| ມີນັກສຶກສານິວຊີແລນ 50 ກວ່າຄົນເລືອກເອົາຫວຽດນາມເພື່ອຝຶກງານ | |
| ຄ້າຍພັກແລ້ງ ຫວຽດນາມ ປີ 2022 ຢູ່ກ໋ວາງນາມ: ເຊື່ອມຕໍ່ຊາວຫວຽດນາມ ອາໄສຢູ່ຕ່າງປະເທດ ກັບບ້ານເກີດເມືອງນອນ |
ທ່ານ ຄຳພັນ ຄຳອ່ອນ, ທີ່ປຶກສາຝ່າຍສຶກສາ-ສັດທະນະທຳ, ສະຖານເອກອັກຄະລັດຖະທູດ ສປປ ລາວ ປະຈຳ ຫວຽດນາມ ໃຫ້ຮູ້ວ່າ: ມີ ນັກສຶກສາລາວ 2.151 ຄົນທີ່ຮຽນຈົບ ແລະ ກັບຄືນປະເທດ, ສະເພາະພາກເໜືອ ຫວຽດນາມ ມີ 1.166 ຄົນ (ໃນນັ້ນມີປະລິນຍາເອກ 29 ຄົນ, ປະລິນຍາໂທ 286 ຄົນ, ປະລິນຍາຕີ 659 ຄົນ), ພາກກາງ 967 ຄົນ ແລະ ພາກໃຕ້ 18 ຄົນ.
ນອກຈາກນັ້ນ, ໃນປີ 2022, ມີນັກສຶກສາລາວ 200 ຄົນໄດ້ຮັບທຶນການສຶກສາຈາກສະມາຄົມສົ່ງເສີມການຮຽນ ຫວຽດນາມ, ດັ່ງນັ້ນ ເຂົາເຈົ້າຈິ່ງມີຄວາມອຸ່ນອ່ຽນໃຈໃນການຮຽນ-ການຝືກອົບຮົມ, ພະຍາຍາມຜ່ານຜ່າຄວາມຫຍຸ້ງຍາກ ແລະ ອຸປະສັກຕ່າງໆ. ໃນ 2 ສົກຮຽນຜ່ານມາ ມີນັກຮຽນລະດັບເກັ່ງ 143 ຄົນ, ນັກຮຽນລະດັບດີ 224 ຄົນ, ໄດ້ຮັບໃບຍ້ອງຍໍຈາກສະຖານທູດລາວ, ນັກສຶກສາຍິງ 1 ຄົນ ຄ້ວາໄດ້ລາງວັນທີ 1 ໃນການສອບເສັງ Olympic ຟີຊິກສາດທົ່ວປະເທດ ຄັ້ງທີ 14 ໃນປີ 2022 ແລະ ໄດ້ຮັບໃບຍ້ອງຍໍຈາກຄະນະຈັດຕັ້ງການແຂ່ງຂັນ.
 |
| ສະຖານເອກອັກຄະລັດຖະທູດ ສປປ.ລາວ ປະຈຳ ຫວຽດນາມ ໄດ້ສົມທົບກັບມະຫາວິທະຍາໄລ ວິງ ຈັດຕັ້ງກອງປະຊຸມສະຫຼຸບການຄຸ້ມຄອງນັກສຶກສາລາວ ປີ 2020 – 2021, 2021 – 2022 ແລະ ແຜນການປີ 2023 (ພາບ: ມະຫາວິທະຍາໄລວິງ) |
ນັກສຶກສາລາວສ່ວນໃຫຍ່ທີ່ຮຽນຢູ່ຫວຽດນາມ ມາໃນທຶນລັດຖະບານລ້ວນແຕ່ມີຜົນງານທີ່ດີ, ເຖິງຢ່າງໃດກໍຕາມ, ນັກສຶກສານອກທຶນລັດຖະບານ ແລະ ທຶນສ່ວນຕົວ, ເຖິງວ່າໄດ້ຮັບການປັບປຸງໃນຫຼາຍດ້ານ ແຕ່ໂດຍທົ່ວໄປແລ້ວຍັງມີຄວາມຫຍຸ້ງຍາກໃນການແກ້ໄຂ. ທ່ານ ຄຳພັນ ຄຳອ່ອນ ໃຫ້ຮູ້ວ່າ: ນັບແຕ່ປີ 2021 ຫາ 2022, ມີນັກສຶກສາທັງໝົດ 214 ຄົນຂໍຕໍ່ເວລາຮຽນ, ໃນນັ້ນ ນັກສຶກສາລະດັບປະລິນຍາເອກ 13 ຄົນ, ນັກສຶກສາປະລິນຍາໂທ 121 ຄົນ, ປະລິນຍາຕີ 80 ຄົນ, ຂໍໂຈະການຮຽນ 30 ຄົນ.
