ-ການເຄື່ອນໄຫວຮ່ວມມື ພັດທະນາທ່ອງທ່ຽວ ລະຫວ່າງ ສາມແຂວງ, ແຕ່ລະແຂວງຕ້ອງໄດ້ມີຄວາມມານະພະຍາຍາມ ຮ່ວມແຮງ ເພື່ອການພັດທະນາລວມ ຂອງ ພູມມິພາກ ສາມຫຼ່ຽມເມືອງມໍລະດົກໂລກ ປະກອບສ່ວນນຳຮູບພາບຂອງການທ່ອງທ່ຽວຂອງສາມແຂວງ ອອກສູ່ສາຍຕາຄົນທົ່ວໂລກ. ແຂວງກວ້າງນິງ ຕີລາຄາສູງ ບັນດາໝາກຜົນຂອງການຮ່ວມມືຂອງສາມແຂວງ ທີ່ໄດ້ຮັບໃນໄລຍະທີ່ຜ່ານມາ. ຄວາມຮັດແໜ້ນຂອງບັນດາເມືອງມໍລະດົກໂລກ ໃນນັ້ນ ແກນຫຼັກແມ່ນ ຜູ້ຄຸ້ມຄອງ, ສະຫະພັນທ່ອງທ່ຽວ ແລະ ນັກທຸລະກິດດ້ານການທ່ອງທ່ຽວຂອງສາມແຂວງ ມີບົດບາດສຳຄັນຕໍ່ກັບການຊຸກຍູ້ການທ່ອງທ່ຽວ ໃນພູມມິພາກ ໃຫ້ພັດທະນາ, ເປີດກວ້າງສາຍພົວພັນຮ່ວມມື ສອງຝ່າຍ, ຫຼາຍຝ່າຍ ແລະ ເພີ່ມທະວີ ຄວາມສາມັກຄີ ມິດຕະພາບ ລະຫວ່າງກັນ.
（ຫັດທະບູນ）
