| ຄ້າຍລະດູແລ້ງຫວຽດນາມ 2022: ເຜີຍແຜ່ຄວາມຮັກແພງພາສາຫວຽດນາມ ຜ່ານການປະກວດເລົ່ານິທານ | |
| ເຂົ້າປະກວດ ຫວຽດນາມ ນຳໜ້າ Top 5 ກ່ອນການຈັດຕັ້ງນາງງາມສັນຕິພາບໂລກ ປີ 2021 |
ຕອນເຊົ້າວັນທີ 13 ທັນວາ, ຢູ່ຮ່າໂນ້ຍ, ວາລະສານຍຸກສະໄໝ (ອົງການຂອງ ສະຫະພັນບັນດາອົງການຈັດຕັ້ງມິດຕະພາບຫວຽດນາມ) ໄດ້ສົມທົບກັບສະຖານທູດ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ຫວຽດນາມ, ສະມາຄົມມິດຕະພາບ ຫວຽດນາມ - ລາວ, ສະມາຄົມມິດຕະພາບ ລາວ - ຫວຽດນາມ ໄດ້ຈັດພິທີມອບລາງວັນການປະກວດ "ໃຫ້ຂອງລະນຶກເລົ່າເລື່ອງ".
ເຂົ້າຮ່ວມພິທີມອບລາງວັນມີຜູ້ຕາງໜ້າການນຳຄະນະ, ກະຊວງ, ຂະແໜງ ການ, ອົງການສູນກາງ, ສະຖານທູດ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ຫວຽດນາມ, ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ - ລາວ, ສູນກາງ ສະມາຄົມມິດຕະພາບ ຫວຽດນາມ - ລາວ ແລະ ທ້ອງຖິ່ນ, ສະມາຄົມມິດຕະພາບລາວ - ຫວຽດນາມ, ວາລະສານ ຍຸກສະໄໝ; ພິເສດແມ່ນຜູ້ຂຽນ, ຜູ້ຮ່ວມເດີນທາງພ້ອມກັບ ການປະກວດທີ່ເປັນຄົນລາວ, ນັກສຶກສາລາວ ທີ່ດໍາລົງຊີວິດ ແລະ ເຮັດວຽກຢູ່ຫວຽດນາມ…
ການປະກວດ "ໃຫ້ຂອງລະນຶກເລົ່າເລື່ອງ" ໄດ້ເລີ່ມປຸກລະດົມໃນວັນທີ 9 ພຶດສະພາ 2022. ພາບ: thoidai.com.vn
ການປະກວດ "ໃຫ້ຂອງລະນຶກເລົ່າເລື່ອງ" ແມ່ນການເຄື່ອນໄຫວໃນລາຍການ ສື່ສານພິເສດ ເພື່ອສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ (5/9/1962 – 5/9/2022) ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງຫວຽດນາມ - ລາວ (18/7/1977 - 18/7/2022) ແລະ ປີສາມັກຄີມິດຕະພາບຫວຽດນາມ - ລາວ, ລາວ - ຫວຽດນາມ 2022 ຂອງສະຫະພັນບັນດາອົງການຈັດຕັ້ງມິດຕະພາບຫວຽດນາມ - ລາວ. ການປະກວດແມ່ນໂອກາດຫວນຄືນຊຸມປີທີ່ຫຍຸ້ງຍາກລຳບາກ, ອົງກາດກ້າຫານ, ແບ່ງທຸກແບ່ງສຸກລະຫວ່າງອ້າຍນ້ອງ ຫວຽດນາມ - ລາວ ໃນການສູ້ຮົບ, ອອກແຮງງານ, ຮ່ຳຮຽນ ແລະ ປະຕິບັດງານ. ຂອງທີ່ລະນຶກອັນລໍ້າຄ່າເຮັດໃຫ້ພວກເຮົາມີຄວາມຮູ້ສຶກຕື້ນຕັນໃຈ ແລະ ເອກອ້າງທະນົງໃຈທີ່ສຸດ; ກະຕຸ້ນໃຫ້ພວກຂ້າພະເຈົ້າມີຄວາມຄິດ ແລະ ການກະທໍາມຸ່ງໄປເຖິງອະນາຄົດການພົວພັນຫວຽດນາມ - ລາວ ໃຫ້ນັບມື້ນັບ ພັນທະນາກວ່າເກົ່າ”.
ໂດຍຕອບສະໜອງການປະກວດ, ໂຮງຮຽນມິດຕະພາບ 80 (ເຊີນໄຕ, ຮ່າໂນ້ຍ) ໄດ້ຜັນຂະຫຍາຍສູ່ບັນດານັກສຶກສາລາວ ທີ່ພວມຮ່ຳຮຽນຢູ່ໂຮງຮຽນ. ພາບ: thoidai.com.vn
ນັບແຕ່ເມື່ອປຸກລະດົມຮອດວັນທີ 15 ກັນຍາ 2022 (ວັນປິດຮັບບົດສົ່ງເຂົ້າປະກວດ), ຄະນະຈັດຕັ້ງໄດ້ຮັບ 6.215 ບົດ, ດ້ວຍການເຂົ້າຮ່ວມຂອງ 48 ຫົວໜ່ວຍ, ຫຼາຍສິບທ້ອງຖິ່ນ ແລະ ຜູ້ຂຽນນັບພັນຄົນຢູ່ ຫວຽດນາມ ແລະ ລາວ.
