 |
ມະຫາວິທະຍາໄລ ເຕັກໂນໂລຊີ Massachusetts (MIT).
MIT ເຄີຍມອບທືນການສຶກສາໃຫ້ນັກຮຽນຫວຽດນາມຫຼາຍຄົນໃນປີຜ່າ່ນມາ. ໃນການຄັດເລືອກນັກຮຽນປີນີ້ ສະມາຄົມນັກຮຽນຫວຽດນາມ ທີ່ກຳລັງສຶກສາຢູ່ MIT ຈະໄດ້ຂຽນຊື່ນັກຮຽນຫຼຽນຄຳໂອລິມປິກ ຫວຽດນາມ ອີກສອງຄົນກໍ່ຄື: ນັກຮຽນເກັ່ງສາຍເຄມີ ດິງກວາງຫຽ໋ວ ແລະ ນັກຮຽນເກັ່ງສາຍຟີຊິກ ຫງວ໋ຽນເຖກວິ່ງ.
 |
ນ້ອງ ດິງກວາງຫຽ໋ວ ຫຼຽນຄຳໂອລິມປິກ ເຄມີໂລກ ປີ2016-2017.
ນ້ອງ ດິງກວາງຫຽ໋ວ ເກີດປີ 1999 ເປັນອາດີດນັກຮຽນ ພອນສະຫວັນ ສາຍເຄມີ ໂຮງຮຽນມັດທະຍົມ ວິທະຍາສາດ ທຳມະຊາດ. ນ້ອງ ຫຽ໋ວ ໄດ້ມີຜູ້ຄົນຮູ້ຢ່າງຫຼວງຫຼາຍ ແລະ ໂດ່ງດັງຍ້ອນ ລາວຍາດໄດ້ 2 ຫຼຽນຄຳ ໂອລິມປິກ ສາຂາເຄມີ ສອງປີຊ້ອນ ປີ 201-2017. ກ່ອນໜ້ານີ້ ນ້ອງ ຫຽ໋ວ ເຄີຍໄດ້ຮັບຫຼຽນຄຳ ໃນການແຂ່ງຂັນ ໂອລິມປິກ ເຄມີໂລກ ຄັ້ງທີ 49 ປີ 2017 ຈັດຢູ່ ນະຄອນປະຖົມ ປະເທດໄທ( ຈັດອັນດັບທີ 9/297ຂອງຜູ້ເຂົ້າຮ່ວມສອງເສັງທັງໝົດ) ; ໄດ້ຮັບທຶນການສຶກສາ ຮວາຈ້າງຫງວຽນ ປີ 2017; ໄດ້ຮັບຫຼຽນຄຳຈາກການແຂ່ງຂັນ ໂອລິມປິກ ເຄມີໂລກ ຄັ້ງທີ 48 ປິ 2016 ຈັດຂື້ນຢູ່ Tbisili, Georgia( ຈັດອັນດັບທີ 7/280 ຂອງຜູ້ເຂົ້າຮ່ວມສອງເສັງທັງໝົດ). ນ້ອງ ຫຽ໋ວ ໄດ້ຖືກຈັດເຂົ້າ 1ໃນ 10 ນັກຮຽນຫວຽດນາມ ທີ່ດີເດັ່ນທີ່ສຸດ ປີ 2018.
ດ້ວຍຜົນງານອັນດີເລີດດັ່ງກ່າວນັ້ນ ນ້ອງຫຽ໋ວ ໄດ້ຮັບການຄັດເລືອກໂດຍກົງ ເຂົ້າມະຫາວິທະຍາໄລ ແພດສາດ ຮ່າໂນ້ຍ ພະແນກ ແພດທົ່ວໄປ . ບໍ່ປະຄວາມຝັນຢາກໄປຮຽນຕ່າງປະເທດ ຫຽ໋ວ ສືບຕໍ່່ສົ່ງເອກກະສານປະຫວັດ ແລະ ໄດ້ຮັບການຄັດເລືອກຈາກ MIT ໃຫ້ທືນການສຶກສາມູນຄ່າ 6.4ຕື້ດົ່ງ ພາຍໃນ 4ປິ.
 |
ນ້ອງ ຫງວຽ໋ນເຖກວິ່ງ ຫຼຽນຄຳໂອລິມປິກ ສາຂາ ຟິຊິກ ປີ 2016-2017.
