| ຫວຽດນາມ ຕັ້ງໜ້າ ແລະ ປະຕິບັດສົນທິສັນຍາຕໍ່ສູ້ຕ້ານການທໍລະມານ | |
| ສະມັດຊາໃຫຍ່ສະຫະປະຊາຊາດເລືອກຕັ້ງສະພາສິດທິມະນຸດວາລະ 2024 - 2026 |
ບັນດາທິສິດພົນລະເມືອງ ແລະ ສິດທິທາງດ້ານການເມືອງຂອງມະນຸດ ໄດ້ຮັບການຮັບປະກັນຢ່າງຕັ້ງໜ້າຈາກ ຫວຽດນາມ ໃນຂະບວນວິວັດແຫ່ງການກໍ່ສ້າງ ແລະ ປະຕິບັດນະໂຍບາຍ, ກົດໝາຍ.
ລະອຽດ, ມາດຕາ 24 ຂອງລັດຖະທຳມະນູນປີ 2023 ໄດ້ກຳນົດວ່າ: ທຸກຄົນມີສິດເສລີໃນການເຊື່ອຖືສາສະໜາ, ເຊື່ອຖື ຫຼືບໍ່ຖືສາສະໜາໃດໜຶ່ງ. ບັນດາສາສະໜາມີຄວາມສະເໝີພາບຕໍ່ໜ້າກົດໝາຍ.
 |
ພິທີສົງພຣະພຸດທະເຈົ້າ |
ຫວຽດນາມແມ່ນປະເທດທີ່ມີຫຼາຍສາສະໜາ ແລະ ມີລະບົບຄວາມເຊື່ອຖືທີ່ອຸດົມສົມບູນທີ່ສຸດ. ມີຫຼາຍກວ່າ 58.000 ຜູ້ມີຍົດສັກຕຳແໜ່ງ, 148.000 ໜ້າທີ່ຕໍາແຫນ່ງ, 29.800 ສະຖານທີ່ເສັ່ນໄຫວ້ບູຊາ, ຫຼາຍກວ່າ 50,000 ສະຖານທີ່ຄວາມເຊື່ອຖື ໃນນັ້ນ ມີຮ່ອງຮອຍປະຫວັດສາດປະມານ 3.000 ແຫ່ງທີ່ຕິດພັນກັບສະຖານທີ່ຂອງຄວາມເຊື່ອຖືສາສະໜາ, ມີຄວາມເຊື່ອຖື ແລະ ຮ່ອງຮອຍຈພນວນໜຶ່ງ ໄດ້ຂຶ້ນທະບຽນເປັນມໍລະດົກໂລກ ໂດຍ ອົງການການສຶກສາ, ວິທະຍາສາດ ແລະ ວັດທະນະທຳ ຂອງສະຫະປະຊາຊາດ (UNESCO). ຄຽງຄູ່ກັບຂະບວນວິວັດແຫ່ງການປ່ຽນແປງໃໝ່ປະເທດຊາດ, ຊີວິດຄວາມເຊື່ອຖືສາສະໜາຢູ່ ຫວຽດນາມ ໄດ້ມີການຜັນຂະຫຍາຍໃໝ່ຫຼາຍຢ່າງ, ຄວາມຕ້ອງການດ້ານຄວາມເຊື່ອຖືສາສະໜານັບມື້ນັບເພີ່ມຂຶ້ນ. ຈໍານວນຜູ້ທີ່ເຊື່ອຖືໃນສາສະຫນາແມ່ນເພີ່ມຂຶ້ນ. ການເຄື່ອນໄຫວທາງສາສະໜາໄດ້ຮັບການສ້າງເງື່ອນໄຂ ແລະ ຮັບປະກັນຖືກຕ້ອງຕາມກົດໝາຍ. ສິດເສລີໃນການເຊື່ອຖືສາສະໜາຂອງປະຊາຊົນນັບມື້ນັບໄດ້ຮັບການຮັບປະກັນ.
