| ການເຕີບໂຕຫວຽດນາມ ຄາດວ່າຢູ່ກຸ່ມລະດັບສູງທີ່ສຸດຢູ່ພາກພື້ນ ອາຊີ - ປາຊີຟິກ | |
| ສິນຄ້າສົ່ງອອກໄປຍັງອາເມລິກາຜ່ານທາງທະເລ ຫວຽດນາມ ຍືນຢູ່ອັນດັບທີ 2 ຂອງ ອາຊີ |
 |
| ທ່ານ ຫົວໜ້າສະຖານກົງສູນໃຫຍ່ ຫວຽດນາມ ຫງວຽນດັງທັງ ແລະ ພັນລະຍາ ມອບໃບຍ້ອງຍໍໃຫ້ແກ່ສ່ວນບຸກຄົນ/ອົງການ 17 ຄົນ/ອົງການ ທີ່ມີຜົນງານດີເດັ່ນ |
ສະຖານກົງສູນໃຫຍ່ ຫວຽດນາມ ປະຈຳ Sydney ຕິດພັນປະຊາຄົມຊາວຫວຽດນາມ ຜ່ານບັນດາການລະຫຼິ້ນພື້ນເມືອງວັນບຸນເຕັດ
ໂດຍເຊື່ອມຕົວເຂົ້າກັບບັນຍາກາດ ຊົມເຊີຍພັກ, ຊົມເຊີຍລະດູບານໃໝ່, ຕອນຄ່ຳວັນທີ 4 ກຸມພາ, ສະຖານກົງສູນໃຫຍ່ ຫວຽດນາມ ປະຈຳ Sydney (ອົດສະຕາລີ) ໄດ້ຈັດຕັ້ງລາຍການພົບປະປະຊາຄົມ “ລະດູບານໃໝ່ແຫ່ງບ້ານເກີດເມືອງນອນ 2023”
ເຫດການມີການເຂົ້າຮ່ວມຂອງທ່ານຮອງເອກອັກຄະລັດຖະທູດ ຫວຽດນາມ ປະຈຳ ອົດສະຕາລີ ນາງ ເຈິ່ນເລເຟືອງ ພ້ອມກັບແຂກຖືກເຊີນ ກ່ວາ 200 ທ່ານ ເຊິ່ງແມ່ນສະມາຊິກຂອງບັນດາອົງການຕາງໜ້າ ຫວຽດນາມ ປະຈຳ ອົດສະຕາລີ, ຜູ້ຕາງໜ້າສະມາຄົມປັນຍາຊົນ, ນັກທຸລະກິດ, ນັກທ່ອງທ່ຽວ, ປະຊາຄົມຊາວຫວຽດນາມ ແລະ ເພື່ອນມິດສາກົນ ປະຈຳ ອົດສະຕາລີ.
ກ່າວຄຳເຫັນທີ່ເຫດການ, ທ່ານ ຫງວຽນດັ້ງທັງ ຫົວໜ້າສະຖານກົງສູນໃຫຍ່ ຫວຽດນາມ ຮັບຜິດຊອບບັນດາລັດ New South Wales, Queensland ແລະ ອົດສະຕາລີ ໄດ້ຫວນຄືນບັນດາຜົນງານພັດທະນາເສດຖະກິດ - ສັງຄົມ ແລະ ການທູດຂອງປະເທດຊາດ, ການພົວພັນອັນສະໜິດແໜ້ນລະຫວ່າງ ຫວຽດນາມ ແລະ ອົດສະຕາລີ, ກໍ່ຄືແບ່ງປັນແງ່ຫວັງໃນປີ 2023 ເມື່ອ ຫວຽດນາມ ແລະ ອົດສະຕາລີ ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ.
ທ່ານ ຫົວໜ້າສະຖານກົງສູນໃຫຍ່ ຫວຽດນາມ ຫງວຽນດັງທັງ ໃຫ້ຮູ້ວ່າ ໃນໄລຍະຜ່ານມາ, ການພົວພັນຄູ່ຮ່ວມມືຍຸດທະສາດ ລະຫວ່າງ ຫວຽດນາມ ແລະ ອົດສະຕາລີ ພວມນັບມື້ນັບໝັ້ນແກ່ນ ແລະ ມີປະສິດທິຜົນກ່ວາອີກ, ສະແດງໃຫ້ເຫັນໃນທຸກຂົງເຂດການເມືອງ - ເສດຖະກິດ - ສັງຄົມ. ໝາກຜົນນີ້ບັນລຸໄດ້ຍ້ອນມີການປະກອບສ່ວນບໍ່ແມ່ນໜ້ອຍຂອງປະຊາຄົມຊາວຫວຽດນາມ ອາໄສຢູ່ປະເທດປະຈຳຖິ່ນ, ບັນດາທູດປະຊາຊົນ ຂອງ ຫວຽດນາມ ຄືລຸງໂຮ່ ຝາກຝັງ.
