| ຫວຽດນາມ ເຂົ້າຮ່ວມງານຕະຫຼາດນັດທ່ອງທ່ຽວສາກົນ WTM 2022 ຢູ່ ອັງກິດ | |
| ຫວຽດນາມ ເຂົ້າຮ່ວມສັບປະດາຄວາມໝັ້ນຄົງທາງເຄືອຂ່າຍອິນເຕີເນັດສາກົນ ປີ 2022 |
ທ່ານ ເຈິນແທັງຫາຍ, ຮອງຫົວໜ້າກົມນຳເຂົ້າ - ສົ່ງອອກ, ກະຊວງອຸດສາຫະກຳ ແລະ ການຄ້າ ຫວຽດນາມ ໃຫ້ຮູ້ວ່າ ການປະກອບສ່ວນຢ່າງໃຫຍ່ຫຼວງທີ່ສຸດໃນປັດຈຸບັນ ຍັງແມ່ນໝວດສິນຄ້າອຸດສາຫະກຳປຸງແຕ່ງ, ລະອຽດແມ່ນບັນດາປະເພດສິນຄ້າເອເລັກໂຕນິກ, ໂທລະສັບ. ສ່ວນປະເພດສິນຄ້າອື່ນຄື ເຄື່ອງຕ່ຳແຜ່ນຕັດຫຍິບ, ເກີບໜັງ ຍັງມີການເຕີບໂຕດີພໍສົມຄວນ. ໝວດສິນຄ້າຄືຜະລິດຕະພັນກະເສດ, ພິເສດແມ່ນເຂົ້າສານ, ກາເຟ ໄດ້ສົ່ງອອກດ້ວຍລະດັບບັນລຸສະຖິຕິ.
ບັນດາຂະແໜງການສົ່ງອອກທີ່ໜ້າປະທັບໃຈ ໃນປີ 2022 ຕ້ອງເວົ້າເຖິງສິນໃນນໍ້າ, ດ້ວຍເລື່ອງຂະແໜງການນີ້ຕັ້ງເປົ້າໝາຍໄວ້ 10 ຕື້ USD, ຍັງບໍ່ທັນໝົດປີ 2022 ກໍ່ສາມາດບັນລຸຄາດໝາຍທີ່ວາງອອກແລ້ວ. ຄາດວ່າປີນີ້, ການສົ່ງອອກສິນໃນນ້ຳຈະບັນລຸຄາດໝາຍປະຫວັດສາດປະມານ 11,2 ຕື້ USD.
 |
| ພາບປະກອບ |
ກົມໃຫຍ່ພາສີກ່າວວ່າ: ເພື່ອບັນລຸໄດ້ໝາກຜົນດັ່ງກ່າວ, ຫວ່າງມໍ່ໆມານີ້, ລັດຖະບານໄດ້ຊີ້ນຳກະຊວງການເງິນສົມທົບກັບບັນດາກະຊວງ, ຂະແໜງການ, ທ້ອງຖິ່ນ ສຸມໃສ່ສົມທົບກັນຈັດຕັ້ງປະຕິບັດບັນດາມາດຕະການຊຸກຍູ້ການເຄື່ອນໄຫວດ້ານພາສີ, ປະຕິຮູບດ້ານສະຖາບັນ, ປະຕິຮູບລະບຽບການບໍລິຫານ. ດ້ວຍເຫດນີ້ສ້າງສະພາບແວດລ້ອມແຫ່ງການດຳເນີນທຸລະກິດທີ່ຍຸດຕິທຳ, ເປີດເຜີຍ, ໂປ່ງໃສ, ສ້າງເງື່ອນໄຂສະດວກໃຫ້ແກ່ປະຊາຄົມວິສາຫະກິດ.
ໃນໄລຍະຈະມາເຖິງ, ສືບຕໍ່ສ້າງຄວາມສະດວກໃຫ້ແກ່ການເຄື່ອນໄຫວສົ່ງອອກ ແລະ ນໍາເຂົ້າ, ລັດຖະບານ ພວມສືບຕໍ່ຊີ້ນໍາກະຊວງການເງິນ ແລະ ກົມໃຫຍ່ເສນາທິການ ສືບຕໍ່ປະຕິບັດຢ່າງເຂັ້ມງວດ ແລະ ແທດຈິງ ກ່ຽວກັບການປະຕິຮູບສະຖາບັນ, ການປະຕິຮູບລະບຽບການບໍລິຫານ, ການຫັນເປັນດີຈີຕອນ; ນຳໃຊ້ ພາສີດີຈີຕອນ, ມຸ່ງໄປເຖິງຮູບແບບການພາສີອັດສະລິຍະ ດ້ວຍເປົ້າໝາຍເພີ່ມຄວາມສະດວກໃຫ້ແກ່ການເຄື່ອນໄຫວສົ່ງອອກ ແລະ ນຳເຂົ້າ, ຫຼຸດຜ່ອນເວລາການແຈ້ງພາສີ, ຫຼຸດຜ່ອນຄ່າໃຊ້ຈ່າຍໃນການປະຕິບັດຕາມກົດໝາຍໃຫ້ແກ່ປະຊາຊົນ ແລະ ວິສາຫະກິດ; ຍົກສູງຄວາມສາມາດແຂ່ງຂັນລະດັບຊາດ.
ຄຽງຂ້າງນັ້ນ, ສຸມໃສ່ຕໍ່ສູ້ຕ້ານການສໍ້ໂກງແຫຼ່ງກຳເນີດ ແລະ ການຂົນສົ່ງສິນຄ້າຜິດກົດໝາຍ; ຕ້ານການລັກລອບຄ້າຂາຍຜິດກົດໝາຍ, ຕ້ານການລະເມີດຊັບສິນທາງປັນຍາຢ່າງເຂັ້ມງວດ...
ໄຊພອນ
