 |
ລາຍການສິນລະປະເປີດພິທີບຸນທ່ອງທ່ຽວ ຝູອຽນ.(ພາບ: ສຳນັກຂ່າວຫວຽດນາມ)
ງານບຸນທ່ອງທ່ຽວ ຝູອຽນ ປີ 2018 ເປັນຄັ້ງທຳອິດ ທີ່ຈັດຕັ້ງຂື້ນດ້ວຍການເຄື່ອນໄຫວຄື: ລາຍການ-ສົ່ງເສີມ ການໂຄສະນາສະຖານທີ່ທ່ອງທ່ຽວ, ງານບຸນ ວຽກງານທ່ອງທ່ຽວ, ແລກປ່ຽນວັດທະນະທຳ ດ້ານອາຫານ, ງານວາງສະແດງ ຮູບພາບ ສິລະປະ ທ່ອງທ່ຽວ, ລາຍການ ສິນລະປະສະແດງໃນທຸກໆຄືນ…. ງານບຸນດັ່ງກ່າວຈະແກ່ຍາວໄປຈົນເຖິງ ວັນທີ 9 ກໍລະກົດ.
 |
ການຕັດແຖບຜ້າເປີດງານບຸນຢ່າງເປັນທາງການ.(ພາບ: ສະນັກຂ່າວຫວຽດນາມ)
ທ່ານ ໂຮ່ວັນຕ໋ຽນ ຫົວໜ້າພະແນກ ວັດທະນະທຳ, ກິລາ ແລະ ທ່ອງທ່ຽວ ຝູອຽນ ໄດ້ໃຫ້ຮູ້ວ່າ: ໃນງານບຸນທ່ອງທ່ຽວຄັ້ງນີ້ຈະມີການເຂົ້າຮ່ວມຂອງຫົວໜ່ວຍທຸລະກິດ ປະມານ 51 ຫົວໜ່ວຍ, ທັງພາຍໃນແລະຕ່າງແຂວງ ນຳເອົາ ຫ້າງຮ້ານມາວາງສະແດງຂາຍ ປະມານ 71 ຮ້ານ. ບັນດາກິດຈະກຳໃນງານບຸນທ່ອງທ່ຽວ ຈະສ້າງເງື່ອນໄຂສະດວກໃຫ້ນັກທຸລະກິດທ່ອງທ່ຽວພາຍໃນ ຊອກໂອກາດ ຮ່ວມມືທາງດ້ານທຸລະກິດ, ພັດທະນາຕະກຫຼາດ, ໂຄສະນາແບຼນ ພາບລັກ ຂອງຕົນຢ່າງມີປະສິດທິຜົນ, ຍົກສູງຄຸນນະພາບຂອງຜລິດຕະພັນ, ຄວາມສາມາດ ສະໜອງຂອງບັນສິນຄ້າ, ອາຫານ, ທ່ອງທ່ຽວ … ຈາກນັ້ນ ປະສວນໃນການຊຸກຍູ້ຂະແໜງທ່ອງທ່ຽວ ຝູອຽນ ໃຫ້ນັບມື້ນັບພັດທະນາ ຕາມທິດທາງຍືນຍົງ.
 |
ຮ້ານຂາຍອາຫານທີ່ງານບຸນທ່ອງທ່ຽວ.( ພາບ: ສຳນັກຂ່າວຫວຽດນາມ)
ໃນ 6 ເດືອນຕົ້ນປີ, ແຂກທ່ອງທ່ຽວມາທ່ຽວແຂວງ ຝູອຽນ ບັນລຸໄດ້ 797.500 ເທື່ອຄົນ, ເພີ່ມຂື້ນ 15,7% ຖ້າທຽບໃສໄລຍະດຽວກັນຂອງປີກ່ອນ, ໃນນັ້ນມີນັກທ່ອງທ່ຽວຕ່າງປະເທດ 20.455 ເທື່ອຄົນ, ເພີ່ມຂື້ນ 24%. ລາຍຮັບຈາກວຽກງານການທ່ອງທ່ຽວ ບັນລຸໄດ້ 698 ຕື້ດົ່ງ, ເພີ່ມຂື້ນ 6,4% ທຽບໃສໄລຍະດຽວກັນ. ແຂວງ ຝູອຽນ ມີ 146ຫົວໜ່ວຍທຸລະກິດທີ່ດຳເນີນທຸລະກິດ ທ່ອງທ່ຽວ ໂຮງແຮມ-ບ້ານພັກ , ມີເຖິງ 3.019 ຫ້ອງ, ໃນນັ້ນມີ ເຖິງ 500 ຫ້ອງໄດ້ມາດຕະຖານ 3-5 ດາວ.
（ຫັດທະບູນ）
