| ຮອດປີ 2030, ມີເດັກນ້ອຍ 100% ຢູ່ບັນດາຮາກຖານສຶກສາຂັ້ນອະນຸບານເຂດປະສົບກັບຄວາມຫຍຸ້ງຍາກໄດ້ຮັບການລ້ຽງດູ, ເບິ່ງແຍງ ແລະ ສຶກສາ | |
| ອະນຸມັດຜ່ານຍຸດທະສາດຮ່ວມມືລົງທຶນຕ່າງປະເທດໄລຍະ 2021 – 2030 |
ກ່າວຄຳປາໄສເປີດກອງປະຊຸມສຳມະນາ, ທ່ານປະທານ VUFO ຟ່ານເເອງເຊີ່ນ ໃຫ້ຮູ້ວ່າ: ການສ້າງສັນຍຸດທະສາດພັດທະນາ VUFO ໄດ້ປະຕິບັດໃນສະຖານະການສາກົນ ດ້ວຍບັນດາການປ່ຽນແປງທີ່ມີຜົນກະທົບອັນໃຫຍ່ຫຼວງໃນການປະຕິບັດການກຳນົດທິດນະໂຍບາຍການຕ່າງປະເທດຂອງ ຫວຽດນາມ; ບັນດາການຮຽກຮ້ອງໃໝ່ທີ່ບັນດາການນໍາພັກ ແລະ ລັດ ວາງອອກສໍາລັບວຽກງານການຕ່າງປະເທດ ເວົ້າລວມ ແລະ ການຕ່າງປະເທດປະຊາຊົນ ເວົ້າສະເພາະ ແລະ ພິເສດຮຽກຮ້ອງໃນຕົວຂອງ VUFO ໃນການປ່ຽນແປງໃໝ່, ຍົກສູງປະສິດທິຜົນການເຄື່ອນໄຫວ.
 |
| ກອງປະຊຸມສຳມະນາ “ການຕ່າງປະເທດປະຊາຊົນໃນສະຖານະການໃໝ່ ແລະ ຍຸດທະສາດພັດທະນາ VUFO ຮອດປີ 2030”.(ພາບ: ດິງຮວາ) |
ຍຸດທະສາດການພັດທະນາ VUFO ຮອດປີ 2030 ໄດ້ກຳນົດທັດສະນະການພັດທະນາ, ພາລະກຳ, ວິໄສທັດ, ບັນດາເປົ້າໝາຍຍຸດທະສາດ, ຄຸນຄ່າຫຼັກແຫຼ່ງແກ່ນສານ ແລະ ບັນດາວິທີການແກ້ໄຂເພື່ອປະຕິບັດຍຸດທະສາດຮອດປີ 2030.
ກອງປະຊຸມໄດ້ຮອງຮູ້ບັນດາຄຳເຫັນປະກອບທີ່ສຸດຈິດສຸດໃຈ, ມີຄວາມຮັບຜິດຊອບຈາກບັນດາຜູ້ແທນທີ່ເຂົ້າຮ່ວມ. ຕາມນັ້ນແລ້ວ, ບັນດາຜູ້ແທນໄດ້ເປັນເອກະພາບໂດຍພື້ນຖານ ແລະ ຕີລາຄາສູງເລື່ອງ VUFO ກໍ່ສ້າງຍຸດທະສາດພັດທະນາຢ່າງລະອຽດລະອໍ ແລະ ມີແບບແຜນ. ບັນດາຜູ້ແທນກໍ່ໄດ້ຍົກອອກຄຳເຫັນສະເພາະກ່ຽວກັບການເຮັດໃຫ້ທີ່ຕັ້ງ ແລະ ບົດບາດຂອງ VUFO ພົ້ນເດັ່ນຂຶ້ນ; ຍົກສູງຄຸນນະພາບການຄົ້ນຄວ້າ, ປຶກສາຫາລື ແລະ ການຝຶກອົບຮົມພະນັກງານ; ລະບອບເກື້ອກູນຂອງພະນັກງານ - ລັດຖະກອນ; ບັນດາມາດຕະການປະຕິບັດບັນດາເປົ້າໝາຍຍຸດທະສາດຢ່າງມີປະສິດທິຜົນ...
ບັນດາຜູ້ແທນກໍ່ສະແດງຄວາມຫວັງວ່າ ຍຸດທະສາດເມື່ອໄດ້ຮັບການຮັບຮອງເອົາແລ້ວ ຈະຊຸກຍູ້ການເຄື່ອນໄຫວປະຕິບັດຕົວຈິງ, ປະກອບສ່ວນເຂົ້າໃນການພັດທະນາການຕ່າງປະເທດຂອງປະຊາຊົນຢ່າງແຮງກວ່າອີກ.
ສິ້ນສຸດກອງປະຊຸມ, ທ່ານປະທານ VUFO ຟ່ານແອງເຊີ່ນ ໄດ້ຕີລາຄາສູງບັນດາການປະກອບສ່ວນຢ່າງເລິກເຊິ່ງ, ຈິງໃຈຂອງບັນດາຜູ້ແທນ. ທ່ານ ຟ່ານແອງເຊີ່ນ ຢືນຢັນຈະມອບໃຫ້ຄະນະຮຽບຮຽງ ຈະຮັບເອົາບັນດາຄຳເຫັນປະກອບຢ່າງຄົບຖ້ວນ. ວິວັດການຮັບເອົາຄຳເຫັນ ຈະສືບຕໍ່ຕອບສະຫນອງເຈດຈຳນົງ, ຄວາມມຸ່ງມາດປາດຖະຫນາຂອງອົງການຈັດຕັ້ງສະມາຊິກໃນລະບົບ VUFO.
ດີງເລື້ອງ
