| ດານັງ: ຫ້ອງຮຽນພາສາຫວຽດນາມ ສຳລັບບັນດານັກສຶກສາລາວ ແລະ ໄທ ຢູ່ວັດຕາມບາວ | |
| ເປີດຕົວສະມາຄົມມິດຕະພາບ ຫວຽດນາມ - ຍີ່ປຸ່ນ ຢູ່ມະຫາວິທະຍາໄລພາສາຕ່າງປະເທດ, ມະຫາວິທະຍາໄລ ດານັງ |
ວັນທີ 10 ທັນວາ, ຄະນະກຳມະການປະຊາຊົນເມືອງ ຫາຍເຈົາ (ນະຄອນ ດານັງ) ໄດ້ຈັດຕັ້ງງານບຸນ “ເຊື່ອມຕໍ່ແຂນເພື່ອນ” ແລະ ສັງລວມໂຄງການ “ຢູ່ເຮືອນປະຊາຊົນ'' (homestay) ໃຫ້ນັກສຶກສາ ລາວ ປີ 2023 ຢູ່ເຂດເມືອງ.
ທີ່ລາຍການ, ນັກສຶກສາລາວ ແລະ ຫວຽດນາມ ໄດ້ເຂົ້າຮ່ວມການຫຼິ້ນພື້ນເມືອງ, ເຕັ້ນສາກ, ແລກປ່ຽນອາຫານຫວຽດນາມ - ລາວ... ສະຖານກົງສູນລາວ ປະຈຳນະຄອນ ດານັງ ໄດ້ມອບໃບຍ້ອງຍໍໃຫ້ແກ່ຄະນະກຳມະການປະຊາຊົນເມືອງ ຫາຍເຈົາ. ສະຫະພັນບັນດາອົງການມິດຕະພາບນະຄອນ ໄດ້ມອບໃບຍ້ອງຍໍໃຫ້ 13 ຄອບຄົວ, ວັດ ຕ່າມດາວ ແລະ ນັກສຶກສາລາວ 20 ຄົນທີ່ເຂົ້າຮ່ວມໂຄງການ homestay ປີ 2023.
 |
ລູກສາວລາວ 3 ຄົນຂອງທ່ານນາງ ເຈີ່ນທິລານແທ່ງ ໄດ້ຮັບການແນະນຳໃຫ້ເຮັດອາຫານ ຫວຽດນາມ |
ສອງອາທິດພັກຢູ່ບ້ານເຮືອນປະຊາຊົນ ໄດ້ຊ່ວຍໃຫ້ນັກສຶກສາລາວປັບປຸງພາສາຫວຽດນາມ, ຮຽນຮູ້ກ່ຽວກັບຮີດຄອງປະເພນີ, ນິໄສ ແລະ ການດຳລົງຊີວິດຂອງຊາວ ຫວຽດນາມ ເວົ້າລວມ, ຊາວນະຄອນ ດານັງ ເວົ້າສະເພາະ. ນອກຈາກນັ້ນ, ຄະນະຊາວໜຸ່ມເມືອງ, ບັນດາອົງການຈັດຕັ້ງມະຫາຊົນ ແລະ ຄະນະກຳມະການປະຊາຊົນ 13 ເມືອງ ເມືອງ ຫາຍເຈົາ ຍັງໄດ້ຈັດຕັ້ງການເຄື່ອນໄຫວແລກປ່ຽນວັດທະນະທຳ, ປະກອບສ່ວນເຊື່ອມໂຍງ ແລະ ຮັດແໜ້ນມິດຕະພາບອັນດີງາມລະຫວ່າງປະຊາຊົນຢູ່ເຂດເມືອງ ແລະ ນັກສຶກສາລາວ.
