| ຕຳຫຼວດທະເລ ຫວຽດນາມ ແລະ ຈີນ ສິ້ນສຸດການລາດຕະເວນປະສົມຢູ່ເຂດທະເລໃກ້ກັບເຂດກຳນົດເສັ້ນຊາຍແດນຢູ່ເຂດອ່າວພາກເໜືອ | |
| ກົດໝາຍວ່າດ້ວຍຕຳຫຼວດທະເລ: ບົດບາດທີ່ຈຳເປັນໃນການປົກປັກຮັກສາປະເທດຊາດ |
ຢູ່ທີ່ນີ້, ນັກລາຍງານຕຳຫຼວດທະເລ ໄດ້ແຈ້ງໃຫ້ຊາບກ່ຽວກັບສະຖານະການທະເລ ແລະ ໝູ່ເກາະ, ກົດໝາຍຕຳຫຼວດທະເລຫວຽດນາມ, ທັດສະນະ ນະໂຍບາຍຊົນເຜົ່າ, ສາສະໜາຂອງພັກ ແລະ ລັດ; ກົດໝາຍສ່າດ້ວຍການຕ້ານຢາເສບຕິດ ມາຍັງເຈົ້າໜ້າທີ່ ແລະປະຊາຊົນໃນເຂດດັ່ງກ່າວ 300 ກວ່າຄົນ. ຜ່ານນັ້ນ ກໍ່ເພີ່ມທະວີຄວາມຮັບຜິດຊອບຂອງພົນລະເມືອງໃນພາລະກິດປົກປັກຮັກສາອະທິປະໄຕເຂດທະເລ ແລະ ໝູ່ເກາະຂອງປະເທດຊາດ, ເພີ່ມທະວີຄວາມສາມັກຄີ, ຄວາມເຂົ້າອົກເຂົ້າໃຈລະຫວ່າງປະຊາຊົນຢູ່ບໍລິເວນ ກັບພະນັກງານ, ນັກຮົບກົມເສນາທິການຕຳຫຼວດທະເລ ຫວຽດນາມ.
 |
| ກົມເສນາທິການຕຳຫຼວດທະເລ ຫວຽດນາມ ໜູນຊ່ວຍບັນດາຄອບຄົວທຸກຍາກຢູ່ຕາແສງ ຮູ່ງເຊີນ, ເມືອງ ກິມໂບຍ, ແຂວງ ຮວ່າບິ່ງ ດ້ວຍຈຳນວນເງິນ 50 ລ້ານດົ່ງ ໃນໂຄງການ “ຕຳຫຼວດທະເລ ກັບປະຊາຊົນບັນດາເຜົ່າ ແລະ ສາສະໜາ" |
ຕາມທ່ານພັນເອກ ຫງວຽນກວາງຊີ, ຫົວໜ້າການເມືອງກົມເສນາທິການຕຳຫຼວດທະເລ ຫວຽດນາມ, ລາຍການຕຳຫຼວດທະເລ ກັບປະຊາຊົນບັນດາເຜົ່າ ແລະ ສາສະໜາ ແມ່ນກົມເສນາທິການ ໄດ້ຈັດຕັ້ງ ດ້ວຍຄວາມໝາຍແຫ່ງການຊຸກຍູ້ທາງຈິດໃຈໃຫ້ປະຊາຊົນບັນດາເຜົ່າ ແລະ ບັນດາຄອບຄົວນະໂຍບາຍ, ຄອບຄົວປະສົບກັບຄວາມຫຍຸ້ງຍາກ ແລະ ບັນດານັກຮຽນທີ່ຜ່ານຜ່າຄວາມຫຍຸ້ງຍາກ ແລະ ປະສົບຜົນສຳເລັດໃນການຮ່ຳຮຽນ. ພ້ອມກັນນັ້ນ, ຜ່ານໂຄງການນີ້ ກໍ່ໂຄສະນາໃຫ້ປະຊາຊົນໄດ້ຮັບຮູ້ ແລະ ເຂົ້າໃຈແນວທາງນະໂຍບາຍຂອງພັກ ແລະ ລັດກ່ຽວກັບທະເລ, ໝູ່ເກາະ, ປະຊາຊົນ ກໍ່ໄດ້ຮັບຮູ້ຢ່າງຈະແຈ້ງກ່ຽວກັບບົດບາດ, ຄວາມຮັບຜິດຊອບຂອງຕົນໃນພັນທະພົນລະເມືອງ ແລະ ໜ້າທີ່ຮັບຜິດຊອບໃນການປົກປັກຮັກສາປະເທດຊາດ ແລະ ອະທິປະໄຕຢູ່ທະເລ ແລະ ໝູ່ເກາະ.
