| ຖ່າຍທອດຂໍ້ຄວາມ “ມິດຕະພາບ ຫວຽດນາມ - ລາວ” ເຖິງລຸ້ນໜຸ່ມ |
| ເສີມຂະຫຍາຍກຳລັງແຮງຊາວໜຸ່ມ ຮ່ວມແຮງຮ່ວມໃຈກັນກໍ່ສ້າງເຂດຊາຍແດນ ຫວຽດນາມ - ລາວ ສັນຕິພາບ, ມິດຕະພາບ, ຮ່ວມມື ແລະ ພັດທະນາ |
 |
| ທ່ານ ຈາງ ລາວ ມິ່ງ (ເບື້ອງຊ້າຍສຸດ) ໄດ້ແລກປ່ຽນກ່ຽວກັບສະພາບການປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍກັບບັນດາພະນັກງານປ້ອມປ້ອງກັນຊາຍແດນ ຈ່ຽງອອນ. |
ຮ່ວມໃຈກັນເພີ່ມພູນຄູນສ້າງນໍ້າໃຈມິດຕະພາບ ຫວຽດນາມ - ລາວ
ທ່ານ ຈາງ ລາວ ມິ່ງ (ເບື້ອງຊ້າຍສຸດ) ໄດ້ແລກປ່ຽນກ່ຽວກັບສະພາບການປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍກັບບັນດາພະນັກງານປ້ອມປ້ອງກັນຊາຍແດນ ຈ່ຽງອອນ.
ນັກຂ່າວ: ຮຽນທ່ານ, ຈຸດເລີ່ມຂອງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ຫວຽດນາມ-ລາວ ທີ່ປະຊາຊົນໃນໝູ່ບ້ານໄດ້ຮັກສາ ແລະ ເພີ່ມພູນຄູນສ້າງໃນຕະຫຼອດຫຼາຍປີຜ່ານມາມີຄືແນວໃດ?
ທ່ານ ຈາງ ລາວ ມິ່ງ: ຫ່າງຈາກນີ້ປະມານ 70 ປີກ່ອນ, ຄະນະອາສາສະໝັກລາວ-ເໜືອ, ນຳໂດຍທ່ານ ໄກສອນ ພົມວິຫານ (ຕໍ່ມາເປັນປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ), ພວກຂ້າພະເຈົ້າໄດ້ເຮັດວຽກຢ່າງລັບໆ ເພື່ອກະກຽມສ້າງທີ່ໝັ້ນການປະຕິວັດ ເມືອງວຽງໄຊ (ປະເທດລາວ). ປະຊາຊົນໃນບ້ານຂອງພວກເຮົາ, ໂດຍສະເພາະແມ່ນຄອບຄົວຂອງທ່ານ ຈາງລາວໂຄ ໄດ້ຊ່ວຍເຫຼືອບັນດາພະນັກງານຄະນະອາສາສະໝັກລາວເໜືອໃນການເຄື່ອນໄຫວປະຕິວັດຢ່າງສຸດອົກສຸດໃຈ. ນັບແຕ່ນັ້ນມາ, ປະຊາຊົມໃນບ້ານພວກຂ້າພະເຈົ້າ ກໍໄດ້ຮັກສາສາຍພົວພັນມິດຕະພາບອັນເປັນມູນເຊື້ອສະໜິດສະໜົມກັບປະຊາຊົນບ້ານແກ້ວລົມ ແລະ ບ້ານນາຄ້າງ, ກຸ່ມບ້ານພຽງຊາ, ເມືອງຊຽງຄໍ້, ແຂວງຫົວພັນ, ປະເທດລາວ.
ນັກຂ່າວ: ຂໍໃຫ້ທ່ານແບ່ງປັນຄວາມຮູ້ສຶກກ່ຽວກັບຄວາມສາມັກຄີລະຫວ່າງປະຊາຊົນບ້ານລາວໂຄ 1 ກັບປະຊາຊົນບ້ານແກ້ວລົມ ແລະ ບ້ານນາຄ້າງ?
