ກໍາລັງຮັກສາສັນຕິພາບຫວຽດນາມ ຮຽນກົດໝາຍວ່າດ້ວຍມະນຸດສະທຳສາກົນ

	ທະຫານເຂດ 4 ຢ້ຽມຢາມ ແລະ ມອບຂອງຂວັນໃຫ້ປະຊາຊົນເຂດປະສົບໄພນໍ້າຖ້ວມ ເທື່ອທຽນເຫ້ວ
	ທະຫານຊາຍແດນ ຫວຽດນາມ-ລາວ: ພ້ອມກັນຮ່ວມມື, ຮ້ອງເພງ ແລະ ມ່ວນຊື່ນ

ຕອນເຊົ້າວັນທີ 27 ພະຈິກ, ກົມຮັກສາສັນຕິພາບຫວຽດນາມ ໄດ້ຈັດຕັ້ງພິທີໄຂຊຸດຝຶກອົບຮົມກົດໝາຍມະນຸດສະທຳສາກົນ ໃຫ້ບັນດານາຍທະຫານກອງທັບ ທີ່ຈະເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ ໃນໂຮງໝໍພາກສະໜາມ ຂັ້ນ 2 ເລກ 6 ແລະກອງຊ່າງແສງເລກ 3, ໂດຍຄະນະກຳມະການກາແດງສາກົນ (ICRC) ໜູນຊ່ວຍ.

ບັນດາຜູ້ແທນຖ່າຍຮູບລວມກັບຜູ້ຕາງໜ້າບັນດານັກສຳມະນາກອນ. ພາບ: qdnd.vn

ກ່າວຄຳເຫັນທີ່ພິທີໄຂ, ທ່ານພັນເອກພິເສດ ຫງວຽນຍືແກ໋ງ, ຮອງຫົວໜ້າກົມຮັກສາສັນຕິພາບຫວຽດນາມ ໄດ້ເນັ້ນໜັກວ່າ ຄວາມເຂົ້າໃຈກ່ຽວກັບສະພາບປະທະກັນ, ບັນດາຫຼັກການສາກົນກ່ຽວກັບການຮັບປະກັນມະນຸດສະທຳ ແລະສິດທິມະນຸດໃນສະພາບການນີ້, ບັນດາການກະທຳລະເມີດກົດໝາຍມະນຸດສະທຳສາກົນ ຈະຊ່ວຍໂຮງໝໍພາກສະໜາມຂັ້ນ 2 ແລະກອງຊ່າງແສງ ມີການກະກຽມດີທີ່ສຸດກ່ອນທີ່ຈະຜັນຂະຫຍາຍການປະຕິບັດໜ້າທີ່ຢູ່ບັນດາຄະນະປະຕິບັດງານ.

ຊຸດຝຶກອົບຮົມກ່ຽວກັບກົດໝາຍວ່າດ້ວຍມະນຸດສະທຳສາກົນ ເຊິ່ງຖັດມາ ICRC ໄດ້ໜູນຊ່ວຍຫວຽດນາມ ເລີ່ມແຕ່ປີ 2015, ປະກອບສ່ວນເພີ່ມທະວີການຮ່ວມມືລະຫວ່າງກົມຮັກສາສັນຕິພາບຫວຽດນາມ ແລະ ICRC ໃນຂົງເຂດຮັກສາສັນຕິພາບ, ປະກອບຄວາມຮູ້ສຳຄັນກ່ຽວກັບກົດໝາຍວ່າດ້ວຍມະນຸດສະທຳສາກົນໃຫ້ກຳລັງຮັກສາສັນຕິພາບຂອງຫວຽດນາມ.