ຕອນບ່າຍວັນທີ 6 ພະຈິກ ໄດ້ດຳເນີນການຖະແຫຼງຂ່າວ “ວັນບຸນໄມຕີຈິດມິດຕະພາບພິເສດຫວຽດນາມ - ລາວ ປີ 2023”.
ດ້ວຍຄວາມປາດຖະໜາຢາກໂຄສະນາເຜີຍແຜ່ຮູບພາບຫວຽດນາມ ທີ່ປ່ຽນແປງໃໝ່ ແລະພັດທະນາ, ຜ່ານນັ້ນ ກໍ່ປັບປຸງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ-ລາວ, ກະຊວງຖະແຫຼງຂ່າວ ແລະການສື່ສານ ຫວຽດນາມ ສົມທົບກັບຄະນະກຳມະການປະຊາຊົນແຂວງເທື່ອທຽນເຫວ້ ຈັດຕັ້ງລາຍການ "ວັນບຸນໄມຕີຈິດມິດຕະພາບພິເສດຫວຽດນາມ - ລາວ ປີ 2023" ດ້ວຍຫົວຂໍ້ວ່າ: ຖະແຫຼງຂ່າວ ແລະການສື່ສານ, ຈຸດພົ້ນເດັ່ນໃນການພົວພັນຮ່ວມມືຫວຽດນາມ - ລາວ.
 |
| ການຖະແຫຼງຂ່າວກ່ຽວກັບວັນບຸນໄມຕີຈິດມິດຕະພາບພິເສດຫວຽດນາມ - ລາວ ປີ 2023. ພາບ: VGP/HM |
ປີນີ້, ຄະນະຈັດຕັ້ງລາຍການ ຈະຍູ້ແຮງການເຄື່ອນໄຫວສື່ສານການຕ່າງປະເທດຕື່ມອີກ ດ້ວຍ 3 ເສົາຄ້ຳຄື: ເພີ່ມທະວີການຮ່ວມມືໃນຂົງເຂດຖະແຫຼງຂ່າວ ແລະການສື່ສານ ລະຫວ່າງຫວຽດນາມ - ລາວ; ເພີ່ມທະວີການເຄື່ອນໄຫວລົງທຶນ, ສົ່ງເສີມການຄ້າ ແລະການທ່ອງທ່ຽວລະຫວ່າງ ຫວຽດນາມ - ລາວ ເວົ້າລວມ ແລະລະຫວ່າງບັນດາທ້ອງຖິ່ນທີ່ມີເສັ້ນຊາຍແດນຮ່ວມເວົ້າສະເພາະ; ເພີ່ມທະວີການພົບປະແລກປ່ຽນປະຊາຊົນລະຫວ່າງສອງປະເທດ, ພິເສດແມ່ນປະຊາຊົນຢູ່ບັນດາແຂວງຕິດກັບຊາຍແດນຫວຽດນາມ - ລາວ.
ລາຍການລວມມີກິດຈະກຳເຄື່ອນໄຫວທີ່ມີຄວາມໝາຍສຳຄັນ, ເຊິ່ງສະແດງໃຫ້ເຫັນໄມຕີຈິດມິດຕະພາບໝັ້ນແກ່ນລະຫວ່າງປະຊາຊົນສອງປະເທດ, ຄື: ງານວາງສະແດງຮູບພາບ, ງານຕະຫຼາດນັດ-ວາງສະແດງ, ການໂອ້ລົມສົນທະນາວິທະຍາສາດ ແລະງານລາຕີພົບປະແລກປ່ຽນສິລະປະ ຫວຽດນາມ - ລາວ.
ນອກຈາກນັ້ນ ຍັງມີການເຄື່ອນໄຫວພົບປະແລກປ່ຽນວັດທະນະທຳ, ສິລະປະລະຫວ່າງປະຊາຊົນສອງປະເທດຫວຽດນາມ-ລາວ, ພິເສດແມ່ນລະຫວ່າງປະຊາຊົນບັນດາເຜົ່າຂອງແຂວງເທື່ອທຽນເຫວ້ ກັບແຂວງສາລະວັນ ແລະແຂວງເຊກອງ; ລະຫວ່າງນັກສຶກສາຫວຽດນາມ ກັບນັກສຶກສາລາວ ທີ່ພວມດຳລົງຊີວິດ ແລະຮໍ່າຮຽນຢູ່ໃນແຂວງ ເທື່ອທຽນເຫວ້.
ບູນມີ