ທ່ານ ຈາງ ລາວ ມິ່ງ: ປະຊາຊົນບ້ານລາວໂຄ 1 ຍາມໃດກໍ່ຖືປະຊາຊົນ ກຸ່ມບ້ານພຽງຊາ ຄືກັບຄົນໃນຄອບຄົວ, ຍາມໃດກໍ່ພ້ອມຈິດພ້ອມໃຈຊ່ວຍເຫຼືອເຊິ່ງກັນ ແລະ ກັນໃນເວລາປະສົບກັບຄວາມຫຍຸ້ງຍາກ. ມີຫຼາຍຄັ້ງທີ່ປະຊາຊົນໃນກຸ່ມບ້ານພຽງຊາ ເຈັບໜັກ ແລະ ຕ້ອງໄດ້ພາໄປຫ້ອງສຸກເສີນ, ສຸກສາລາແມ່ນຢູ່ໄກຫຼາຍ, ອຸປະກອນບໍ່ຮັບປະກັນ, ຖະໜົນຫົນທາງໄປມາ ກໍ່ຫຍຸ້ງຍາກຫຼາຍ, ສະນັ້ນ ເຂົາເຈົ້າຈຶ່ງໄດ້ສະເໜີຊ່ວຍພວກຂ້າພະເຈົ້າ ໄປສົ່ງໂຮງໝໍເມືອງອຽນເຈົາ ເພື່ອປິ່ນປົວ. ຊາວບ້ານໄດ້ສົ່ງຊາວໜຸ່ມຜູ້ທີ່ແຂງແຮງ ໄປຊ່ວຍຫາມຄົນເຈັບຄົນລາວເດີນທາງໝົດມື້ ເພື່ອໄປຜ່າຕັດໝາກໄຂ່ຫຼັງຢູ່ໂຮງໝໍ. ຍ້ອນປິ່ນປົວສຸກເສີນທັນເວລາ, ຄົນເຈັບໄດ້ພົ້ນຂີດອັນຕະລາຍ ແລະ ຫາຍດີພະຍາດ.
ໃນໄລຍະທີ່ຜ່ານມາ, ປະຊາຊົນທັງສອງຝ່າຍ ຍາມໃດກໍເພີ່ມພູນຄູນສ້າງນ້ຳໃຈມິດຕະພາບທີ່ບັນດາຄົນລຸ້ນກ່ອນໄດ້ສ້າງຂຶ້ນ. ເມື່ອທາງຝ່າຍລາວມີງານສົບ ຫຼື ງານແຕ່ງດອງ, ເຂົາເຈົ້າມາບ້ານລາວໂຄ 1 ເພື່ອຂໍຄວາມຊ່ວຍເຫຼືອ ແລະ ກົງກັນຂ້າມ. ໃນວັນບຸນຕ່າງໆ, ພວກເຮົາຈັດຕັ້ງເປັນກຸ່ມ ເພື່ອໄປຢ້ຽມຢາມ ແລະ ແລກປ່ຽນເຊິ່ງກັນແລະກັນ. ພວກເຮົາກໍ່ໄດ້ຈັດຕັ້ງການ ພົບປະແລກປ່ຽນວັດທະນະທຳ, ສິລະປະ, ກິລາກາຍະກຳ, ແລກປ່ຽນບົດຮຽນຮ່ວມກັນໃນດ້ານການນຳພາ, ຄຸ້ມຄອງ, ພັດທະນາເສດຖະກິດ-ສັງຄົມ....
 |
| ເຂດປູຊະນີຍະສະຖານປະຫວັດສາດການປະຕິວັດ ຫວຽດນາມ - ລາວ ແມ່ນສະຖານທີ່ແຫ່ງບັກທຶກການເຄື່ອນໄຫວປະຕິວັດ ແລະ ກໍ່ສ້າງຖານທີ່ໝັ້ນການປະຕິວັດ ຂອງຄະນະອາສາສະໝັກລາວ-ເໜືອ ແລະ ການນຳ ທ່ານ ໄກສອນ ພົມວິຫານ. |
ເຂດປູຊະນີຍະສະຖານປະຫວັດສາດການປະຕິວັດ ຫວຽດນາມ - ລາວ ແມ່ນສະຖານທີ່ແຫ່ງບັກທຶກການເຄື່ອນໄຫວປະຕິວັດ ແລະ ກໍ່ສ້າງຖານທີ່ໝັ້ນການປະຕິວັດ ຂອງຄະນະອາສາສະໝັກລາວ-ເໜືອ ແລະ ການນຳ ທ່ານ ໄກສອນ ພົມວິຫານ.
