| ຍົກສູງວິຊາສະເພາະປ້ອງກັນຊາຍແດນໃຫ້ແກ່ພະນັກງານກອງທັບປະຊາຊົນລາວ | |
| ການຝຶກອົບຮົມການບັນຊາການ - ເສນາທິການທະຫານປ້ອງກັນຊາຍແດນ, ສືບສວນຊາຍແດນ, ຄູປ້ອງກັນຊາຍແດນໃຫ້ເເກ່ກອງທັບປະຊາຊົນລາວ |
ທີ່ການພົບປະເຈລະຈາ, ສອງຝ່າຍເຫັນດີຕີລາຄາວ່າ ສະພາບການຄວາມໝັ້ນຄົງທາງດ້ານການເມືອງ, ຄວາມເປັນລະບຽບຮຽບຮ້ອຍຂອງສັງຄົມຢູ່ບັນດາແຂວງພາກຕາເວັນຕົກສ່ຽງເໜືອ (ຫວຽດນາມ) ແລະບັ ນດາແຂວງພາກເໜືອຂອງລາວ ຍັງຄົງມີບັນດາປັດໄຈທີ່ສັບສົນ ແລະ ຍາກທີ່ຈະຄາດເດົາໄດ້ຄື: ການເຄື່ອນໄຫວປາບປາມຂອງບັນດາເປົ້າໝາຍເປັນປໍລະປັກຢູ່ພາຍໃນ ແລະ ຕ່າງປະເທດ; ການເຄື່ອນໄຫວຂອງອາດຊະຍາກອນທຸກປະເພດ, ໂດຍສະເພາະແມ່ນອາດຊະຍາກໍາຊື້, ຂາຍ, ແລະ ຂົນສົ່ງຢາເສບຕິດ, ອາວຸດ ແລະ ວັດຖຸລະເບີດ; ການເຄື່ອນຍ້າຍຖິິ່ນຖານແບບເສລີ, ການເຂົ້າ-ອອກເມືອງແບບຜິດກົດໝາຍ...
 |
| ກຳລັງປ້ອງກັນຊາຍແດນ ສອງປະເທດ ຫວຽດນາມ ແລະ ລາວ ລາດຕະເວນຢູ່ເຂດຫຼັກໝາຍທີ 144 (ພາບ: ຊວນຕື/TTXVN) |
ໃນໄລຍະອັນໃກ້ໆນີ້, ສອງຝ່າຍຈະສືບຕໍ່ປະສານສົມທົບກັນ, ຜັນຂະຫຍາຍບັນດາຂໍ້ກຳນົດຂອງເອກະສານສຳຄັນກ່ຽວກັບຊາຍແດນຫວຽດນາມ - ລາວ 2 ສະບັບທີ່ໄດ້ລົງນາມໂດຍລັດຖະບານຂອງປະເທດຢ່າງເຂັ້ມງວດ; ຈັດຕັ້ງຜັນຂະຫຍາຍ ບັນດາເນື້ອໃນການຮ່ວມມືລະຫວ່າງ ກົມໃຫຍ່ປ້ອງກັນຄວາມສະຫງົບ, ກົມໃຫຍ່ຕຳຫຼວດ (ກະຊວງປ້ອງກັນຄວາມສະຫງົບຂອງລາວ) ແລະ ກອງບັນຊາການທະຫານຊາຍແດນ (ກະຊວງປ້ອງກັນປະເທດຫວຽດນາມ); ປະສານສົມທົບກັນຢ່າງແໜ້ນແຟ້ນ ເພື່ອຮັບປະກັນຄວາມສະຫງົບດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ຄວາມປອດໄພຢູ່ເຂດຊາຍແດນ; ຄຸ້ມຄອງ ແລະ ຄວບຄຸມຄົນ ແລະ ພາຫະນະເຂົ້າ-ອອກເມືອງ, ສິນຄ້ານໍາເຂົ້າ-ສົ່ງອອກຜ່ານດ່ານຊາຍແດນ, ສ້າງເງື່ອນໄຂສະດວກໃນການໄປ-ມາຢູ່ດ່ານຊາຍແດນ ແລະ ການເປີດເສັ້ນທາງນ້ອຍໄປຍັງຊາຍແດນ; ກວດພົບ, ກັກຕົວຜູ້ກະທຳຜິດກົດໝາຍ ແລະ ແກ້ໄຂຕາມລະບຽບກົດໝາຍບ້ານເມືອງທີ່ໄດ້ກຳນົດຢ່າງທັນການ.
ທັງສອງຝ່າຍ ຈະສືບຕໍ່ເປັນເສນາທິການໃຫ້ແກ່ບັນດາຄະນະພັກ, ອຳນາດການປົກຄອງທ້ອງຖິ່ນບັນດາຂັ້ນ ໃນການໂຄສະນາ, ຂົນຂວາຍປະຊາຊົນ, ຊຸກຍູ້ບັນດາການເຄື່ອນໄຫວຢູ່ດ່ານຊາຍແດນ; ເປັນເສນາທິການຢ່າງທັນການໃຫ້ແກ່ຄະນະຊີ້ນຳວຽກງານດ່ານຊາຍແດນຂອງສອງຝ່າຍ ເພື່ອເອກະພາບ ແລະ ລາຍງານຕໍ່ຂັ້ນເທິງ ປະກາດໃຊ້ແບບການແນະນຳການຂ້າມຊາຍແດນ; ເພີ່ມທະວີການແລກປ່ຽນຂໍ້ມູນຂ່າວສານ, ສົມທົບກັນຕ້ານ ແລະ ສະກັດກັ້ນບັນດາການເຄື່ອນໄຫວຂອງອິດທິກໍາລັງປໍລະປັກ ແລະ ບັນດາຜູ້ລັກລອບຄ້າຂາຍ ແລະ ຂົນສົ່ງສິ່ງເສບຕິດ, ເງິນປອມ, ອາວຸດ, ວັດຖຸລະເບີດ ເຊື້ອເພີງຂ້າມຊາຍແດນທີ່ຜິດກົດໝາຍ, ການເຂົ້າ-ອອກເມືອງທີ່ຜິດກົດໝາຍ ແລະ ການລະເມີດກົດໝາຍອື່ນໆທີ່ກ່ຽວພັນເຖິງຄວາມໝັ້ນຄົງທາງການເມືອງ, ຄວາມເປັນລະບຽບຮຽບຮ້ອຍທາງສັງຄົມຂອງສອງຟາກຊາຍແດນ.
ອານຸໄຊ ສະຫວັດ
