ຕອນບ່າຍວັນທີ 21 ມິຖຸນາ, ຢູ່ເມືອງ ເກິມເຊີນ, ກອງບັນຊາການທະຫານປ້ອງກັນຊາຍແດນ ຮ່າຕິ້ງ, ກອງບັນຊາການທະຫານປ້ອງກັນຊາຍແດນ ກວາງບິ່ງ (ຫວຽດນາມ) ໄດ້ຈັດຕັ້ງພົບປະເຈລະຈາກັບກອງບັນຊາການທະຫານ ແຂວງ ຄຳມ່ວນ (ສປປ ລາວ).
 |
ທ່ານພັນເອກ ບຸ່ຍຮົ່ງແທງ, ຫົວໜ້າກອງບັນຊາການທະຫານປ້ອງກັນຊາຍແດນ ຮ່າຕິ້ງ ກ່າວຄຳປາໄສທີ່ພົບປະເຈລະຈາ. |
ໂດຍປະຕິບັດຕາມຂໍ້ຕົກລົງຮ່ວມມືປ້ອງກັນຊາຍແດນ ແລະ ບົດບັນທຶກພົບປະເຈລະຈາ, ກອງບັນຊາການ ທະຫານປ້ອງກັນຊາຍແດນ ຮ່າຕິ້ງ, ກວາງບິ່ງ (ຫວຽດນາມ) ເເລະ ກອງບັນຊາການທະຫານ ແຂວງ ຄຳມ່ວນ (ລາວ) ໄດ້ຕັ້ງໜ້າໂຄສະນາຂົນຂວາຍປະຊາຊົນປະຕິບັດອານຸສັນຍາກ່ຽວກັບເສັ້ນທາງຊາຍແດນ ແລະ ຫຼັກໝາຍຊາຍແດນ ຫວຽດນາມ - ລາວ, ສັນຍາກ່ຽວກັບລະບຽບການຄຸ້ມຄອງຊາຍແດນ ແລະ ດ່ານຊາຍແດນ ຫວຽດນາມ - ລາວ.
 |
ທ່ານພັນເອກ ຈິ້ງເເທງບິ່ງ, ຫົວໜ້າກອງບັນຊາການທະຫານປ້ອງກັນຊາຍແດນ ກວາງບິ່ງ ກ່າວຄຳປາໄສທີ່ພົບປະເຈລະຈາ. |
ໂດຍສົມທົບແລກປ່ຽນຂ່າວສານ, ລາດຕະເວນກວດການ , ປົກປັກຮັກສາລະບົບເສັ້ນທາງຊາຍແດນ, ຫຼັກໝາຍຊາຍແດນ, ຮັບປະກັນຄວາມໝັ້ນຄົງດ້ານການເມືອງ - ຄວາມເປັນລະບຽບຮຽບຮ້ອຍສັງຄົມຢ່າງເປັນປະຈຳ, ຄຸ້ມຄອງ ແລະ ປົກປັກຮັກສາອະທິປະໄຕ ຄວາມໝັ້ນຄົງຊາຍແດນຂອງສອງຝ່າຍຢ່ງໝັ້ນແກ່ນ.
ບັນດາປ້ອມທະຫານປ້ອງກັນຊາຍແດນຂອງ ເເຂວງຮ່າຕິ້ງ, ກວາງບິ່ງ ໄດ້ສົມທົບກັບກອງຮ້ອຍປ້ອງກັນຊາຍແດນກອງບັນຊາການທະຫານ ແຂວງ ຄຳມ່ວນ ລາດຕະເວນກວດການສອງຝ່າຍ; ໜູນຊ່ວຍຢາປິ່ນປົວພະຍາດ, ສະບຽງອາຫານໃຫ້ກອງຮ້ອຍ ແລະ ປະຊາຊົນເຂດບ້ານໃກ້ຄຽງ; ສ້າງເງື່ອນໄຂສະດວກໃຫ້ປະຊາຊົນໄປຢາມພີ່ນ້ອງ, ແລກປ່ຽນ, ຊື້ - ຂາຍສິນຄ້າ, ກວດ ແລະ ປິ່ນປົວພະຍາດ...
