ທ່ານເລຂາທິການໃຫຍ່ ຫງວຽນຟຸຈ້ອງ ຕ້ອນຮັບລັດຖະມົນຕີກະຊວງປ້ອງກັນປະເທດລາວ
	ທ່ານເລຂາທິການໃຫຍ່, ປະທານປະເທດຈີນ ສີຈີ້ນຜິງ ປະດັບຫຼຽນໄຊມິດຕະພາບໃຫ້ແກ່ທ່ານເລຂາທິການໃຫຍ່ ຫງວຽນຝູຈ້ອງ

ທ່ານເລຂາທິການໃຫຍ່ ຫວຽນຝູຈ້ອງ ກ່າວຄຳເຫັນທີ່ການພົບປະ (ພາບ: VOV)

ຕອນເຊົ້າວັນທີ 6 ກຸມພາ, ຢູ່ນະຄອນຫຼວງຮ່າໂນ້ຍ, ພາຍໃຕ້ການເປັນປະທານຂອງທ່ານເລຂາທິການໃຫຍ່ພັກກອມມູນິດ ຫວຽດນາມ ຫວຽນຝູຈ້ອງ, ກົມການເມືອງ, ຄະນະເລຂາສູນກາງພັກ ໄດ້ຈັດພິທີພົບປະຕົ້ນລະດູບານໄມ້ປີແມວ 2023 ໂດຍມີການເຂົ້າຮ່ວມຂອງບັນດາອະດີດການນຳຂັ້ນສູງຂອງພັກ, ລັດຖະບານ, ແນວໂຮມປະເທດຊາດ ຫວຽດນາມ, ອະດີດສະມາຊິກສູນກາງພັກ ບັນດາຊຸດຜ່ານສະໄໝຕ່າງໆ.

ກ່າວຄຳເຫັນທີ່ການພົບປະ, ທ່ານເລຂາທິການໃຫຍ່ ຫວຽນຝູຈ້ອງ ເນັ້ນໜັກວ່າ ໃນສະພາບການທີ່ຍັງມີຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ, ການນຳພັກ, ລັດຖະບານໄດ້ມີບັນດານະໂຍບາຍຊີ້ຂາດຢ່າງຖືກຕ້ອງ, ທັນການ, ສອດຄ່ອງເພື່ອຊີ້ນຳທົ່ວພັກ, ທົ່ວປວງຊົນ ແລະ ທົ່ວກອງທັບ ບັນລຸໝາກຜົນສຳຄັນກ່ຽວກັບບັນດາເປົ້າໝາຍ, ໜ້າທີ່ທີ່ໄດ້ວາງອອກຫຼາຍຢ່າງ, ຮອບດ້ານ. ທ່ານເລຂາທິການໃຫຍ່ ຫງວຽນຝູຈ້ອງ ຢືນຢັນວ່າ, ໃນບັນດາຜົນງານເຊິ່ງ ຫວຽດນາມ ບັນລຸໄດ້ນັ້ນ, ໄດ້ມີການປະກອບສ່ວນອັນປະເສີດ ແລະ ມີຄວາມຮັບຜິດຊອບຂອງບັນດາອະດີດພະນັກງານການນຳພັກ, ລັດຖະບານ. ທ່ານຫວັງວ່າ, ດ້ວຍຄວາມສຸມຈິດສຸມໃຈທີ່ມີຢູ່ແລ້ວ ແລະ ບັນດາປະສົບການອັນປະເສີດຂອງຕົນ ຈະສືບຕໍ່ອຸທິດສ່ວນຕໍ່ກັບພາລະກິດການປະຕິວັດອັນສະຫງ່າງາມຂອງພັກ, ລັດຖະບານ ແລະ ປະຊາຊົນ.