ເນື່ອງໃນໂອກາດນີ້, ກົມເສນາທິການຕຳຫຼວດທະເລ ຫວຽດນາມ ໄດ້ຈັດການມອບຂອງຂວັນໃຫ້ບັນດາຄອບຄົວທີ່ຫຍຸ້ງຍາກ, ນັກຮຽນຜ່ານຜ່າຄວາມຫຍຸ້ງຍາກໃນການຮ່ຳຮຽນ; ມອບຂອງຂວັນໃຫ້ໂຮງຮຽນ ແລະ ອຳນາດການປົກຄອງທ້ອງຖິ່ນ, ລວມມູນຄ່າຂອງຂວັນກວ່າ 300 ລ້ານດົ່ງ.
ຕາມທ່ານປະທານຄະນະກຳມະການປະຊາຊົນຕາແສງ ຫງວຽນວັນຮຶງ ແລ້ວ, ຮູ່ງເຊີນ ແມ່ນເຂດພູດອຍຂອງແຂວງ ຮ່ວາບິ່ງ ມີສ່ວນຫຼາຍແມ່ນຊົນເຜົ່າດຳລົງຊີວິດ, ປີ 2020 ຫຼັງຈາກໄດ້ຖືກລວມເຂົ້າກັບຄະນະພັກ, ລັດຖະບານ ແລະ ປະຊາຊົນ ຮູ່ງເຊີນ ໄດ້ຮັບການໜູນຊ່ວຍ ຈາກຄະນະພັກ ກໍ່ໄດ້ຮັບຄວາມເອົາໃຈໃສ່ຈາກທຸກຂັ້ນໃນແຂວງ ແມ່ນການລົງທຶນກໍ່ສ້າງພື້ນຖານໂຄງລ່າງລະບົບໄຟຟ້າ, ຖະໜົນຫົນທາງ, ໂຮງຮຽນ, ສະຖານີ ເພື່ອຍົກສູງຊີວິດການເປັນຢູ່ຂອງປະຊາຊົນບັນດາເຜົ່າ. ລາຍການຂົນຂວາຍປະຊາຊົນຂອງກົມເສນາທິການຕຳຫຼວດທະເລ ຫວຽດນາມ ແມ່ນໜຶ່ງໃນບັນດາການເຄື່ອນໄຫວໂຄສະນາໃຫ້ປະຊາຊົນກ່ຽວກັບອະທິປະໄຕເຂດທະເລ, ໝູ່ເກາະ, ເພື່ອໃຫ້ປະຊາຊົນເຂົ້າໃຈຢ່າງຈະແຈ້ງ ແລະ ເຂົ້າໃຈກົດໝາຍຕຳຫຼວດທະເລ ຫວຽດນາມ, ຜ່ານນັ້ນ ກໍ່ໄດ້ເສີມຂະຫຍາຍບົດບາດຄວາມຮັບຮູ້ຂອງປະຊາຊົນໃນການສ້າງສາ ແລະ ປົກປັກຮັກສາປະເທດຊາດ.
ລາຍການຂົນຂວາຍປະຊາຊົນ "ຕຳຫຼວດທະເລ ກັບປະຊາຊົນບັນດາເຜົ່າ ແລະ ສາສະໜາ" ແມ່ນຮູບແບບຂົນຂວາຍມະຫາຊົນທີ່ມີຄວາມໝາຍ ແລະ ມີປະສິດທິຜົນ ແລະ ໄດ້ຮັບການຮັກສາໂດຍກົມເສນາທິການຕຳຫຼວດທະເລ ຫວຽດນາມ ໃນຫຼາຍປີຢູ່ທ້ອງຖິ່ນ. ຜ່ານໂຄງການ, ກຳລັງຕຳຫຼວດທະເລ ຫວັວຢາກຮຽກຮ້ອງປະຊາຊົນບັນດາເຜົ່າ ແລະ ສາສະໜາ ເຊີດຊູຈິດໃຈສາມັກຄີ, ປະຕິບັດບັນດາແຜນນະໂຍບາຍຂອງພັກ, ນະໂຍບາຍກົດໝາຍຂອງລັດ, ຮັກສາເອກະລັກວັດທະນະທຳຂອງຊາດ, ຕັ້ງໜ້າທຳການຜະລິດ ແລະ ພັດທະນາເສດຖະກິດ.
ມິງດຶກ
