 | ບັນດາຂອງທີ່ລະນຶກ “ເລົ່າເລື່ອງ” ນໍ້າໃຈມິດຕະພາບ ຫວຽດນາມ - ລາວ |
| ການາດາ ຖືຫວຽດນາມ ແມ່ນຈຸດໝາຍນຳໜ້າໃນຂົງເຂດການຄ້າສິນຄ້າ |
ເຄື່ອງໝາຍ ໂຮງໝໍຫວຽດນາມ ຢູ່ລາວ
ຜ່ານຜ່າບັນດາຄວາມຫຍຸ້ງຍາກ ໃນມື້ທຳອິດໃນການສ້າງຕັ້ງ, ມາຮອດປະຈຸບັນນີ້ ໂຮງໝໍ ຮ່າໂນ້ຍ - ວຽງຈັນ ໄດ້ກາຍເປັນສະຖານທີ່ກວດ ແລະ ປິ່ນປົວທີ່ມີຊື່ສຽງຢູ່ລາວ ມີຫຼາຍຂະແໜງການເຊັ່ນ: ລຳໄສ້ ແລະ ຫົວໃຈ, ພາຍໃນ,ແຂ້ວ,ຄາງ,ໜ້າ, ຫູດັງຄໍ, ກະດູກ. .. ໂຮງໝໍດັ່ງກ່າວມີແພດ, ທ່ານໝໍ, ພະຍາບານ 100 ກວ່າຄົນ (ໃນນັ້ນ 60% ແມ່ນຄົນຫວຽດນາມ), ໃນແຕ່ລະມື້ ໄດ້ຮັບຮອງ ການກວດ ແລະ ປິ່ນປົວພະຍາດໃຫ້ແກ່ຄົນເຈັບຫຼາຍກວ່າ 100 ຄົນ ດ້ວຍອຸປະກອນ ແລະ ເຕັກນິກການແພດທີ່ກ້າວໜ້າທັນສະໄໝ. .
ພ້ອມນັ້ນ, ໂຮງໝໍ ຮ່າໂນ້ຍ - ນະຄອນຫຼວງວຽງຈັນ ຍັງໄດ້ຮັບການຊ່ວຍເຫຼືອ ດ້ານວິຊາຊີບ ຈາກບັນດາທ່ານສາດສະດາຈານ, ຮອງສາດສະດາຈານ, ທ່ານໝໍ, ຜູ້ຊ່ຽວຊານດ້ານການແພດຊ່ຽວຊານ ຈາກໂຮງໝໍມະຫາວິທະຍາໄລການແພດຮ່າໂນ້ຍ.
|
“ມາກວດ ແລະ ປິ່ນປົວພະຍາດຢູ່ທີ່ນີ້, ຂ້ອຍໄດ້ຮັບຄຳແນະນຳ, ການເອົາໃຈໃສ່ດູແລ ເອອື້ອຳນວຍຄວາມສະດວກ ວັດຖຸອຸປະກອນທີ່ທັນສະໄໝ”, ຄົນເຈັບ ທິບສິງແພງຄຳ ແບ່ງປັນ.
ໃນເດືອນ ພຶດສະພາ 2023, ແຂວງ ເງະອານ ໄດ້ສົມທົບກັບແຂວງຊຽງຂວາງ ແລະ ສປປ ລາວ ນຳໃຊ້ໂຄງການໂຮງໝໍມິດຕະພາບລາວ-ຫວຽດນາມ ຢູ່ແຂວງຊຽງຂວາງ ທີ່ໄດ້ຮັບທຶນຈາກລັດຖະບານຫວຽດນາມຊ່ວຍເຫຼືອ. ໂຮງໝໍມິດຕະພາບລາວ-ຫວຽດນາມ ແຂວງຊຽງຂວາງ ມີ200 ຕຽງນອນຄົນເຈັບ, ມີສິ່ງອໍານວຍຄວາມສະດວກກວ້າງຂວາງ, ເຕັກໂນໂລຊີ ແລະ ອຸປະກອນການແພດທີ່ທັນສະໄໝ; ຕາມບາດກ້າວ ເຕຈີບໃຫຍ່ຂະຫຍາຍຕົວ ຂອງບັນດາວິຊາການ, ຊ່ຽວຊານທີ່ເກັ່ງ, ແລະ ເຄືອຂ່າຍການແພດທີ່ໄດ້ມາດຕະຖານແຫ່ງຊາດ; ປະກອບສ່ວນຍົກສູງ ຄຸນນະພາບການກວດ ແລະ ປິ່ນປົວພະຍາດໃຫ້ປະຊາຊົນແຂວງຊຽງຂວາງເວົ້້າລວມ, ໂດຍສະເພາະ ປະຊາຊົນບັນດາແຂວງພາກຕາເວັນອອກສຽງເໜືອຂອງລາວ.
