| ແມ່ຍິງທີ່ສຸມຈິດສຸມໃຈຕໍ່ວຽກງານຮັກສາວັດທະນະທຳຊົນເຜົ່າ | |
| ແຂວງ ເຊີນລາ ຖືວຽກງານໂຄສະນາການເລືອກຕັ້ງ ດ້ວຍພາສາຊົນເຜົ່າສ່ວນໜ້ອຍ |
 |
| ທິມຕີກອງຄ້ອງແຂວງກອນຕຸມ (ພາບ: kontum.gov.vn) |
ກອນຕຸມ ຈັດຕັ້ງການສອນຕີກອງ, ຄ້ອງ, ຟ້ອນຊວາງໃຫ້ແກ່ຊາວຊົນເຜົ່າເຊີດັງ 52 ຄົນ
ເພື່ອແນໃສ່ຮັກສາມໍລະດົກວັດທະນະທຳ ຕີກ້ອງຄ້ອງ ຕໍ່ໜ້າຜົນກະທົບຂອງການດຳລົງຊີວິດໃນສັງຄົມປັດຈຸບັນທີ່ທັນສະໄໝ, ປີ 2023, ພະແນກວັດທະນະທຳ, ກິລາ ແລະ ການທ່ອງທ່ຽວແຂວງ ກອນຕຸມ ໄດ້ຈັດຫ້ອງສອນຕີຄ້ອງ, ກອງ, ຟ້ອນຊວາງໃຫ້ແກ່ ຊາວຊົນເຜົ່າເຊີດັງ 52 ຄົນໃນບໍລິເວນເມືອງ ດັກເງີເລີຍ ແລະ ຕູເມີຣົງ.
ລະອຽດແມ່ນ, ໃນເດືອນມີນາ, ພະແນກວັດທະນະທຳ, ກິລາ ແລະ ການທ່ອງທ່ຽວ ຈະຈັດຕັ້ງຫ້ອງຮຽນດັ່ງກ່າວ ຢູ່ບ້ານ ກຸງຣາງ, ຕາແສງ ງອກລິງ, ເມືອງ ດັກເງິເລີຍ ແລະ ຫ້ອງໜຶ່ງໃນບ້ານ ກອນເຮຍ 1, ຕາແສງ ດັກເຣີອົງ, ເມືອງຕູເມີຣົງ ເພື່ອຖ່າຍທອດໃຫ້ແກ່ບັນດາເປົ້າໝາຍເຊິ່ງແມ່ນຊາວໜຸ່ມ ແລະ ຜູ້ອາຍຸໄວກາງ ຂອງຊົນເຜົ່າເຊີດັ່ງ ໃນຊຸມຊົນໝູ່ບ້ານພໍ່ແມ່ປະຊາຊົນເຜົາເຊີດັງ ໃນບໍລິເວນ 2 ເມືອງ.
ບັນດາຫ້ອງສອນໂດຍພະແນກວັດທະນະທຳ, ກິລາ ແລະ ການທ່ອງທ່ຽວ ໄດ້ເຊື້ອເຊີນນັກສິລະປະການທີ່ມີຊື່ສຽງ, ມີຄວາມເຂົ້າໃຈ ແລະ ກຳແໜ້ນບັນດາບົດຕີຄ້ອງຕີກອງ, ຟ້ອນຊວາງ ແລະ ບັນດານັກສິລະປະການຂອງ ປະຊາຄົມເຜົ່າເຊີດັງ ແມ່ນຜູ້ທີ່ດຳເນີນການສອນກ່ຽວກັບບົດຕີກອງ, ຄ້ອງ ແລະ ຟ້ອນຊວາງຂອງ ຊົນເຜົ່າ, ລວມມີບັນດາບົດຕີຄ້ອງທີ່ໄດ້ດຳເນີນໃນພິທີກຳ, ວັນບຸນ, ການດຳລົງຊີວິດປະຊາຄົມ…
ຜ່ານບັນດາຫ້ອງສອນຕີຄ້ອງ, ກອງ, ຟ້ອນຊວາງສຳລັບບັນດາເປົ້າໝາຍດັ່ງກ່າວນັ້ນ ແມ່ນເພື່ອແນໃສ່ຮັກສາມໍລະດົກວັດທະນະທຳຕີຄ້ອງ, ກອງຢ່າງມີປະສິດທິຜົນ, ຟື້ນຟູບັນຍາກາດວັດທະນະທຳຕີຄ້ອງໃນການດຳລົງຊີວິດຂອງບັນດາເຜົ່າສ່ວນໜ້ອຍໃນບໍລິເວນແຂວງເປັນເທື່ອລະກ້າວ.
ຜ່ານນັ້ນ, ກໍສ້າງການແຜ່ກະຈາຍຢ່າງແຮງໃນປະຊາຄົມບັນດາເຜົ່າກ່ຽວກັບການຮັກສາ, ຖ່າຍທອດວັດທະນະທຳຕີຄ້ອງ, ຟ້ອນຊວາງ. ກໍ່ຄືຍົກສູງຄວາມຮັບຮູ້, ບົດບາດຂອງທຸກຂັ້ນ, ທຸກຂະແໜງການ, ບັນດາເຈົ້າຂອງວັດທະນະທຳໃນການອະນຸລັກຮັກສາ, ເສີມຂະຫຍາຍມູນຄ່າວັດທະນະທຳທີ່ເປັນມູນເຊື້ອຂອງບັນດາເຜົ່າ, ໃນນັ້ນມີມໍລະດົກວັດທະນະທຳຕີຄ້ອງ, ກອງ.
ບຸນຄົງ
