ຕອນບ່າຍວັນທີ 30 ຕຸລາ, ຢູ່ນະຄອນ ດ່າໜັ້ງ, ທະຫານເຂດ 5 ໄດ້ຈັດຕັ້ງກອງປະຊຸມສົມທົບກັນກຽມພ້ອມສູ້ຮົບເພື່ອຮັບປະກັນຄວາມໝັ້ນຄົງ, ຄວາມປອດໄພໃຫ້ການພົບປະແລກປ່ຽນມິດຕະພາບດ້ານປ້ອງກັນຊາດຊາຍແດນຫວຽດນາມ - ລາວ - ກໍາປູເຈຍ ຄັ້ງທີ 1 ປີ 2023. ທ່ານພົນຈັດຕະວາ ເລງອກຫາຍ, ຮອງຜູ້ບັນຊາການທັງເປັນຫົວໜ້າເສນາທິການທະຫານເຂດ 5 ເປັນປະທານກອງປະຊຸມ.
ກອງປະຊຸມໄດ້ຮັບຟັງທ່ານພັນເອກພິເສດ ຫວໍວັນບາ, ຮອງຫົວໜ້າເສນາທິການທະຫານເຂດ 5 ລາຍງານຮ່າງແຜນການ ແລະການຈັດຕັ້ງການສົມທົບກັນລະຫວ່າງບັນດາກຳລັງ; ບັນດາຜູ້ຕາງໜ້າບັນດາອົງການ, ກົມກອງທີ່ກ່ຽວຂ້ອງໄດ້ກ່າວຄວາມເຫັນ ເຮັດແຈ້ງບັນດາການເຄື່ອນໄຫວຮັບປະກັນຄວາມໝັ້ນຄົງ, ຄວາມປອດໄພໃຫ້ບັນດາການເຄື່ອນໄຫວພົບປະແລກປ່ຽນມິດຕະພາບດ້ານປ້ອງກັນຊາຍແດນ.
 |
| ທ່ານພົນຈັດຕະວາ ເລງອກຫາຍ, ຮອງຜູ້ບັນຊາການ ທັງເປັນຫົວໜ້າເສນາທິການທະຫານເຂດ 5 ກ່າວຄໍາເຫັນສະຫຼຸບກອງປະຊຸມ. ພາບ: qdnd.vn |
ກ່າວຄຳເຫັນທີ່ກອງປະຊຸມ, ທ່ານພົນຈັດຕະວາ ເລງອກຫາຍ, ຮອງຜູ້ບັນຊາການ ທັງເປັນຫົວໜ້າເສນາທິການທະຫານເຂດ 5 ເນັ້ນໜັກເຖິງບົດບາດ, ຄວາມສຳຄັນຂອງການເຄື່ອນໄຫວພົບປະແລກປ່ຽນມິດຕະພາບດ້ານປ້ອງກັນຊາດຊາຍແດນ ຫວຽດນາມ - ລາວ - ກໍາປູເຈຍ ຄັ້ງທີ 1 ໃນປີ 2023 ໃນການຊຸກຍູ້ການຮ່ວມມືລະຫວ່າງກອງທັບ ກໍ່ຄືກຳລັງປົກປັກຮັກສາຊາຍແດນ, ອຳນາດການປົກຄອງ ແລະ ປະຊາຊົນທ້ອງຖິ່ນຢູ່ເຂດຕິດກັບຊາຍແດນຮ່ວມລະຫວ່າງບັນດາປະເທດບ້ານໃກ້ເຮືອນຄຽງ ແລະການຮັບປະກັນຄວາມໝັ້ນຄົງ, ຄວາມປອດໄພໃຫ້ການເຄື່ອນໄຫວພົບປະແລກປ່ຽນຄັ້ງນີ້.
ທ່ານຮອງຜູ້ບັນຊາການ, ຫົວໜ້າເສນາທິການທະຫານເຂດ 5 ສະເໜີບັນດາອົງການ, ກົມກອງກໍາແໜ້ນໜ້າທີ່, ສົມທົບກັນຢ່າງແໜ້ນແຟ້ນ, ຈັດຕັ້ງຜັນຂະຫຍາຍການປະຕິບັດທຸກວຽກງານກະກຽມໃຫ້ເປັນຢ່າງດີນັບແຕ່ການສ້າງລະບົບເອກະສານ, ແຜນການ ແລະການຈັດຕັ້ງຝຶກແອບແຜນງານໃຫ້ເປັນຢ່າງດີ; ສືບຕໍ່ເປັນເສນາທິການໃຫ້ຄະນະພັກ, ອຳນາດການປົກຄອງທ້ອງຖິ່ນຊີ້ນຳ, ຄຸ້ມຄອງວຽກງານກະກຽມ ແລະປະຕິບັດທຸກໜ້າທີ່ທີ່ໄດ້ຮັບມອບໝາຍໃຫ້ເປັນຢ່າງດີ.
ບູນມີ