ນອກຈາກນີ້, ຫວຽດນາມຍັງໄດ້ໃຫ້ການສະໜັບສະໜູນລາວ ສ້າງໂຮງໝໍມິດຕະພາບແຂວງຫົວພັນ. ອາຄານ 9 ຊັ້ນໄດ້ກໍ່ສ້າງສຳເລັດແລ້ວ ແລະ ປະຈຸບັນກຳລັງກໍ່ສ້າງ ເຊິ່ງຄາດວ່າໂຮງໝໍຈະສ້າງສຳເລັດໃນປີ 2024.
ຫວ່າງມໍ່ໆມານີ້, ໄດ້ມີໂຮງໝໍສາກົນລາວີ ອີກແຫ່ງໜຶ່ງ ເຊິ່ງສ້າງໂດຍຊາວລາວ ເຊື້ອສາຍຫວຽດນາມ ເພື່ອຮັບໃຊ້ຄົນເຈັບທັງຊາວຫວຽດນາມ ແລະ ຊາວລາວ ທີ່ອາໄສຢູ່ນະຄອນຫຼວງວຽງຈັນ. ໂຮງໝໍພວມຈະເປີດນຳໃຊ້ ແລະ ໄດ້ຮັບການຊ່ວຍເຫຼືອຈາກໂຮງໝໍມະຫາວິທະຍາໄລການແພດຮ່າໂນ້ຍ ແລະ ສະມາຄົມຕິດຕໍ່ຄົນຫວຽດນາມ ຢູ່ຕ່າງປະເທດ (ALOV).
ຖ່າຍທອດເຕັກນິກໃໝ່ ໃຫ້ແກ່ຂະແໜງສາທາລະນະສຸກຂອງລາວ
ທ່ານຮອງສາດສະດາຈານ, ປອ ຫງວ້ຽນເລີ່ມຮ່ຽວ, ອຳນວຍການໂຮງໝໍມະຫາວິທະຍາໄລການແພດຮ່າໂນ້ຍ ໃຫ້ຮູ້ວ່າ: ໃນໄລຍະຈະມາເຖິງ, ໂຮງໝໍຈະສືບຕໍ່ຊ່ວຍໂຮງໝໍລາວີ ໃນກໍລະນີພະຍາດຮ້າຍແຮງ ແລະ ຫຍຸ້ງຍາກ. ນອກນີ້, ໂຮງໝໍຍັງຈະສົ່ງຜູ້ຊ່ຽວຊານໄປຖ່າຍທອດເຕັກນິກ, ບຳລຸງສ້າງແຫຼ່ງຊັບພະຍາກອນມະນຸດໃຫ້ລາວຢູ່ຫວຽດນາມ ແລະ ຮ່ວມມືໃນຂົງເຂດຄົ້ນຄວ້າວິທະຍາສາດ ແລະ ນຳໃຊ້ເຕັກໂນໂລຊີໃໝ່...
“ຈະມີໂຄງການ ລະບົບປິ່ນປົວພະຍາດຫົວໃຈ ຢູ່ໂຮງໝໍ ລາວີ (La Vie) ໃນອະນາຄົດອັນໃກ້ໆນີ້. ບັນດາກໍລະນີພະຍາດຫົວໃຈຂາດເລືອດຈະໄດ້ຮັບການແກ້ໄຂດ່ວນ, ເດັກນ້ອຍທີ່ມີພະຍາດຫົວໃຈມາແຕ່ກຳເນີດ ບໍ່ຈຳເປັນຕ້ອງໄປປິ່ນປົວຢູ່ຕ່າງປະເທດ.
