| ອາຊີບຕ່ຳຜ້າພື້ນເມືອງຫັດຖະກຳຢູ່ ເປີນິງ, ຕາແສງລັງ, ແຂວງກວາງນາມ: ຕ້ອງມີກົນໄກອະນຸລັກສະເພາະ | |
| ງານຕະຫຼາດນັດການທ່ອງທ່ຽວ ແລະບໍລິການຈັດຈອງສາກົນຢູ່ ການາດາ ແລະ “ຈຸດພົ້ນເດັ່ນ” ຫວຽດນາມ |
ຕອນຄ່ຳວັນທີ 1 ຕຸລາ, ຢູ່ຮ່າໂນ້ຍ, ກົມອຸດສາຫະກຳ ແລະ ການຄ້າຮ່າໂນ້ຍ ໄດ້ຈັດພິທີເປີດງານຕະຫຼາດນັດຂອງຂວັນຫັດຖະກຳສາກົນຮ່າໂນ້ຍ 2023 (Hanoi Giftshow 2023).
ນີ້ແມ່ນໂອກາດເພື່ອໃຫ້ບັນດາວິສາຫະກິດ ແລະ ບັນດາອົງການຜະລິດ ແລະ ຄ້າຂາຍເຄື່ອງຫັດຖະກຳມີຫຼາຍກາລະໂອກາດເພື່ອແນໃສ່ຊຸກຍູ້ ແລະ ແນະນຳບັນດາຜະລິດຕະພັນຫັດຖະກຳທີ່ມີຫົວຄິດປະດິດສ້າງບັນລຸມາດຖານສົ່ງອອກຂອງ ຫວຽດນາມ ໄປຍັງບັນດາປະເທດ EU ແລະ G7; ຊອກຫາລູກຄ້າ, ເຊື່ອມຕໍ່ທຸລະກິດ, ຂະຫຍາຍຕະຫຼາດ.
 |
ງານຕະຫຼາດນັດຂອງຂວັນຫັດຖະກຳສາກົນຮ່າໂນ້ຍ 2023 |
ງານຕະຫຼາດນັດສາກົນ ຂອງຂວັນເຄື່ອງ ສິລະປະຫັດຖະກຳ ຮ່າໂນ້ຍ ຄັ້ງທີ 12 ປີ 2023 (Hanoi Giftshow 2023), ໂດຍຄະນະກຳມະການປະຊາຊົນນະຄອນຮ່າໂນ້ຍ ຈັດຂຶ້ນ ໄດ້ດຳເນີນໃນລະຫວ່າງວັນທີ 1 ຫາວັນທີ 4 ຕຸລາ ຢູ່ຫໍວາງສະແດງສະຖາປັດຕະຍາກຳ, ແຜນຜັງກໍ່ສ້າງແຫ່ງຊາດ (ຮ່າໂນ້ຍ).
Hanoi Giftshow 2023 ມີຂອບຂະໜາດຮ້ານວາງສະແດງ 450 ຮ້ານ (ແບບເຊິ່ງໜ້າ ແລະ ທາງໄກ) ຂອງບັນດາວິສາຫະກິດ, ພື້ນຖານຜະລິດເຄື່ອງ ສິລະປະຫັດຖະກຳ ທັງຢູ່ພາຍໃນ ແລະ ຕ່າງປະເທດ. ບັນດາຜະລິດຕະພັນຂອງໝູ່ບ້ານອາຊີບມີຮູບແບບທີ່ຫຼາຍຫຼາຍ ແລະ ງາມຕາ, ຄຸນນະພາບດີ. ມີຫຼາຍຜະລິດຕະພັນໄດ້ສົ່ງອອກໄປຍັງບັນດາຕະຫຼາດຄື: ສະຫະພາບເອີລົບ, ອາເມລິກາ, ລັດເຊຍ ແລະ ບາງປະເທດອາຊີ, ອາຊີຕາເວັນອອກສ່ຽງໃຕ້. ໃນຂອບເຂດ Hanoi Giftshow 2023, ຄະນະຈັດຕັ້ງໄດ້ມອບລາງວັນການແຂ່ງຂັນອອກແບບຮູບແບບຜະລິດຕະພັນ ສິລະປະຫັດຖະກຳ ຮ່າໂນ້ຍ ປີ 2023 90 ລາງວັນ, ໃນນັ້ນ ລາງວັນທີ 1 ມີ 6 ລາງວັນ,.
ພາຍຫຼັງ 11 ປີແຫ່ງການຈັດຕັ້ງ, Hanoi Giftshow ໄດ້ຢັ້ງຢືນບົດບາດ ແມ່ນ ງານຕະຫຼາດນັດທີ່ສະເພາະຂະແໜງ ສິລະປະຫັດຖະກຳສົ່ງອອກທີ່ມີອິດທີພົນຊື່ສຽງຂອງພາກພື້ນ ອາຊີ - ປາຊີຟິກ, ດຶງດູດການເຂົ້າຮ່ວມຂອງຮ້ານວາງສະແດງຫຼາຍກ່ວາ 5000 ແຫ່ງ ຂອງວິສາຫະກິດ, ຮາກຖານການຜະລິດ ຫຼາຍກ່ວາ 2250 ແຫ່ງ ທີ່ມາຈາກບັນດາແຂວງ, ນະຄອນ ໃນທົ່ວປະເທດ ແລະ ກ່ວາ 30 ປະເທດໃນທົ່ວໂລກ.
ຄຳຮຸ່ງ