ທ່ານ ຫົວໜ້າສະຖານກົງສູນໃຫຍ່ ຫວຽດນາມ ຫງວຽນດັງທັງ ແບ່ງປັນວ່າການຫວນຄືນການລະຫຼິ້ນພື້ນເມືອງໃນເຫດການບຸນເຕັດປະຊາຄົມປີນີ້ ເພື່ອແນໃສ່ເປົ້າໝາຍມຸ່ງໄປເຖິງຄົນລຸ້ນໜຸ່ມ, ຜູ້ຈະພັດທະນາການພົວພັນ ຫວຽດນາມ ແລະ ອົດສະຕາລີ ໃນໄລຍະ 50 ປີຈະມາເຖິງ ແລະ ຍິ່ງໄປກ່ວານັ້ນແມ່ນໄກກ່ວາອີກ. ນີ້ກໍ່ແມ່ນໂອກາດເພື່ອຊ່ວຍໃຫ້ຄົນລຸ້ນໜຸ່ນ ເຂົ້າໃຈແຈ້ງກ່ວາກ່ຽວກັບຮີດຄອງປະເພນີ, ວັດທະນະທຳຂອງຊາດ, ບ້ານເກີດເມືອງນອນ.
ຄຳສັ່ງກ່າວຂອງທ່ານ ຫົວໜ້າສະຖານກົງສູນໃຫຍ່ ຫວຽດນາມ ຫງວຽນດັງທັງ ໄດ້ຮັບການສະໜັບສະໜູນຢ່າງແຮງຈາກພໍ່ແມ່ພີ່ນ້ອງຊາວຫວຽດນາມ ອາໄສຢູ່ຕ່າງປະເທດ. ທ່ານ ໂຮ່ມິງຢາງ, ຊາວຫວຽດນາມ ອາໄສຢູ່ນະຄອນ Sydney ກ່ວາ 20 ປີ ສະແດງຄວາມຕຶ້ນຕັນໃຈທ່າມກາງບັນຍາກາດທີ່ເຂັ້ມຂົ້ນໄປດ້ວຍນ້ຳໃຈຂອງປະຊາຄົມວ່າ: ຂ້າພະເຈົ້າດີໃຈເມື່ອໄດ້ເຂົ້າຮ່ວມໂຄງການບຸນເຕັດປະຊາຄົມໃນມື້ນີ້. ບັນຍາກາດອົບອຸ່ນທີ່ສຸດ ແລະ ຜູ້ໃດກໍ່ມີຄວາມປິຕິຊົມຊື່ນ. ພາຍຫຼັງ ປະເທດເຮົາປະສົບກັບຄວາມຫຍຸ້ງຍາກຈາກພະຍາດໂຄວິດ - 19 ເປັນເວລາ 2 – 3 ປີ, ຂ້າພະເຈົ້າຫວັງວ່າ ໃນປີ 2023, ປະເທດເຮົາຈະປະສົບກັບຄວາມສະດວກ, ເພື່ອໃຫ້ທຸກຄົນລ້ວນແຕ່ຮ່ວມແຮ່ງຮ່ວມໃຈສ້າງສາປະເທດໃຫ້ດີງາມກ່ວາອີກ.
ໄປຄຽງຄູ່ກັບບັນດາການລະຫຼິ້ນຕ່າງໆ, ກໍ່ຍັງມີລາຍການສະແດງສິລະປະ ທີ່ໄດ້ຮັບການສ້າງແບບພິຖີພິຖັນ, ແນະນຳບັນດາຮູບແບບວັດທະນະທຳທີ່ເປັນມູນເຊື້ອຂອງຊາດຢ່າງອຸດົມສົມບູນ ໂດຍຄະນະຈັດຕັ້ງກໍ່ໄດ້ປະສານສົມທົບເປັນຢ່າງດີ, ເພື່ອຊ່ວຍໃຫ້ປະຊາຄົມຊາວຊາວຫວຽດນາມ ອາໄສຢູ່ຕ່າງປະເທດໄດ້ຕ້ອນຮັບບຸນລະດູບານໃໝ່ທີ່ເຂັ້ມຂຸ້ນໄປດ້ວຍສີສັນຫວຽດ.
