| ເປຣູ ຖື ຫວຽດນາມ ແມ່ນຄູ່ຮ່ວມມືສຳຄັນຂອງພາກພື້ນອາຊີຕາເວັນອອກສ່ຽງໃຕ້ | |
| ການສົ່ງອອກປາທູນ່າ ໄປຍັງ ເປຣູ ເພີ່ມຂຶ້ນທົບ 2000 ເທົ່າ |
ທ່ານ Luis Villanueva Carbajal ໃຫ້ຮູ້ວ່າ: ຫວຽດນາມ - ເປຣູ ມີການພົວພັນມິດຕະພາບທີ່ເປັນມູນເຊື້ອອັນດີງາມ. ແຕ່ວ່າ, ການພົວພັນລະຫວ່າງສອງປະເທດໃນປະຈຸບັນຍັງບໍ່ທັນສົມກັບຄວາມສາມາດບົ່ມຊ້ອນ ແລະ ມູນເຊື້ອມິດຕະພາບລະຫວ່າງສອງປະເທດ. ການຢ້ຽມຢາມຂອງຄະນະຜູ້ແທນຂັ້ນສູງພັກກອມມູນິດ ເປຣູ ແຕ່ວັນທີ 9 - 19 ພະຈິກເພື່ອແນໃສ່ຊອກຮູ້ກ່ຽວກັບເສັ້ນທາງກ້າວສູ່ສັງຄົມນິຍົມຂອງຫວຽດນາມ, ກ່ຽວກັບນະໂຍບາຍການຕ່າງປະເທດຂອງຫວຽດນາມ ໃນປະຈຸບັນ ແລະ ການປັບປຸງ, ພັດທະນາການພົວພັນກັບບັນດາປະເທດ, ພິເສດແມ່ນບັນດາປະເທດໃຫຍ່, ບົນພື້ນຖານຮັບປະກັນຫຼັກການເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ລະບອບການເມືອງ, ບໍ່ແຊກແຊງເຂົ້າວຽກງານພາຍໃນຂອງກັນ. ພ້ອມກັນນັ້ນ, ຄະນະກໍ່ປາດຖະໜາຢາກສົນທະນາປຶກສາຫາລືກັບບັນດາຄູ່ຮ່ວມມື ແລະ ເພື່ອນມິດ, ຊອກຫາທິດທາງປະກອບສ່ວນຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ.
 |
| ປະທານສະຫະພັນບັນດາອົງການມິດຕະພາບຫວຽດນາມ ຟານເເອງເຊີນ ຕ້ອນຮັບທ່ານເລຂາທິການໃຫຍ່ພັກກອມມູນິດ ເປຣູ Luis Villanueva Carbaja ຕອນຄ່ຳວັນທີ 9 ພະຈີກ (ພາບ: ທູ່ຮາ). |
ທ່ານປະທານ ຟານແອງເຊີນ ໃຫ້ຮູ້ວ່າ: ພາຍຫຼັງເກືອບ 40 ປີແຫ່ງປ່ຽນແປງໃໝ່, ປະຈຸບັນ ຫວຽດນາມ ແມ່ນປະເທດພວມພັດທະນາ ດ້ວຍຈຳນວນພົນລະເມືອງເກືອບ 100 ລ້ານຄົນ ແລະ ຍອດຜະລິດຕະພັນພາຍໃນ (GDP) ໃນປີ 2023 ຄາດວ່າຈະບັນລຸເກືອບ 430 ຕື້ USD. ຫວຽດນາມ ຕັ້ງເປົ້າໝາຍກາຍເປັນປະເທດມີລາຍຮັບປານກາງສູງໃນປີ 2030 ແລະ ເປັນປະເທດມີລາຍຮັບສູງໃນປີ 2045. ກອງປະຊຸມໃຫຍ່ຄັ້ງທີ 13 ຂອງພັກກອມມູນິດຫວຽດນາມ ໄດ້ວາງອອກຍຸດທະສາດພັດທະນາເສດຖະກິດ - ສັງຄົມ ໄລຍະ 2021 - 2030. ຍຸດທະສາດໄດ້ກຳນົດ 3 ບາດກ້າວບຸກທະລຸໃນຂົງເຂດພື້ນຖານໂຄງລ່າງ, ລະບອບລະບຽບການ, ການພັດທະນາຊັບພະຍາກອນມະນຸດ.