ນັກຂ່າວ: ກ່ຽວກັບການພັດທະນາເສດຖະກິດ-ສັງຄົມ, ການລົບລ້າງຄວາມອຶດຫິວ ແລະ ຫຼຸດຜ່ອນຄວາມທຸກຍາກ, ສອງຝ່າຍໄດ້ຊ່ວຍເຫຼືອເຊິ່ງກັນ ແລະ ກັນຄືແນວໃດ, ຮຽນທ່ານ?
ທ່ານ ຈາງ ລາວ ມິ່ງ: ຝ່າຍເພື່ອນປູກສາລີ ແລະ ເຂົ້າເປັນຕົ້ນຕໍ. ປະຊາຊົນລາວ ມັກຈະນຳເອົາຜະລິດຕະພັນກະເສ ໄປຂາຍ ແລະ ຊື້ເຄື່ອງໃຊ້ໃນຄົວເຮືອນຈາກຫວຽດນາມ ເພື່ອໃຊ້ສອຍ. ປະຈຸບັນເຫັນວ່າ ປະຊາຊົນບ້ານລາວໂຄ 1 ໄດ້ປູກຕົ້ນໝາກໝັ້ນ ເຊິ່ງໄດ້ປະສິດທິຜົນທາງດ້ານເສດຖະກິດທີ່ດີ, ປະຊາຊົນຝ່າຍເພື່ອນ ກໍ່ໄດ້ຈັດຕັ້ງຜັນຂະຫຍາຍປູກໝາກໝັ້ນ, ພວກເຮົາກໍ່ມີຄວາມຍິນດີສະເໝີທີ່ຈະແນະນຳເພື່ອນກ່ຽວກັບເຕັກນິກການບົວລະບັດພືດ ເພື່ອເພີ່ມພູນຜົນຜະລິດ ແລະ ນຳມາເຊິ່ງລາຍຮັບທີ່ສູງ.
ນັກຂ່າວ: ໂດຍໄດ້ຮູ້ວ່າ: ບ້ານລາວໂຄ 1 ໄດ້ແຮກສ່ຽວກັບບ້ານ ນາຄ້າງ ແລະ ແກ້ວລົມ. ຮຽນທ່ານ, ກິດຈະກໍາແຮກສ່ຽວ ລະຫວ່າງສອງຝ່າຍໄດ້ຮັກສາໄວ້ຄືແນວໃດ ແລະ ນຳມາເຊິ່ງປະສິດທິຜົນໃດແດ່?
ທ່ານ ຈາງ ລາວ ມິ່ງ: ພວກຂ້າພະເຈົ້າຈັດຕັ້ງການສະຫຼຸບປະຈຳປີ ແລະ ໄດ້ຈັດຕັ້ງກອງປະຊຸມພົບປະແລກປ່ຽນສະພາບການ ແລະ ເຂົ້າຮ່ວມການລາດຕະເວນສອງຝ່າຍ, ແລກປ່ຽນບົດຮຽນປະສົບການ, ຊ່ວຍເຫຼືອເຊິ່ງກັນ ແລະ ກັນໃນການພັດທະນາເສດຖະກິດ - ສັງຄົມ, ສະໜອງວັດຖຸອຸປະກອນກະສິກຳ, ຊ່ວຍເຫຼືອເຊິ່ງກັນ ແລະ ກັນກ່ຽວກັບ ແກ່ນ, ແນວພືດ ແລະສັດລ້ຽງ. ພ້ອມກັນນັ້ນ, ພວກຂ້າພະເຈົ້າກໍ່ໄດ້ຂາຍຜະລິດຕະພັນກະເສດໃຫ້ປະຊາຊົນບ້ານໃກ້ຄຽງ, ຈັດຕັ້ງການພົບປະແລກປ່ຽນກິລາ, ວັດທະນະທຳ, ສິລະປະໃນໄລຍະບຸນປີໃຫມ່. ພວກເຮົາຊ່ວຍກັນປົກປັກຮັກສາວັດທະນະທຳພື້ນເມືອງຂອງແຕ່ລະຝ່າຍ, ພວກເຮົົາປະສານສົມທົບກັບປະຊາຊົນລາວ ແລະ ກໍາລັງປ້ອງກັນຊາຍແດນຂອງທັງສອງຝ່າຍ ໃນການລາດຕະເວນ ຊາຍແດນ 2 ຄັ້ງຕໍ່ປີ.