ບັນດາອົງການສາສະໜາ ກໍ່ຕັ້ງໜ້າເຂົ້າຮ່ວມບັນດາການເຄື່ອນໄຫວຫັນດ້ານສາທາລະນະສຸກ, ການສຶກສາ ແລະ ການກຸສົນດ້ານມະນຸດສະທຳໃຫ້ມີລັກສະນະສັງຄົມ, ປະກອບສ່ວນຢ່າງຕັ້ງໜ້າເຂົ້າໃນການຮັບປະກັນຊີວິດສັງຄົມ ແລະ ຫຼຸດຜ່ອນການແບກຫາບອັນໜັກໜ່ວງຂອງລັດ. ນອກຈາກນັ້ນ, ການເຄື່ອນໄຫວສາກົນຂອງບັນດາອົງການສາສະໜາຢູ່ ຫວຽດນາມ ກໍນັບມື້ນັບເປີດກວ້າງ. ແຕ່ລະປີ ມີຫຼາຍຄະນະ, ອົງການ, ບຸກຄົນ ແລະ ສາສະໜາໄດ້ເຂົ້າຮ່ວມການເຄື່ອນໄຫວທາງສາສະໜາຢູ່ຕ່າງປະເທດ. ຫຼາຍການເຄື່ອນໄຫວສາສະໜາສາກົນ ໄດ້ຮັບການດຳເນີນຢ່າງສຳເລັດຜົນຢູ່ ຫວຽດນາມ. ໂດຍສະເພາະແມ່ນອົງການພຸດທະສາສະໜາ ຫວຽດນາມ ໄດ້ຈັດຕັ້ງງານບຸນໃຫຍ່ວັນວິສາຂະບູຊາສະຫະປະຊາຊາດ Vesak 2019 ດ້ວຍກ່ວາ 3.000 ຄົນເຂົ້າຮ່ວມ, ໃນນັ້ນມີ 570 ຄະນະ/ຜູ້ແທນສາກົນ 1.650 ຄົນທີ່ມາຈາກ 112 ປະເທດ ແລະ ເຂດແຄ້ວນ, ຊາວ ຫວຽດນາມ ອາໄສຢູ່ຕ່າງປະເທດ 250 ຄົນທີ່ມາຈາກ 40 ກວ່າປະເທດ ແລະ ປະມຸກລັດຫຼາຍທ່ານໄດ້ເຂົ້າຮ່ວມ.
ຮັບປະກັນສິດເສລີໃນການປາກເວົ້າ, ສິດເສລີດ້ານການສື່ຂ່າວ ແລະ ສິດທີ່ຈະແຈ້ງຂ່າວຂອງປະຊາຊົນໝົດທຸກຄົນ ແມ່ນນະໂຍບາຍທີ່ສະເໝີຕົ້ນສະເໝີປາຍຂອງລັດ ຫວຽດນາມ. ສິດເຫຼົ່ານີ້ ໄດ້ຮັບການກຳນົດຢ່າງຈະແຈ້ງໃນລັດຖະທຳມະນູນ ແລະ ກົດໝາຍ; ໄດ້ຮັບການຮັບປະກັນນັບມື້ນັບດີກວ່າຍ້ອນການພັດທະນາຢ່າງໄວວາ, ຄວາມຫຼາຍຮູບຫຼາຍແບບ ແລະ ເນື້ອໃນທີ່ອຸດົມສົມບູນຂອງພາຫະນະສື່ມວນຊົນ.
ການພັດທະນາຢ່າງວ່ອງໄວ, ຄວາມຫຼາຍຮູບຫຼາຍແບບ ແລະ ຄວາມອຸດົມສົມບູນຂອງບັນດາເນື້ອໃນຂອງພາຫະນະສື່ມວນຊົນໃນໄລຍະຜ່ານມານີ້ ແມ່ນຫລັກຖານຢ່າງຈະແຈ້ງກ່ຽວກັບສິດເສລີໃນການປາກເວົ້າ, ສິດເສລີດ້ານຂ່າວ, ສິດເສລີດ້ານຂ່າວສານຢູ່ ຫວຽດນາມ. ໄລ່ມາຮອດເດືອນທັນວາ 2022, ຫວຽດນາມ ມີ 816 ສຳນັກງານໜັງສືພິມ, ໃນນັ້ນ: 230 ໜັງສືພີມ, ວາລະສານປະຕິບັດ 2 ປະເພດ: ການພິມເຈ້ຍ ແລະ ໜັງສືພິມເອເລັກໂຕຣນິກ, 557 ໜັງສືພິມ ແລະ ວາລະສານພຽງແຕ່ປະຕິບັດການພິມເຈ້ຍ, 29 ໜັງສືພິມ ແລະ ວາລະສານພຽງແຕ່ປະຕິບັດຮູບແບບເອເລັກໂຕຣນິກເທົ່ານັ້ນ.
ບໍ່ພຽງແຕ່ກະຈາຍສຽງ, ໂທລະພາບດ້ວຍພາສາ ຫວຽດນາມ ເທົ່ານັ້ນ, ບັນດາອົງການຂ່າວກໍ່ລົງທຶນເຂົ້າໃນພື້ນຖານໂຄງລ່າງ, ເຕັກໂນໂລຊີ ແລະ ຊັບພະຍາກອນມະນຸດຂອງລັດ ເພື່ອຜະລິດ ແລະ ອອກອາກາດເປັນພາສາຊົນເຜົ່າສ່ວນໜ້ອຍ ເພື່ອຍົກສູງຄຸນນະພາບການເຂົ້າເຖິງ ແລະ ຊົມເຊີຍຂໍ້ມູນຂ່າວສານຂອງບັນດາເຜົ່າ ແລະ ເຂດພູດອຍ. ວິທະຍຸກະຈາຍສຽງ ຫວຽດນາມ ກວມເອົາ 99,5% ຂອງດິນແດນ ແລະ ສົ່ງສັນຍານດາວທຽມອອກໄປຫຼາຍປະເທດທົ່ວໂລກ.