ປີນີ້ ມີນັກສຶກສາລາວ 147 ຄົນທີ່ຮຽນຢູ່ມະຫາວິທະຍາໄລຕ່າງໆຢູ່ນະຄອນ ດານັງເຂົ້າຮ່ວມໂຄງການ homestay ທີ່ແກ່ຍາວແຕ່ວັນທີ 26 ພະຈິກຫາວັນທີ 10 ທັນວານີ້. ອີງຕາມເງື່ອນໄຂຂອງແຕ່ລະຄອບຄົວ, ນັກສຶກສາ ລາວ ແຕ່ລະຄົນ ໄດ້ຖືກມອບຫ້ອງສ່ວນຕົວເພື່ອດຳລົງຊີວິດບຸກຄົນ ແລະ ໃຊ້ພື້ນທີ່ທົ່ວໄປກັບຄອບຄົວ - ແມ່ນພໍ່ ແລະ ແມ່ທີ່ສອງຢູ່ທີ່ນີ້.
ໄຊສົມພູ ຄາແກ້ວ (ຊື່ ຫວຽດນາມ ແມ່ນ ຫງອກລານ, ນັກສຶກສາມະຫາວິທະຍາໄລ ຢຸຍເຕີນ) ພ້ອມກັບພື່ອນ ລາວ ສອງຄົນ ໄດ້ກັບຢູ່ເຮືອນຂອງທ່ານນາງ ເຈີ່ນທິລານແທ່ງ (ອ່ານເຄ, ເມືອງແທງເຄ, ນະຄອນດານັງ). ໄຊສົມພູ ຄາແກ້ວ ໃຫ້ຮູ້ວ່າ: “ໃນສະໄໝທີ່ນ້ອງຢູ່ກັບພໍ່ແມ່, ແມ່ຂອງນ້ອງໄດ້ສອນວິທີເຮັດອາຫານພື້ນເມືອງຫຼາຍເຍື່ອງຂອງ ຫວຽດນາມ ແລະ ພາຍຫຼັງສອງສາມມື້ນ້ອງກໍ່ໄດ້ເຮັດອາຫານ ຫວຽດນາມ ຫຼາຍເຍື່ອງດ້ວຍຕົນເອງ. ແຕ່ລະມື້, ພວກເຮົາຍັງໄດ້ຮັບການໄປໂຮງຮຽນໂດຍສະມາຊິກສະຫະພັນຊາວໜຸ່ມ ຫຼືພໍ່ແມ່ຂອງພວກເຮົາ. ຫຼັງຈາກນັ້ນ, ນ້ອງໄດ້ໄປຢ້ຽມຢາມເພື່ອນບ້ານ, ໃດ້ມອບຂອງຂວັນ, ເສື້ອຍາວຮີດຄອງປະເພນີຂອງ ຫວຽດນາມ”.
ນາງ ໃຫ້ຮູ້ວ່າ ການມາຫວຽດນາມເພື່ອຮ່ຳຮຽນ ແລະ ມີເວລາຢູ່ກັບຄອບຄົວຊາວ ຫວຽດນາມ ແມ່ນມີຄວາມໝາຍແທ້ໆ. ຢູ່ຫ່າງໄກຈາກບ້ານ, ນັກຮຽນລາວຮູ້ສຶກເຖິງຄວາມຮັກແພງອັນອົບອຸ່ນຂອງປ້າ, ລຸງ, ພໍ່ແມ່ຊາວຫວຽດນາມ ແລະ ມີຄວາມເຂົ້າໃຈຢ່າງເລິກເຊິ່ງກ່ຽວກັບຮີດຄອງປະເພນີຂອງ ຫວຽດນາມ.
ກ່າວຄຳເຫັນຕໍ່ວົງການນັກຂ່າວ, ທ່ານປະທານສະຫະພັນບັນດາອົງການມິດຕະພາບນະຄອນ ດານັງ ຫງວຽນຫງອກບິງ ໃຫ້ຮູ້ວ່າ: ໂຄງການ homestay ໃຫ້ນັກສຶກສາລາວ ໄດ້ຮັບການຈັດຕັ້ງແຕ່ປີ 2011 ຮອດປະຈຸບັນ. ແຕ່ລະປີ, ມີນັກສຶກສາລາວ 100 ຄົນເຂົ້າຮ່ວມ, ໂດຍຜ່ານນັ້ນມີຫຼາຍສາຍພົວພັນແຮກສ່ຽວພໍ່ແມ່-ລູກ, ອ້າຍ-ເອື້ອຍ-ນ້ອງ ຫວຽດນາມ - ລາວ ໄດ້ຮັບການສ້າງຕັ້ງ, ເປັນແກນສານລ້ຽງດູ ແລະ ພັດທະນາສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດ ຫວຽດນາມ - ລາວ ອ້າຍນ້ອງ.