ໃນສະພາບການ ແລະ ສະຖານະການໃໝ່, ຫວຽດນາມ ໄດ້ປັບປຸງນະໂຍບາຍການຕ່າງປະເທດຂອງຕົນ ແຕ່ຍັງຢຶດໝັ້ນຮັກສາ ແລະ ເສີມຂະຫຍາຍແນວຄິດການຕ່າງປະເທດຂອງ ໂຮ່ຈີມິນ. ນັ້ນຄື: ເອກະລາດແຫ່ງຊາດ ຕິດພັນກັບລັດທິສັງຄົມນິຍົມ; ເອກະລາດ, ເປັນເຈົ້າຕົນເອງ, ສາມັກຄີສາກົນ; ສັນຕິພາບ, ເປີດກວ້າງ, ສ້າງເພື່ອນມິດ, ຫຼຸດສັດຕູ. ສິ່ງດັ່ງກ່າວໄດ້ສະແດງໃຫ້ເຫັນໃນນະໂຍບາຍການຕ່າງປະເທດທີ່ຫັນເປັນຫຼາຍຮູບຫຼາຍແບບ, ການເຊື່ອມໂຍງເຂົ້າກັບສາກົນຢ່າງຮອບດ້ານ ແລະ ກວ້າງຂວາງ; ແຜນນະໂຍບາຍ ຫວຽດນາມ ແມ່ນເພື່ອນ, ຄູ່ຮ່ວມມືທີ່ໄວ້ເນື້ອເຊື່ອໃຈ, ເປັນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບຂອງປະຊາຄົມສາກົນ. ປະຈຸບັນ, ຫວຽດນາມ ມີການພົວພັນກັບ 193 ປະເທດສະມາຊິກສະຫະປະຊາຊາດ ແລະ 247 ພັກການເມືອງໃນ 117 ປະເທດ.
ທ່ານ ຟານແອງເຊີນ ໃຫ້ຮູ້ວ່າ ຫວຽດນາມ ຢຶດໝັ້ນຕາມເສັ້ນທາງກ້າວໄປສູ່ສັງຄົມນິຍົມ, ມຸ່ງໄປເຖິງຈຸດໝາຍປະເທດຊາດຮັ່ງມີ, ປະເທດເຂັ້ມແຂງ, ມີປະຊາທິປະໄຕ, ຍຸຕິທຳ ແລະ ສີວິໄລ. ເພື່ອບັນລຸເປົ້າໝາຍດັ່ງກ່າວ, ຕ້ອງພັດທະນາເສດຖະກິດດ້ວຍການປົກປັກຮັກສາສິ່ງແວດລ້ອມ, ຍຸຕິທຳສັງຄົມ, ຮັດແຄບຊ່ອງວ່າງຮັ່ງມີ ແລະ ທຸກຍາກລະຫວ່າງບັນດາຊັ້ນຄົນໃນສັງຄົມ, ບັນດາສ່ວນປະກອບເສດຖະກິດມີບົດບາດສຳຄັນທີ່ແຕກຕ່າງກັນໃນການພັດທະນາຂອງປະເທດຊາດ. ກ່ຽວກັບວັດທະນະທໍາ, ຕ້ອງປົກປັກຮັກສາ ແລະ ເສີມຂະຫຍາຍວັດທະນະທໍາມູນເຊື້ອທີ່ດີ, ພ້ອມກັນນັ້ນ ກໍ່ຕ້ອງຮັບເອົາສິ່ງຍອດຢ້ຽມວັດທະນະທໍາຂອງມະນຸດຊາດ. ກ່ຽວກັບວຽກງານນຳພາ ແລະ ການບໍລິຫານແຫ່ງຊາດ, ຕ້ອງມີກົນໄກ ແລະ ນະໂຍບາຍພັດທະນາທີ່ເໝາະສົມກັບຍຸກສະໄໝ, ຄວາມກ້າວໜ້າທາງວິທະຍາສາດ ແລະ ເຕັກໂນໂລຊີ, ກົດໝາຍ ແລະ ທ່າອ່ຽງລວມທົ່ວໂລກ. ຕ້ອງສ້າງຖັນແຖວພະນັກງານທີ່ຕອບສະໜອງຕາມຄວາມຮຽກຮ້ອງທີ່ປະເທດຊາດ ແລະ ພັກວາງອອກ. ລະອຽດແມ່ນພະນັກງານທີ່ມີວິຊາສະເພາະ, ປະສົບການ, ມີຄວາມສາມາດນຳພາ, ຄຸ້ມຄອງ; ຕັ້ງຜົນປະໂຫຍດຂອງປະເທດຊາດ, ປະຊາຊົນເປັນອັນດັບຫນຶ່ງ; ບໍ່ມີການສໍ້ລາດບັງຫຼວງ ຫຼື ຟຸມເຟືອຍ.
ທ່ານ Luis Villanueva Carbajal ກໍ່ສະແດງຄວາມຊົມເຊີຍຕໍ່ຜົນສຳເລັດໃນການພັດທະນາຂອງຫວຽດນາມ. 2 ຝ່າຍເຫັນດີສືບຕໍ່ເຊື່ອມຕໍ່, ແລກປ່ຽນ ແລະ ຮ່ວມມືໃນໄລຍະຈະມາເຖິງ.
ດີງເລື້ອງ