ຫວຽດນາມ ກໍ່ຮັບປະກັນສິດຂອງຜູ້ຖືກກັກຂັງທີ່ຈະໄດ້ຮັບການປະຕິບັດຢ່າງມີມະນຸດສະທຳ ແລະ ເຄົາລົບນັບຖືກຽດສັກສີ; ສິດເສລີພາບຂອງພົນລະເມືອງໃນການໂຮມຊຸມນຸມ, ສ້າງສະມາຄົມ, ແລະ ການເດີນຂະບວນປະທ້ວງ. ບັນດາສະມາຄົມຢູ່ຫວຽດນາມ ພັດທະນາຫຼາກຫຼາຍຮູບແບບ ດ້ວຍຂອບເຂດ, ຂອບເຂດ, ລັກສະນະເຄື່ອນໄຫວທີ່ແຕກຕ່າງກັນ, ປະກອບສ່ວນຫຼາຍຢ່າງເຂົ້າໃນຂະບວນການສ້າງສາ ແລະ ພັດທະນາປະເທດຊາດ; ສະແດງໃຫ້ເຫັນບົດບາດເປັນຂົວຕໍ່ລະຫວ່າງສະມາຊິກ ແລະ ອົງການລັດຖະບານ. ຜ່ານນັ້ນ ກໍ່ສະແດງໃຫ້ເຫັນຄວາມມຸ່ງມາດປາດຖະໜາຂອງສະມາຊິກ, ສະໜັບສະໜູນສະມາຊິກໃນການຜະລິດ ແລະ ດຳເນີນທຸລະກິດ, ປັບປຸງຄວາມສາມາດແກ່ງແຍ້ງ, ຊ່ວຍເຫຼືອແກ້ໄຂຂໍ້ຂັດແຍ່ງດ້ານການຄ້າ, ສະໜອງຂໍ້ມູນຂ່າວສານໃຫ້ແກ່ການຜະລິດ ແລະ ທ້ອງຕະຫຼາດ.
ພ້ອມກັນນັ້ນກໍ່ເປັນເຈົ້າການເສີມຂະຫຍາຍ ແລະ ມີຂໍ້ລິເລີ່ມຫຼາຍດ້ານ ເພື່ອເປີດກວ້າງການພົວພັນກັບບັນດາຄູ່ຮ່ວມມືໃໝ່, ສະມາຄົມເຮັດວຽກຢູ່ຕ່າງປະເທດ ແລະ ໜູນຊ່ວຍແມ່ຍິງ ແລະ ຊາວໜຸ່ມໃນການພົວພັນກັບບັນດາອົງການຕ່າງປະເທດ...; ນຳບັນດາເນື້ອໃນທີ່ກ່ຽວຂ້ອງກັບການເຊື່ອມໂຍງສາກົນເຂົ້າໃນເນື້ອໃນການສຶກສາການເມືອງ-ແນວຄິດ, ການຮ່ວມຊີວິດຄະນະ ແລະ ສະມາຄົມເຂົ້າຮ່ວມບັນດາເວທີປາໄສ ແລະ ກອງປະຊຸມສຳມະນາສາກົນ.
ກ່ຽວກັບສິດທີທາງດ້ານເສດຖະກິດ, ສັງຄົມ ແລະ ວັດທະນະທຳ, ຫວຽດນາມ ຮັບປະກັນສິດໃນການໄດ້ຊົມໃຊ້ບັນດາຜົນງານການພັດທະນາເສດຖະກິດ, ຮັບປະກັນຊີວິດສັງຄົມໃຫ້ແກ່ປະຊາຊົນ; ສິດມີວຽກເຮັດງານທຳ ແລະ ການພັດທະນາຕະຫຼາດແຮງງານ; ສິດຊົມໃຊ້ ແລະ ການເຂົ້າເຖິງບັນດາຄຸນຄ່າວັດທະນະທໍາ, ມີສ່ວນຮ່ວມໃນຊີວິດວັດທະນະທໍາ ແລະ ການນໍາໃຊ້ຮາກຖານວັດທະນະທໍາ; ສິດທິຂອງຊາວຊົນເຜົ່າສ່ວນໜ້ອຍ...
ມິງດຶກ