ຜ່ານການເຄື່ອນໄຫວພົບປະ ແລະ ແລກປ່ຽນ, ປະຊາຊົນສອງປະເທດໄດ້ມີຄວາມສາມັກຄີກັນ ແລະ ເຂົ້າໃຈເຊິ່ງກັນ ແລະ ກັນຫຼາຍກ່ວາເກົ່າ. ພ້ອມທັງໄດ້ແລກປ່ຽນຂໍ້ມູນຂ່າວສານຢ່າງທັນການ ເພື່ອແນໃສ່ກໍາແໜ້ນສະພາບຄວາມປອດໄພ ແລະ ຄວາມເປັນລະບຽບຮຽບຮ້ອຍຢູ່ຊາຍແດນສອງປະເທດ ເພື່ອແຈ້ງໃຫ້ເຈົ້າໜ້າທີ່ປ້ອງກັນຊາຍແດນ ແລະ ເຈົ້າໜ້າທີ່ທີ່ກ່ຽວຂ້ອງແກ້ໄຂຢ່າງທັນການ.
ປະຈຸບັນ, ປະຊາຊົນມີສະຕິຄວາມຮັບຮູ້ຫຼາຍກ່ຽວກັບວຽກງານປົກປັກຮັກສາເສັ້ນ ແລະ ຫຼັກໝາຍຊາຍແດນ, ບໍ່ມີປະກົດການບຸກລຸກພື້ນທີ່ການກະເສດ ຫຼື ຖິ່ນຖານອີກ. ປະຊາຊົນສອງປະເທດ ສະໝັກໃຈປະຕິບັດລະບຽບການແຮກສ່ຽວ ແລະ ລະບຽບການຊາຍແດນ ຫວຽດນາມ - ລາວ ຢ່າງເຂັ້ມງວດ, ບໍ່ຂ້າມຊາຍແດນຢ່າງຜິດກົດໝາຍ.
ຊີວິດທາງດ້ານວັດທະນະທຳຈິດໃຈຂອງປະຊາຊົນສອງປະເທດ ໄດ້ຮັບການຮັກສາຢ່າງໝັ້ນແກ່ນ ແລະ ເສີມຂະຫຍາຍໄດ້ບັນດາສີສັນວັດທະນະທຳທີ່ເປັນມູນເຊື້ອຂອງແຕ່ລະຊົນເຜົ່າ, ບັນດຮີດຄອງປະເພນີທີ່ຫຼ້າຫຼັງໄດ້ຄ່ອຍໆຖືກລົບລ້າງເທື່ອລະກ້າວ, ເຊັ່ນ ບໍ່ປະຄົນຕາຍໄວ້ຢູ່ໃນເຮືອນດົນ, ການສູ່ຂໍ ບໍ່ໃຫ້ເວົ້າດ້ວຍເງິນບີ້ເງິນຮາວ.
ປະຈຸບັນ, ບ້ານຂອງພວກຂ້າພະເຈົ້າມີປູຊະນີຍະສະຖານປະຫວັດສາດປະຕິວັດ ຫວຽດນາມ - ລາວ ໄດ້ຮັບການສ້າງ ແລະ ປະດັບປະດາຢ່າງສວຍງາມ. ປະຊາຊົນບ້ານນາຄ້າງ ແລະ ບ້ານແກ້ວລົມ ມັກມາຢ້ຽມຢາມ ແລະ ຊອກຮູ້ກ່ຽວກັບສາຍພົວພັນທາງປະຫວັດສາດອັນດີງາມ ແລະ ຄວາມສາມັກຄີແບບພິເສດລະຫວ່າງປະຊາຊົນ ຫວຽດນາມ - ລາວ.
ໃນໄລຍະຈະມາເຖິງ, ປະຊາຊົນບ້ານຂອງພວກຂ້າພະເຈົ້າ ຈະສືບຕໍ່ຮັກສາ ແລະ ເພີ່ມພູນຄູນສ້າງນ້ຳໃຈສາມັກຄີມິດຕະພາບ ກັບປະຊາຊົນບັນດາບ້ານເພື່ອນລາວທີ່ຕິດກັບຊາຍແດນ ໂດຍຜ່ານການຊ່ວຍເຫຼືອເຊິ່ງກັນ ແລະ ກັນພັດທະນາເສດຖະກິດ, ສັງຄົມ, ອະນຸລັກຮັກສາວັດທະນະທຳທີ່ເປັນມູນເຊື້ອ, ປົກປັກຮັກສາຊາຍແດນ.
ນັກຂ່າວ: ຂໍຂອບໃຈທ່ານ!
ອານຸໄຊ ສະຫວັດ