ທ່ານບິງກ່າວວ່າ “ໂຄງການ homestay ປະກອບສ່ວນເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ເວົ້າລວມ ແລະ ລະຫວ່າງນະຄອນ ດານັງ ກັບບັນດາທ້ອງຖິ່ນຂອງລາວ ເວົ້າສະເພາະ. ໃນໄລຍະຈະມາເຖິງ, ສະຫະພັນບັນດາອົງການມິດຕະພາບນະຄອນ ຈະຕັ້ງໜ້າຂົນຂວາຍ, ສົມທົບກັບບັນດາຫົວໜ່ວຍເພື່ອຈັດຕັ້ງການເຄື່ອນໄຫວແລກປ່ຽນວັດທະນະທຳ, ປັບປຸງພາສາ ຫວຽດນາມ ໃຫ້ນັກສຶກສາລາວ”.
ສະຖິຕິສະແດງໃຫ້ເຫັນວ່າ ໃນຊຸມປີຜ່ານມາສະຫະພັນບັນດາອົງການມິດຕະພາບ ແລະ ສະມາຄົມມິດຕະພາບ ຫວຽດນາມ - ລາວ ນະຄອນ ດານັງ ໄດ້ລະດົມທຶນໂດຍກົງຫລາຍຕື້ດົງເບ້ຍລ້ຽງໃຫ້ນັກຮຽນ ເພື່ອໃຫ້ບັນດານັກສຶກສາລາວ ໄປຮຽນຢູ່ມະຫາວິທະຍາໄລໃນນະຄອນ; ຮັກສາການຮ່ວມມື ແລະ ຄວາມເຂົ້າໃຈກັບ 7 ທ້ອງຖິ່ນຂອງລາວ ຄື: ນະຄອນຫຼວງວຽງຈັນ, ແຂວງໄຊຍະບູລີ, ສະຫວັນນະເຂດ, ຈໍາປາສັກ, ເຊກອງ, ສາລະວັນ ແລະ ອັດຕະປື.
ໃນໄລຍະ 2023 – 2027, ນະຄອນ ດານັງ ສືບຕໍ່ຮັກສາໂຄງການທຶນການສຶກສາໃຫ້ແກ່ພະນັກງານ, ນັກສຶກສາລາວ, ໃນນັ້ນມີບັນດາຂັ້ນນັກຄົ້ນຄວ້າ, ປະລິນຍາຕີ, ມະຫາວິທະຍາໄລ; ມາດຕະຖານການເຂົ້າຮຽນເປັນເອກະພາບ, ປະກາດສາຂາວິຊາ, ເວລາເຂົ້າຮຽນ, ຂັ້ນຕອນການເຂົ້າຮຽນ, ທຶນຮອນ, ຫໍພັກ, ຕ້ອນຮັບ, ແລະສະໜັບສະໜູນນັກສຶກສາ... ເພື່ອແຈ້ງໃຫ້ບັນດາແຂວງເພື່ອເລືອກເຟັ້ນ ແລະ ປະຕິບັດໂຄງການນີ້ຢ່າງມີຜົນ, ຄຸນນນນະພາບ; ຜັນຂະຫຍາຍໂຄງການຮ່ວມມືການສອນພາສາ ຫວຽດນາມ ແລະ ສະໜອງອຸປະກອນໃຫ້ແກ່ສູນພາສາ ຫວຽດນາມ ຢູ່ 5 ແຂວງພາກໃຕ້ ແລະ ພາກກາງຂອງລາວ.
ມິງດຶກ
