ຄຳ່ຄືນຂອງການປະກວດນາງງາມ ທູດທ່ອງທ່ຽວໂລກ 2018 ຮອບສຸດທ້າຍ ເປັນການປະຊັນກັນນາງງາມ ຈຳນວນ 50 ສາວງາມ ມາຈາກທົ່ວໂລກ ເຊິ່ງຫາກໍ່ດຳເນີນໄປໃນຄຳ່ຄືນຂອງວັນທີ 8 ສິງຫາ ຢູ່ ປະເທດໄທ.
ເອົາຊະນະຜູ້ເຂົ້າປະກວດອື່ນທີ່ມີຄວາມງາມ ແລະ ມີຄວາມສາມາດຫຼາຍຄົນ ຕົວແທນຂອງຫວຽດນາມ ນາງ ຟານທິເມີ ໄດ້ຮັບລາງວັນອັນຊົງກຽດສູງສຸດ ຂອງການປະກວດ ກາຍເປັນນາງງາມ ທູດທ່ອງທ່ຽວໂລກ 2018- World Miss Tourism Ambassador 2018.
 |
ນາງງາມຫວຽດນາມ ຟານທິເມີ ຊະນະເລີດການປະກວດ ຖ່າຍຮູບຮ່ວມກັບນາງງາມ ຊິລີ (ຊ້າຍ) ແລະ ຮົ່ງກົງ.
ຟານທິເມີ ເກີດປີ 1990, ບ້ານເກີດ ຕ່ຽນຢາງ. ໂດຍລາວມີ ຄວາມສູງ 1ມ72, ໜັກ 46 ກິໂລກຣາມ ແລະ ສັດສ່ວນ 90-57-100. ໃນຜູ້ເຂົ້າປະກວດ 50 ຄົນຂອງປີນີ້, ຕ່າງໜ້າຂອງ ຫວຽດນາມ ຈັດຢູ່ໃນ 1 ໃນ 18 ນາງງາມທີ່ງາມທີ່ສຸດ (Best Body), ພ້ອມກັນນັ້ນລາວຍັງໄດ້ຮັບລາງວັນຊົມເຊີຍອີກຄື: "ຊຸດປະກວດ ໂຄສະນາການທ່ອງທ່ຽວງາມທີ່ສຸດ" ຈາກການໃຫ້ຄະແນນ ຈາກຄະນະກຳມະການ ແລະ ຜູ້ຊົມທີ່ຕິດຕາມເສັ້ນທາງການປະກວດ.
ມວນມະຫາຊົນຮູ້ ນາງ ຟານທິເມີ ຈາກການເຂົ້າຮ່ວມປະກວດ ນາງງາມຫວຽດນາມ ປີ 2012 ແລະ ເຂົ້າຮອບ 5 ຄົນສຸດທ້າຍ. ລາວເປັນນາງງາມທີ່ໄດ້ຮັບການຕີລາຄາສູງຈາກຄະນະກຳມະການ ການປະກວດ ຮອບຕອບຄຳຖາມ.
ໃນການຕອບຄຳຖາມ ່ນາງງາມທັງໝົດຈະຕອບຄຳຖາມອັນດຽວກັນ: " ໃນຊີວິດຂອງນ້ອງ ນ້ອງຢ້ານກົວສິ່ງໃດຫຼາຍທີ່ສຸດ? ". ຟານທິເມິ ຕອບຄຳຖາມເປັນພາສາອັງກິດ: " ສິ່ງທີ່ສຳຄັນທີ່ສຸດຂອງຊີວິດ ແມ່ນ ສຸຂະພາບ. ຍ້ອນແນວນັ້ນ ສິ່ງທີ່ຂ້ອຍຢ້ານກົວທີ່ສຸດຂອງຂ້ອຍແມ່ນ ການເຈັບປ່ວຍ. ພວກເຮົາບໍ່ມີໃຜຮູ້ວ່າ ການເຈັບປ່ວຍ-ໂລກໄພ ຈະມາຫາເຮົາຕອນໃດ, ກັບການສູນເສຍຄົນທີ່ຮັກ, ມັນສະກັດກັ້ນບໍ່ເຮົາແລ່ນຕາມຄວາມຝັນຂອງຕົນເອງໄດ້. ທຸກໆມື້ພວກເຮົາຄວນລະມັດລະວັງ ແລະ ຮັກສາສຸຂະພາບ ຂອງຕົນ ແລະ ຄົນທີ່ເຮົາຮັກ ເພື່ອສ້າງພື້ນຖານໃນການປະຕິບັດຄວາມຝັນທີ່ເຮົາມັກ".
 |
ນາງ ຟານທິເມີ ໃນຊຸດລອຍນຳ້.
ພາຍຫຼັງທີ່ໄດ້ຮັບລາງວັນອັນຊົງກຽດ ນາງ ຟາງທິເມີ ໄດ້ໃຫ້ສຳພາດວ່າ: ດຽວນີ້ລາວຍັງຮູ້ສຶກດີໃຈກັບຄວາມສຸກອັນຍິ່ງໃຫຍ່ຢູ່, ຊ່ວງເວລາທີ່ລາວໄດ້ຍິນສຽງຜູ້ປະກາດ ເອີ້ນຊື່ລາວ ຄວາມຮູ້ສຶກຕອນນັ້ນ ຄວາມຕື້ນຕັນ ແລະ ຄວາມດີໃຈມີຄວາມສຸກ, ຄວາມຮູ້ສຶກຕ່າງໆມັນປະປົນກັນໄປ ຍ້ອນວ່າສຸດທ້າຍຄວາມມານະພະຍາຍາມຂອງຕົນກໍ່ປະສົບຜົນສຳເລັດ.
ບັນດານາງງາມທີ່ຢູ່ໃນ ທ໋ອບ 6 ມີ: ນາງງາມ ຊີລີ, ຮົ່ງກົງ, ໄທ, ໂບລິເວຍ, ມົງໂກ. ລາງວັນຊຸດປະຈຳຊາດງາມທີ່ສຸດເປັນຂອງ ນາງງາມ ມາເລເຊຍ. ລາງວັນນາງງາມມີຄວາມສາມາດ ເປັນຂອງນາງງາມ ຢູເຄຣນ. ລາງວັນນາງງາມໃນຊຸດ ລອຍນຳ້ ແມ່ນເປັນຂອງນາງງາມ ໄທ.
່ການປະກວດນາງງາມ ທູດທ່ອງທ່ຽວໂລກ ເປັນການປະກວດເລີ່ມມາແຕ່ປີ 2017. ປີນີ້ ການປະກວດດຳເນີນໄປໃນໄລຍະເວລາ 15 ວັນ ຢູ່ຫວຽດນາມ ແລະ ໄທ.ປີກ່ອນ ຕ່າງໜ້າຂອງຫວຽດນາມ ນາງງາມ ລຽນເຟືອງ ໄດ້ຮັບລາງວັນ ຮອງອັນດັບ 1 ຢູ່ ຟີລິປິນ.
（ຫັດທະບູນ）
