| ດ່ານັ່ງ ຂົນຂວາຍການຊ່ວຍເຫຼືອອຸປະຖຳຈາກບັນດາອົງການບໍ່ຂຶ້ນກັບລັດຖະບານຕ່າງປະເທດກວ່າ 246 ຕື້ດົ່ງ | |
| ກອງປະຊຸມຂອງຄະນະບໍລິຫານການປະສານງານອາຊຽນ ກ່ຽວກັບການໜູນຊ່ວຍມະນຸດສະທຳ ໃນການຄຸ້ມຄອງໄພທໍາມະຊາດ (ສູນ AHA) ຄັ້ງທີ 19 |
ກ່າວຄຳປາໄສຊີ້ນຳທີ່ກອງປະຊຸມ, ທ່ານຮອງປະທານສະພາກາແດງ ຫວຽດນາມ ຫວູແທ່ງລຶວ ໄດ້ສະເໜີບັນດາຫົວໜ່ວຍໃນກຸ່ມແຂ່ງຂັນ ຈົ່ງສືບຕໍ່ເປັນເຈົ້າການໃນການເປັນເສນາທິການໃຫ້ຄະນະພັກບັນດາຂັ້ນ, ອຳນາດການປົກຄອງເພື່ອແກ້ໄຂບັນດາຄວາມຫຍຸ້ງຍາກ, ຮີບດ່ວນກ່ຽວກັບການຈັດຕັ້ງ ແລະ ການເຄື່ອນໄຫວຂອງສະມາຄົມ; ເອົາໃຈໃສ່ສ້າງການຈັດຕັ້ງ ແລະ ພັດທະນາຜູ້ອາສາສະໝັກ, ຊາວໜຸ່ມກາແດງໃນໂຮງຮຽນ.
 |
ທ່ານຮອງປະທານສະພາກາແດງ ຫວຽດນາມ ຫວູແທ່ງລຶວ ໄດ້ກ່າວຄຳປາໄສທີ່ກອງປະຊຸມ |
ບັນດາໜ່ວຍງານໃນກຸ່ມໄດ້ເພີ່ມທະວີການຈັດຕັ້ງຊຸດເຝິກອົບຮົມ ແລະ ພັດທະນາຖັນແຖວອາສາສະໝັກຊ່ວຍເຫຼືອປະຖົມພະຍາບານເບື້ອງຕົ້ນ; ຫັນວິທີການລະດົມແຫຼ່ງຊັບພະຍາກອນເປັນຫຼາຍຮູບຫຼາຍແບບ, ສຸມໃສ່ລະດົມການຮັບປະກັນຊັບພະຍາກອນເພື່ອປະຕິບັດບັນດາຂະບວນການ, ການເຄື່ອນໄຫວຂອງສະມາຄົມ. ບັນດາຫົວໜ່ວຍສຸມໃສ່ປະຕິບັດ 2 ໂຄງການສຳຄັນຄື: "ຄວາມປອດໄພສໍາລັບຊາວປະມົງທີ່ທຸກຍາກ ແລະ ມີຄວາມຫຍຸ້ງຍາກ" ແລະ "ໂພຊະນາການສໍາລັບເດັກນ້ອຍທີ່ທຸກຍາກ ແລະ ພິການ" ໄດ້ຈັດຕັ້ງໂດຍສູນກາງສະມາຄົມເພື່ອຊ່ວຍເຫຼືອຊາວປະມົງທີ່ທຸກຍາກ ໃຫ້ອຸ່ນອ່ຽນໃຈອອກໄປນອກຊາຍຝັ່ງ, ຢູ່ກາງທະເລ ແລະ ປັບປຸງສານອາຫານໃຫ້ແກ່ເດັກທຸກຍາກ, ພິການ, ຄ່ອຍໆປັບປຸງຄຸນນະພາບຊີວິດ. ບັນດາຫົວໜ່ວຍສຸມໃສ່ລະດົມແຫຼ່ງກຳລັງເພື່ອພັດທະນາບັນດາໂຄງການຫາເງິນລ້ຽງຊີບ, ກໍ່ສ້າງເຮືອນຢູ່ເພື່ອການກຸສົນ, ໂຄງການ “ທະນາຄານງົວ” ເພື່ອຫັນປ່ຽນຮູບແບບການໜູນຊ່ວຍ ແລະ ພັດທະນາແບບຍືນຍົງເທື່ອລະກ້າວ. ບັນດາແຂວງຕ້ອງຕັ້ງໜ້າ ແລະ ມີຫົວຄິດປະດິດສ້າງໃນການລະດົມແຫຼ່ງກຳລັງ, ເພີ່ມທະວີການສົມທົບກັບບັນດາວິສາຫະກິດ ແລະ ຜູ້ໃຈບຸນເພື່ອປະຕິບັດເຄື່ອນໄຫວການຫາເງິນລ້າງຊີບໃນສັງຄົມ ຫຼື ນະໂຍບາຍສະຫວັດດິການສັງຄົມຢູ່ທ້ອງຖິ່ນໃຫ້ເປັນຢ່າງດີ...