 |
ທ່ານພັນໂທ ບຸນເລີດ ບຸບຜາວັນ, ຫົວໜ້າກອງບັນຊາການທະຫານ ແຂວງ ຄຳມ່ວນ ກ່າວຄຳປາໄສທີ່ພົບປະເຈລະຈາ. |
ທີ່ພົບປະເຈລະຈາ, ກອງບັນຊາການທະຫານປ້ອງກັນຊາຍແດນ ຮ່າຕິ້ງ, ກອງບັນຊາການທະຫານປ້ອງກັນຊາຍແດນ ກວາງບິ່ງ ເເລະ ກອງບັນຊາການທະຫານ ແຂວງ ຄຳມ່ວນ ໄດ້ເປັນເອກະພາບເຊັນຫຼາຍເນື້ອໃນເຄື່ອນໄຫວທີ່ສຳຄັນ. ໃນນັ້ນ, ເນັ້ນໜັກວ່າຈະສືບຕໍ່ປະຕິບັດ "ຂໍ້ຕົກລົງຮ່ວມມືຊາຍແດນ" ລະຫວ່າງກອງບັນຊາການທະຫານປ້ອງກັນຊາຍແດນ, ກະຊວງປ້ອງກັນປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ແລະ ກົມທະຫານຊາຍແດນ, ກົມໃຫຍ່ເສນາທິການກອງທັບປະຊາຊົນລາວຢ່າງເຂັ້ມງວດ ແລະ ມີປະສິດທິຜົນ; ປະຕິບັດບັນດາເອກະສານນິຕິກຳກ່ຽວກັບຊາຍແດນ ຫວຽດນາມ - ລາວຢ່າງເຂັ້ມງວດ; ຊຸກຍູ້ການງານໂຄສະນາ, ສຶກສາ, ຍົກສູງຄວາມຮັບຮູ້ ແລະ ການປະຕິບັດກົດໝາຍໃຫ້ປະຊາຊົນສອງຝ່າຍຊາຍແດນ.
ເພີ່ມທະວີການແລກປ່ຽນຂໍ້ມູນຂ່າວສານ ແລະ ສະພາບການກ່ຽວກັບອາດຊະຍາກຳປ້ອງກັນຄວາມສະຫງົບແຫ່ງຊາດ, ສົມທົບກັນຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ ແລະ ຄວາມປອດໄພຢູ່ເຂດຊາຍແດນ; ການລາດຕະເວນສອງຝ່າຍເພື່ອປົກປັກຮັກສາລະບົບເສັ້ນຊາຍແດນ ແລະ ສະຖານທີ່ສໍາຄັນຂອງຊາດ.
ຕັ້ງໜ້າພົບປະ, ແລກປ່ຽນບົດຮຽນໃນວຽກງານຄຸ້ມຄອງ ແລະ ປົກປັກຮັກສາຊາຍແດນ, ວຽກງານພັກ ແລະ ວຽກງານການເມືອງ; ຊຸກຍູ້ການພົບປະແລກປ່ຽນ ແລະ ແຮກສ່ຽວລະຫວ່າງບັນດາຫົວໜ່ວຍຮາກຖານ ເພື່ອແນໃສ່ເພີ່ມທະວີການພົວພັນມິດຕະພາບ ແລະ ການຮ່ວມມືລະຫວ່າງ 2 ຝ່າຍ. ປະສານສົມທົບກັນໃນວຽກງານກູ້ໄພກູ້ຊີບ, ຮັບມືໄພທຳມະຊາດ ແລະ ໂລກລະບາດ, ແກ້ໄຂບັນຫາມົນລະພິດສິ່ງແວດລ້ອມທີ່ເກີດຂຶ້ນຢູ່ເຂດຊາຍແດນ.
 |
ບັນດາກົມກອງລົງນາມ, ມອບບົດບັນທຶກຊ່ວຍຈຳໃນພົບປະເຈລະຈາ. |
ເປັນເສນາທິການໃຫ້ຄະນະພັກ, ອຳນາດການປົກຄອງທ້ອງຖິ່ນບັນດາຂັ້ນຂອງສອງປະເທດໃນກາານຮັກສາ ເເລະ ສືບຕໍ່ຈັດຕັ້ງພິທີລົງນາມແຮກສ່ຽວ ລະຫວ່າງບ້ານ - ບ້ານ, ຄຸ້ມພົນລະເມືອງ 2 ຟາກຊາຍແດນ , ປະກອບສ່ວນຮັດແໜ້ນຄວາມສາມັກຄີມິດຕະພາບພິເສດລະຫວ່າງ ຫວຽດນາມ - ລາວ ຍິ່ງກວ່າອີກ, ສ້າງເສັ້ນຊາຍແດນແຫ່ງສັນຕິພາບ, ສະຖຽນລະພາບ, ຮ່ວມມື ແລະ ນັບມື້ນັບມີການພັດທະນາ.
ກ່ອນໜ້ານີ້, ຄະນະຜູ້ແທນກອງບັນຊາການທະຫານແຂວງ ຄຳມ່ວນ (ລາວ) ໄດ້ໄປຢ້ຽມຢາມ ແລະ ຖະຫວາຍທູບທຽນຢູ່ເຂດອະນຸສອນ ສາມແຍກ ດົງລົກ.
ດີງເລື້ອງ