ສົກຮຽນ 2022 – 2023 ແມ່ນປີທີ 3 ຂອງການຈັດຕັ້ງປະຕິບັດໂຄງການ “ຍົກສູງຄຸນນະພາບ ແລະ ປະສິດທິຜົນການຮ່ວມມື ຫວຽດນາມ - ລາວ ໃນຂົງເຂດການສຶກສາ ແລະ ພັດທະນາຊັບພະຍາກອນມະນຸດ ໄລຍະ 2021 – 2030”, ສະຖານເອກອັກຄະລັດຖະທູດ ສປປ ລາວ ປະຈຳ ຫວຽດນາມ ໄດ້ຢັ້ງຢືນສືບຕໍ່ສົມທົບກັບກະຊວງສຶກສາທິການ ແລະ ກິລາລາວ, ກະຊວງສຶກສາ ແລະ ບຳລຸງສ້າງຫວຽດນາມ ແລະ ບັນດາກະຊວງ, ຂະແໜງການທີ່ກ່ຽວຂ້ອງ ເພື່ອຜັນຂະຫຍາຍໂຄງການເປັນຢ່າງດີ, ສົມທົບກັບໂຮງຮຽນກວດກາ ແລະ ຊຸກຍູ້ສະພາບການຮ່ຳຮຽນ, ສະພາບການດຳລົງຊີວິດຂອງນັກສຶກສາລາວ ແລະ ແກ້ໄຂບັນຫາທີ່ເກີດຂຶ້ນຢ່າງທັນການ; ໄປຄຽງຄູ່ກັນນັ້ນ, ກໍ່ສືບຕໍ່ຝຶກຝົນນັກສຶກສາລາວ ໃຫ້ມີສະຕິຕໍ່ລະບຽບວິໄນຢ່າງຈິງຈັງ ແລະ ຕ້ານປະກົດການຫຍໍ້ທໍ້ໃນການຮ່ຳຮຽນ ແລະ ການດຳລົງຊີວິດ.
ທ່ານ ແສງເພັດ ຮຸ່ງບຸນເຍືອງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ຫວຽດນາມ ແບ່ງປັນວ່າ: ເຖິງວ່າວຽກງານບຳລຸງສ້າງຊັບພະຍາກອນມະນຸດຈະໜັກໜ່ວງຫຼາຍກໍ່ຕາມ, ແຕ່ດ້ວຍປະສົບການ ແລະ ຄວາມສຸດຈິດສຸດໃຈຂອງບັນດາມະຫາວິທະຍາໄລ, ຮາກຖານການສຶກສາ ຫວຽດນາມ ກໍ່ຄືການປະສານງານລະຫວ່າງບັນດາກະຊວງ, ຄະນະ, ຂະແໜງການ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ຫວຽດນາມ ເຊື່ອໝັ້ນວ່າ ການບຳລຸງສ້າງ ແລະ ຄຸ້ມຄອງນັກສຶກສາ ລາວ ຈະນັບມື້ນັບມີຄຸນນະພາບ ແລະ ພ້ອມກັນນັ້ນ ກໍ່ຢືນຢັນຄວາມສາມັກຄີ ລະຫວ່າງ ຫວຽດນາມ - ລາວ ນັບມື້ນັບຍືນຍົງຄົງຕົວ.
ບຸນຄົງ