ທຸກຄົນສ່ວນຫຼາຍທີ່ເຂົ້າຮ່ວມງານ ລວ້ນແຕ່ມີຄວາມຮູ້ສຶກວ່າ ລາຍການ “ລະດູບານໃໝ່ແຫ່ງບ້ານເກີດເມືອງນອນ 2023” ໂດຍສະຖານກົງສູນໃຫຍ່ ຫວຽດນາມ ປະຈຳ Sydney ຈັດຕັ້ງ ໄດ້ຮັບການສະໜັບສະໜູນຈາກຊາວຫວຽດນາມອາໄສຢູ່ຕ່າງປະເທດໝົດທຸກຄົນ.
ໃນບັນຍາກາດບຸນເຕັດປະຊາຄົມທີ່ອົບອຸ່ນ ແລະ ເຕັມໄປດ້ວຍນ້ຳໃຈ, ທ່ານ ຫົວໜ້າສະຖານກົງສູນໃຫຍ່ ຫວຽດນາມ ຫງວຽນດັງທັງ ແລະ ແຂກຖືກເຊີນໝົດທຸກຄົນ ໄດ້ຍົກຈອກອວຍພອນສຸຂະພາບໃຫ້ກັນ, ປີໃໝ່ປະສົບຜົນສຳເລັດ ແລະ ພ້ອມກັນຮັບປະທານບັນດາເຍື່ອງອາຫານໃນວັນບຸນເຕັດຂອງ ຫວຽດນາມ.
ເນື່ອງໃນໂອກາດນີ້, ທ່ານ ຫົວໜ້າສະຖານກົງສູນໃຫຍ່ ຫວຽດນາມ ຫງວຽນດັງທັງ ແລະ ພັນລະຍາ ໄດ້ເປັນກຽດ ມອບໃບຍ້ອງຍໍໃຫ້ແກ່ສ່ວນບຸກຄົນ/ອົງການ 17 ຄົນ/ອົງການ ທີ່ມີຜົນງານດີເດັ່ນໃນການຄົ້ນຄ້ວາ, ຮ່ຳຮຽນ ແລະ ການປະກອບສ່ວນຫຼາຍຢ່າງໃຫ້ແກ່ການຮັກສາ ແລະ ເສີມຂະຫຍາຍບັນດາມຸນຄ່າວັດທະນະທຳ, ມະນຸດສະທຳຂອງຊາດ ຫວຽດນາມ ໃນປີຜ່ານມາ.
ບຸນຄົງ
ຂ່າວທີ່ກ່ຽວຂ້ອງ
ໂປແກຼມ ຫວຽດ ຊ່ວຍໃຫ້ ຊາວຫວຽດນາມ ອາໄສຢູ່ຕ່າງປະເທດໄປຢ້ຽມຢາມຫໍພິພິທະພັນປະຫວັດສາດການທະຫານໃນຊ່ອງດິຈິຕອນ
ທ່ານນາຍົກລັດຖະມົນຕີ ຫວຽດນາມ ຫວັງວ່າ ຊາວຫວຽດນາມ ອາໄສຢູ່ຕ່າງປະເທດແຕ່ລະຄົນຈະເປັນທູດຂອງສາຍພົວພັນມິດຕະພາບຫວຽດນາມ - ຈີນ
ສຸມກຳລັງແຮງໃສ່ການພັດທະນາພື້ນຖານໂຄງລ່າງເພື່ອ “ປຸກລຸກ” ການຄ້າຊາຍແດນຫວຽດນາມ - ລາວ
ທ່ານອາດຈະມັກ
ບັກຢາງ ຊ່ວຍເຫຼືອປະຊາຊົນ ແຂວງໄຊສົມບູນ (ລາວ) ປັບປຸງລາຍຮັບຈາກອາຊີບກະສິກຳ
ການປູກປ່າ carbon credit: ພ້ອມກັບປະເທດເພື່ອນລາວ ພັດທະນາເສດຖະກິດສີຂຽວແບບຍືນຍົງ
ນາຍົກລັດຖະມົນຕີ ຟ້າມມິງຈິ້ງ ແລະພັນລະຍາ ໄປຢ້ຽມຢາມ ແລະເຮັດວຽກຢູ່ ບຣາຊິນ ແລະ ສາທາລະນະລັດ Dominica
ບ່ອນທີ່ໄວ້ເນື້ອເຊື່ອໃຈໃນການເບິ່ງແຍງສຸຂະພາບຂອງປະຊາຊົນສອງຟາກຊາຍແດນ ຫວຽດນາມ - ລາວ
ປະເທດ ລາວ ຢາກຮຽນຮູ້ປະສົບການໃນການປູກມອນ, ລ້ຽງມ້ອນຂອງ ອຽນບ໋າຍ
