ການລົງນາມແຮກສ່ຽວລະຫວ່າງ 3 ຫົວໜ່ວຍ ແມ່ນເພື່ອແນໃສ່ປະຕິບັດເນື້ອໃນຂອງບົດບັນທຶກຊ່ວຍຈຳການພົບປະເຈລະຈາ ຄັ້ງທີ 14 ລະຫວ່າງ ກອງບັນຊາການທະຫານປ້ອງກັນຊາຍແດນແຂວງ ດ້ຽນບຽນ ຫວຽດນາມ ແລະ ກອງບັນຊາການທະຫານແຂວງຫຼວງພະບາງ ສປປ ລາວ ເຊິ່ງໄດ້ລົງນາມໃນວັນທີ 24 ພະຈິກ 2022, ຜ່ານນັ້ນ ກໍ່ຜັນຂະຫຍາຍແນວທາງການຕ່າງປະເທດຂອງພັກ, ລັດ, ກອງທັບ ແລະ ແຂວງ ດ້ຽນບຽນ ຢ່າງເລິກເຊິ່ງ, ກວ້າງຂວາງ ແລະ ເປັນອັນລະອຽດ, ກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ການຮ່ວມມື ແລະ ພັດທະນາ, ປະກອບສ່ວນເພີ່ມທະວີນ້ຳໃຈສາມັກຄີ, ມິດຕະພາບ, ຕິດພັນກັນ, ໄວ້ເນື້ອເຊື່ອໃຈ, ຄວາມເຂົ້າໃຈເຊິ່ງກັນ ແລະ ກັນ ແລະ ສົມທົບກັນແກ້ໄຂບັນດາບັນຫາທີ່ກ່ຽວຂ້ອງເຖິງສອງເສັ້ນຊາຍແດນລະຫວ່າງບັນດາຄ້າຍທະຫານປ້ອງກັນຊາຍແດນຊາຍແດນ ຫວຽດນາມ - ລາວ ຂອງທະຫານປ້ອງກັນຊາຍແດນແຂວງ ດ້ຽນບຽນ ກັບບັນດາຫົວໜ່ວຍເຮັດໜ້າທີ່ປ້ອງກັນຊາຍແດນຂອງ 2 ແຂວງຫຼວງພະບາງ ແລະ ຜົ້ງສາລີ (ລາວ).
 |
| ມອບບົດບັນທຶກລົງນາມແຮກສ່ຽວລະຫວ່າງປ້ອມປ້ອງກັນຊາຍແດນເມືອງຍາ ແລະ ກອງຮ້ອຍປ້ອງກັນຊາຍແດນ 163, ລາວ |
ໃນພິທີ, ຕົວແທນຜູ້ບັນຊາການທັງ 3 ຫົວໜ່ວຍ ໄດ້ເຫັນດີເປັນເອກະສັນກັນລົງນາມໃນບົດບັນທຶກຊ່ວຍຈຳ ໃນບາງເນື້ອໃນທີ່ຕ້ອງໄດ້ສຸມໃສ່ ແລະ ສົມທົບກັນເຮັດວຽກໃຫ້ເປັນຢ່າງດີບັນດາໜ້າຮ່ວມງານຄື: 2 ຝ່າຍຮັກສາການປະຕິບັດສັນຍາວ່າດ້ວຍລະບຽບການດ່ານຊາຍແດນ, ຊາຍແດນດິນຕໍ່ແຜ່ນ ແລະ ດ່ານຊາຍແດນຫວຽດນາມ - ລາວ ຢ່າງເຂັ້ມງວດ; ປະສານສົມທົບກັນຕໍ່ສູ້ກັບບັນດາອາດຊະຍາກຳຄື ການຄ້າຂາຍອາວຸດ, ວັດຖຸລະເບີດ, ການຄ້າຂາຍຢາເສບຕິດຂ້າມຊາຍແດນ, ການເຂົ້າ - ອອກເມືອງຢ່າງຜິດກົດໝາຍ, ປູກໄມ້ຝິ່ນແບບຜິດກົດໝາຍ, ການເຄື່ອນຍ້າຍຖິ່ນຖານແບບເສລີ, ການຂ້າມຊາຍແດນລ່າສັດ, ການຂຸດຄົ້ນເຄື່ອງປ່າ ຂອງດົງແບບຜິດກົດໝາຍ, ການປູກຝັງ ແລະ ການລ້ຽງປ່ອຍສັດຂ້າມຊາຍແດນ ແລະ ອື່ນໆ ຢ່າງມີປະສິດທິຜົນ.
 |
| ປ້ອມປ້ອງກັນຊາຍແດນຫ້ວຍປວກ ເເລະ ກອງຮ້ອຍປ້ອງກັນຊາຍແດນ 163 ລົງນາມບົດບັນທຶກແຮກສ່ຽວລະຫວ່າງສອງຫົວຫນ່ວຍ. |
ພ້ອມກັນນັ້ນ, ກໍ່ຮັກສາການພົບປະແລກປ່ຽນຂໍ້ມູນຂ່າວສານກ່ຽວກັບສະພາບການຄຸ້ມຄອງ ແລະ ປົກປັກຮັກສາເຂດຊາຍແດນຢ່າງເປັນປະຈຳ. ຊ່ວຍເຫຼືອເຊິ່ງກັນ ແລະ ກັນໃນການປ້ອງກັນ ແລະ ຄວບຄຸມໄພທຳມະຊາດ, ໄຟໄໝ້ປ ແລະ ການລະເບີດ, ໄຟປ່າ, ໄພນ້ຳຖ້ວມ ແລະ ການຊອກຫາຊ່ວຍເຫຼືອກູ້ໄພ; ຍາມໃດກໍ່ສາມັກຄີ, ໜູນຊ່ວຍເຊຶ່ງກັນແລະກັນ ໃນການປະຕິບັດໜ້າທີ່ປົກປັກຮັກສາອະທິປະໄຕຄວາມໝັ້ນຄົງເຂດຊາຍແດນ ເພື່ອຈຸດປະສົງກໍ່ສ້າງເຂດຊາຍແດນສັນຕິພາບ, ມິດຕະພາບ, ການຮ່ວມມື ແລະ ພັດທະນາ.
ດີງເລື້ອງ
