ໂຄງການດັ່ງກ່າວຈະໄດ້ຮັບການຜັນຂະຫຍາຍແຕ່ປີ 2023 - 2027 ດ້ວຍງົບປະມານກວ່າ 1,9 ລ້ານ USD ໂດຍອົງການ GNI (ສ.ເກົາຫຼີ) ຊ່ວຍເຫຼືອໃຫ້ຄະນະກຳມະການປະຊາຊົນເມືອງ ກູຈີ ຢູ່ 2 ຕາແສງ ຈູ່ງອານ ແລະ ບີ່ງໝີ່. ບັນດາກິດຈະກໍາທີ່ໂດດເດັ່ນຂອງໂຄງການປະກອບມີ: ເດັກນ້ອຍທີ່ປະສົບກັບຄວາມຫຍຸ້ງຍາກໃນບໍລິເວນທີ່ໂຄງການໄດ້ເຂົ້າເຖິງກ່ຽວກັບບັນດາການບໍລິການການດູແລ, ການປົກປ້ອງ ແລະ ການສຶກສາທີ່ມີຄຸນນະພາບ; ພັດທະນາບັນດາການເຄື່ອນໄຫວດຳລົງຊີວິດເພື່ອຍົກສູງລາຍຮັບຂອງຄອບຄົວ; ຍົກສູງຄວາມອາດສາມາດຟື້ນຟູກ່ຽວກັບເສດຖະກິດໃຫ້ແກ່ປະຊາຊົນທີ່ປະສົບກັບສະພາບຄວາມຫຍຸ້ງຍາກ...
 |
| ເປີດຕົວຄະນະຄຸ້ມຄອງໂຄງການ “ໜູນຊ່ວຍພັດທະນາຊຸມຊົນຢູ່ເມືອງ ກູຈີ”. |
ກ່າວຄຳປາໄສທີ່ພິທີ, ທ່ານນາງຮອງປະທານຄະນະກຳມະການປະຊາຊົນເມືອງ ກູຈີ ຫງວຽນທິຮັ່ງ ໄດ້ສະເໜີໃຫ້ຄະນະບໍລິຫານງານໂຄງການເມືອງ ມີຮັບຜິດຊອບສົມທົບກັບອົງການ GNI ເພື່ອກໍ່ສ້າງແຜນການເຄື່ອນໄຫວປະຈຳໄຕມາດ ແລະ ຈັດຕັ້ງການຄຸ້ມຄອງ ແລະ ບໍລິຫານບັນດາການເຄື່ອນໄຫວຂອງໂຄງການຮັບປະກັນກັບຄວາມຊັດເຈນ, ຈະແຈ້ງຖືກຕາມຂໍ້ກຳນົດຂອງກົດໝາຍຫວຽດນາມ... ພ້ອມກັນນັ້ນ, ໃນໄລຍະປະຕິບັດບັນດາເນື້ອໃນໃໝ່ທີ່ຍັງບໍ່ທັນໄດ້ຮັບການກຳນົດ, 2 ຝ່າຍຕ້ອງປຶກສາຫາລື ແລະ ເປັນເອກະສັນເພື່ອແຜນງານທີ່ດີທີ່ສຸດກ່ອນການປະຕິບັດ.
ທ່ານຮອງປະທານຄະນະກຳມະການປະຊາຊົນເມືອງ ກູຈີ ໃຫ້ຮູ້ວ່າ: ໂຄງການປະກອບສ່ວນຍົກສູງຄຸນນະພາບຊີວິດຂອງເດັກນ້ອຍ ແລະ ປະຊາຊົນທ້ອງຖິ່ນ, ນີ້ຈະແມ່ນບາດກ້າວທຳອິດເພື່ອເປີດກາລະໂອກາດຮ່ວມມືລະຫວ່າງບັນດາຝ່າຍໃນໄລຍະຈະມາເຖິງເພື່ອນຳມາເຊິ່ງບັນດາຄຸນຄ່າທີ່ມີຄວາມໝາຍໃຫ້ຊຸມຊົນ.
ດີງເລື້ອງ