 |
| ໂຮງໝໍສາກົນ ລາວີ, ໂຮງໝໍມະຫາວິທະຍາໄລການແພດຮ່າໂນ້ຍ, ສະມາຄົມຕິຕໍ່ຊາວຫວຽດນາມ ຢູ່ຕ່າງປະເທດ (ALOV) ໄດ້ລົງນາມໃນສັນຍາຮ່ວມມື. ພາບ: ວູກຸ້ຍ |
ທ່ານເອກອັກຄະລັດຖະທູດ ຫງວຽນຝູບິງ, ປະທານສະມາຄົມການຕິດຕໍ່ພົວພັນກັບຊາວຫວຽດນາມ ອາໄສຢູ່ຕ່າງປະເທດ (ALOV), ໃຫ້ຮູ້ວ່າ: ສະມາຄົມຈະແມ່ນຂົວຕໍ່ໃຫ້ປະຊາຄົມຊາວ ຫວຽດນາມ ໄດ້ຮັບຮູ້ທີ່ຕັ້ງ ທີ່ໜ້າເຊື່ອຖື ເພື່ອຮັກສາສຸຂະພາບຂອງຕົນ ແລະ ຄອບຄົວຂອງຕົນ. ນີ້ຈະເປັນແຂນໜື່ງ ທີ່ຕໍ່ຍາວຂອງສະມາຄົມ ເພື່ອເຊື່ອມຕໍ່ກັບປະຊາຊົນທີ່ຢູ່ຫ່າງໄກຈາກບ້ານເກີດເມືອງນອນ. ນອກນັ້ນ, ສະມາຄົມຈະຮຽກຮ້ອງບັນດານັກລົງທຶນ ມາເປີດກິດຈະການຂະແໜງການແພດຂອງໂຮງໝໍ.
“ສະມາຄົມສົມທົບກັບສອງໂຮງໝໍ ຜັນຂະຫຍາຍ ບັນດາແນວທາງຂອງພັກ, ລະບຽບກົດໝາຍຂອງລັດ ກ່ຽວພັນກັບຊາວຫວຽດນາມ ຢູ່ຕ່າງປະເທດ.
ບັນດາໂຮງໝໍ ໄດ້ສ້າງເງື່ອນໄຂ ອຳນວຍຄວາມສະດວກ ໃນການເບິ່ງແຍງດູແລສຸຂະພາບ, ປັບປຸງຊີວິດການເປັນຢູ່ຂອງວົງຄະນາຍາດຊາວຫວຽດນາມ ຢູ່ລາວ, ສົມທົບກັນປະຕິບັດບັນດາ ວຽກງານໃຫ້ປະຊາຄົມຊາວ ຫວຽດນາມ ຢູ່ລາວ ທີ່ມີຄວາມຕ້ອງການຮັກສາສຸຂະພາບ.
ແຕ່ລະຝ່າຍໄດ້ ຊຸກຍູ້ວຽກງານການໂຄສະນາ, ການພົບປະ, ແລກປ່ຽນ, ເຜີຍແຜ່ໂຄສະນາກ່ຽວກັບໂຮງໝໍສາກົນ ລາວີ ກ່ຽວກັບບັນດາໜ້າທີ່ ການຊ່ວຍ ສະໜອງການບໍລິການດ້ານການແພດໃຫ້ຊາວຫວຽດນາມ ອາໄສ ແລະ ສຶກສາຢູ່ ລາວ.
ທ່ານ ຫງ້ຽນຟູ້ບິງ ສະຖານທູດໃຫ້ຮູ້ວ່າ: ໂຮງໝໍວິທະຍາໄລແພດ ຮາໂນ້ຍ ໄດ້ຊ່ວຍເຫຼືອແມ່ນມີຜົນສໍາເລັດທີ່ສຸດ ຢູ່ໃນເງື່ອນໄຂ ແມ່ນໂຮງໝໍສາກົນລາວີ ທີ່ປະຕິບັດວຽກງານວິຊາສະເພາະ
ດ້ວຍບັນດາຜົນງານທີ່ມີຜົນສໄເລັດທີ່ກ່າວມານັ້ນ, ນັກຊ່ຽວຊານຫຼາຍທ່ານໃຫ້ຮູ້ວ່າ, ນີ້ແມ່ນແຮງບັນດານ ເພື່ອໃຫ້ບັນດາທ່ານໝໍ ຫວຽດນາມ ຢູ່ ລາວ ປັບປຸງແນວຄິດ ຈິດໃຈຮັບໃຊ້ຄົນເຈັບໃຫ້ດີກ່ວາເກົ່າ. ປິ່ນປົວພະຍາດໃຫ້ປະຊາຊົນກໍ່ແມ່ນວິທີປະກອບສ່ວນຢ່າງໜຶ່ງ ໃນການເພີ່ມພູນຄູນສ້າງຄວາມສາມັກຄີ, ມິດຕະພາບ ອັນເປັນມູນເຊື້ອອັນດີງາມ ຂອງປະຊາຊົນສອງປະເທດ ຫວຽດນາມ - ລາວ ໃນໄລຍະຍາວນານ.
ອານຸໄຊ ສະຫວັດ