ທ່ານຮອງປະທານຜູ້ປະຈຳການຄະນະກຳມະການປະຊາຊົນແຂວງ ລ້າງເຊີນ ເຢື່ອງຊວນຫວຽນ ໄດ້ຮັບຮູ້ ແລະ ຊົມເຊີຍບັນດາຜົນສຳເລັດທີ່ໄດ້ຮັບຂອງກຸ່ມແຂ່ງຂັນສະພາກາແດງບັນດາເຂດພູດອຍຊາຍແດນພາກເໜືອ ໃນປີກາຍ ;ພ້ອມກັນນັ້ນ, ກໍ່ຫວັງວ່າ ສະພາກາແດງທຸກຂັ້ນຈະຕັ້ງໜ້າເປັນເສນາທິການໃຫ້ຄະນະພັກ, ອຳນາດການປົກຄອງ ໄດ້ຜັນຂະຫຍາຍບັນດາເຄື່ອນໄຫວມະນຸດສະທຳສັງຄົມໂດຍໄວ, ສຸມໃສ່ລະດົມແຫຼ່ງຊັບພະຍາກອນ, ຊຸກຍູ້ການບໍລິຈາກເລືອດແບບສະໝັກໃຈ, ບໍລິຈາກອະໄວຍະວະ, ພາກສ່ວນຂອງຮ່າງກາຍຂອງມະນຸດ ແລະ ການປ້ອງກັນ ແລະ ຮັບມືກັບໄພພິບັດທໍາມະຊາດ.
ສະພາກາແດງບັນດາແຂວງສົມທົບຢ່າງແໜ້ນແຟ້ນກັບບັນດາພະແນກ, ຂະແໜງການ, ໝູ່ຄະນະ, ຄະນະກຳມະການແນວໂຮມປະເທດຊາດ ແລະ ບັນດາອົງການສະມາຊິກ ປະຕິບັດບັນດາການເຄື່ອນໄຫວທີ່ສະພາກາແດງ ແລະ ບັນດາຂະແໜງການປຸກລະດົມຢ່າງມີປະສິດທິຜົນ; ພ້ອມກັນນັ້ນ, ກໍ່ຊຸກຍູ້ການເຄື່ອນໄຫວກ່ຽວກັບການຕ່າງປະເທດມະນຸດສະທຳ ເພື່ອດຶງດູດແຫຼ່ງກຳລັງ ແລະ ການໜູນຊ່ວຍຂອງປະຊາຄົມໂລກເຂົ້າໃນການເຄື່ອນໄຫວດ້ານມະນຸດສະທຳຢູ່ບັນດາແຂວງ; ເປັນເສນາທິການໃຫ້ຄະນະພັກ ແລະ ອຳນາດການປົກຄອງຢ່າງທັນການ ແລະ ເປັນຈຸດເຊື່ອໃຕໍ່ໃນການຜັນຂະຫຍາຍວຽກງານຊ່ວຍເຫຼືອສຸກເສີນ ແລະ ການຊ່ວຍເຫຼືອດ້ານມະນຸດສະທຳໃຫ້ບັນດາແຂວງໃນກຸ່ມ...
ທ່ານປະທານສະພາກາແດງແຂວງ ລ້າງເຊີນ ນົງບິກທ້ວນ, ຫົວໜ້າກຸ່ມແຂ່ງຂັນບັນດາແຂວງເຂດພູດອຍເຂດຊາຍແດນພາກເໜືອປີ 2023 ໃຫ້ຮູ້ວ່າ ປີ 2023, ບັນດາຫົວໜ່ວຍໃນກຸ່ມໄດ້ຈັດຕັ້ງການເຄື່ອນໄຫວໜູນຊ່ວຍໃຫ້ປະຊາຊົນກວ່າ 521.000 ເທື່ອຄົນ ດ້ວຍມູນຄ່າເກືອບ 260 ຕື້ດົ່ງ; ໃນນັ້ນ, ໂພົ້ນເດັ່ນກໍ່ຄືຂະບວນການ “ບຸນເຕັດແຫ່ງຄວາມເມດຕາ” ປີ 2023 ໄດ້ມອບຂອງຂວັນກວ່າ 242.000 ພູດ, ມີມູນຄ່າກວ່າ 120 ຕື້ດົ່ງ; ຂະບວນການໂຄສະນາ “ແຕ່ລະອົງການ ແລະ ບຸກຄົນຕິດພັນກັບ 1 ທີ່ຢູ່ມະນຸດສະທໍາ” ໄດ້ບັນທຶກ 1.468 ທີ່ຢູ່, ຊ່ວຍເຫຼືອປະຊາຊົນ 6.147 ຄົນ ດ້ວຍມູນຄ່າກວ່າ 22 ຕື້ດົ່ງ; ການເຄື່ອນໄຫວບໍລິຈາກເລືອດແບບສະໝັກໃຈ ໄດ້ຮັບເລືອດທັງໝົດ 46.000 ຖົງ...