ນ້ອງ ຫງວຽ໋ນເຖກວິ່ງ ແມ່ນນັກຮຽນຜູ້ທີ່ສອງທີ່ໄດ້ຮັບທືນການສຶກສາຈາກ MIT ເປັນອາດີດນັກຮຽນ ຂອງໂຮງຮຽນມັດທະຍົມ ພອນສະຫວັນ ຫວໍ໋ຫງວຽນຢາບ (ແຂວງກ້ວາງບິ່ງ). ດ້ວຍຜົນງານ ສອງຫຼຽນຄຳ ໂອລິມປິກຟີຊິກ ໃນປີ 2016 ແລະ 2017, ສອງຫຼຽນເງິນ ໂອລິມປິກ ຟີຊິກ ອາຊີ (ປີ 2016-2017).
ກ່ອນໜ້ານັ້ນ ກວິ່ງ ເຄີຍໄດ້ຮັບລາງວັນ ຮອງອັນດັບ 1 ວິຊາ ຄະນິດສາດ ແລະ ຮອງອັນດັບ2 ວິຊາ ຟີຊິກ ປີທີ່ຮຽນຫ້ອງ ມໍ3 ໃນການສອບເສັງຂັ້ນນະຄອນ. ເມື່ອເສັງເຂົ້າໂຮງຮຽນມັດທະຍົມປາຍ ພອນສະຫວັນ ຫວໍ໋ຫງຽນຢາບ ນ້ອງ ກວິ່ງ ກໍ່ເສັງເຂົ້າໄດ້ ພອນສະຫວັຍ ຂະແໜງ ປີຊິກ ແລະ ຄະນິດສາດ.
ພໍເສັງຈົບ ມໍ 6 ນ້ອງ ກວິ່ງ ໄດ້ຮັບການຄັດເລືອກໃຫ້ເຂົ້າຮ່ວມ ການສອບເສັງ ໂອລິມປິກ ຟິກຊິກ ໂລກ ຢູ່ ສະວິດສະແລນ ແລະ ກາຍເປັນນັກຮຽນທີ່ອາຍຸນ້ອຍທີ່ສຸດ ໃນຜູ້ເຂົ້າຮ່ວມສອບເສັງ ຈຳນວນ 5ຄົນ ຂອງທີມຫວຽດນາມ. ຜົນຂອງການແຂ່ງຂັນແມ່ນ ລາວໄດ້ຄະແນນ 40,8/50 ຄະແນນ ແລະ ຍາດໄດ້ຫຼຽນຄຳ. ນີ້ແມ່ນ 1 ໃນ 2 ຫຼຽນຄຳອັນມີຄ່າຂອງທີມຊາດຫວຽດນາມ ໃນປີ 2016.
ສິ່ງສຳຄັນແມ່ນ ຄອບຄົວຂອງ ນ້ອງກວິ່ງ ເປັນຄອບຄົວພິເສດ. ລາວເປັນລູກກຳ່ພ້າພໍ່ມາແຕ່ນ້ອຍ ແມ່ເຮັດວຽກຄ້າຂາຍ ຢູ່ຕະຫຼາດ ໂກ້ນ, ເມືອງດົ່ງເຫີ໋ຍ ແຂວງກວ້າງບິ່ງ. ເຂົ້າໃຈຄວາມທຸກຍາກລຳບາກຂອງແມ່ ຕັ້ງແຕ່ນ້ອຍ ກວິ່ງ ຕັ້ງໃຈຮຳ່ຮຽນ ແລະ ວາງແຜນການຮຳ່ຮຽນຂອງຕົນ.
ຂໍສະແດງຄວາມຍິນດີກັບນ້ອງນັກຮຽນທັງສອງ ຂໍອວຍພອນໃຫ້ນ້ອງທັງສອງປະສົບຜົນສຳເລັດ, ມີການຮຽນດີ ແລະ ມີຜົນປະໂຫຍດແກ່ຕົນ ໃນການສຶກສາຢູ່ທີ່ MIT. ຫວັງເປັນຢ່າງຍິ່ງວ່າ ພາຍຫຼັງ ສຳເລັດການສຶກສາ ແລະ ຄົ້ນຄວ້າ ຢູ່ MIT ນ້ອງທັງສອງຈະກັບຕ່າວຄືນມາສ້າງສາປະເທດຊາດ ໃຊ້ຄວາມຮູ້ຄວາມສາມາດຂອງຕົນອຸທິດໃຫ້ແກ່ບ້ານເກີດເມືອງນອນ ໃຫ້ນັບມື້ນັບເຂັ້ມແຂງ ແລະ ຈະເລີນຮຸ່ງເຮືອງ.
（ຫັດທະບູນ）