ທ່ານ ເລແຣວ (ຢູ່ ຈ້ຽວເຊີນ, ແທັງຮວ໊າ) ໄດ້ມອບຂອງທີ່ລະນຶກ 60 ຢ່າງໃຫ້ຄະນະຈັດຕັ້ງ. (ພາບ: ແຮ້ງເຈິ່ນ).
ທີ່ພິທີມອບລາງວັນ, ບັນດາຜູ້ແທນ, ຜູ້ຂຽນ ແລະ ຜູ້ຊົມ ໄດ້ຮັບຊົມລາຍການສະແດງສິລະປະດ້ວຍບັນດາບົດເພງທີ່ຍ້ອງຍໍການພົວພັນມິດຕະພາບທີ່ ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ - ລາວ, ລາວ - ຫວຽດນາມ ແລະ ບັນດາບົດເພງທີ່ສົ່ງເຂົ້າຮ່ວມການປະກວດໂດຍນັກປະພັນສະແດງເອງ. ສະຫຼັບໃນລາຍການແມ່ນວິດີໂອກ່ຽວກັບວິວັດການຈັດຕັ້ງການປະກວດ; ຂອງທີ່ລະນຶກພິເສດ; ບັນດາເລື່ອງລາວ ແລະ ອາລົມຈິດຂອງບັນດາຜູ້ເຂົ້າຮ່ວມການປະກວດກ່ຽວກັບການພົວພັນລະຫວ່າງສອງປະເທດ ຫວຽດນາມ - ລາວ; ສະແດງຄວາມປາດຖະໜາວ່າ ການພົວພັນແບບພິເສດລະຫວ່າງ ຫວຽດນາມ ແລະ ລາວ ຈະຂຽວສົດງົດງາມໝັ້ນຄົງທະນົງແກ່ນຈົນຊົ່ວກະລະນານ.
ພິເສດ, ທີ່ພິທີມອບລາງວັນໄດ້ຈັດການພົບປະແລກປ່ຽນກັບອ້າຍນ້ອງຮັກຫວຽດນາມ - ລາວ, ທ່ານ ເຈີ່ນວັນຖັ໊ງ ແລະ ທ່ານ ຄຳແກ້ວ ວົງພິລາ. ທ່ານ ເຈີ່ນວັນຖັ໊ງ ແມ່ນລູກຊາຍຂອງທ່ານ ເຈິ່ນວັນຕຸກ - ໜຶ່ງໃນບັນດາຜູ້ຂຽນທີ່ໄດ້ຮັບລາງວັນໃນການປະກວດ "ໃຫ້ຂອງລະນຶກເລົ່າເລື່ອງ".
ກ່ອນໜ້ານີ້ 53 ປີ ໃນສະໄໝສົງຄາມວຸ້ນວາຍ ຢູ່ລາວ, ເດັກນ້ອຍນັກຮຽນລາວຫຼາຍຄົນໄດ້ອົບພະຍົບໄປຫວຽດນາມ. ບັນດາເດັກນ້ອຍໄດ້ຮັບການລ້ຽງດູຈາກຄອບຄົວຊາວຫວຽດນາມ, ເຊິ່ງຕົ້ນຕໍແມ່ນຊາວກະສິກອນບາກບັ່ນໝັ່ນພຽນໃນໄລຍະສົງຄາມ ໄດ້ຮັບເປັນລູກຮັກ, ໄດ້ພາມາຢູ່ນຳຄອບຄົວ. ພວກເຂົາເຈົ້າໄດ້ຢູ່ຮ່ວມກັນຄືຄົນໃນຄອບຄົວດຽວກັນ. ໃນນັ້ນມີເດັກຊາຍຄົນໜຶ່ງຊື່ວ່າ: ຄຳແກ້ວ ວົງພິລາ ດຳລົງຊີວິດຢູ່ແຂວງຊຽງຂວາງ (ລາວ) ມາຢູ່ນຳຄອບຄົວຂອງທ່ານ ເຈີ່ນວັນຕຸກ (ເຂດ 3, ຕາແສງດ່າວຊາ, ເມືອງ ແທງທຸຍ, ແຂວງ ຟູເຖາະ). ພາຍຫຼັງສັນຕິພາບ ແລະ ການປົດປ່ອຍຢູ່ທັງສອງປະເທດແລ້ວ, ທ່ານ ຄໍາແກ້ວ ວົງພິລາ ໄດ້ກັບຄືນປະເທດລາວ. ພວກເຂົາເຈົ້າ ໄດ້ສູນເສຍການຕິດຕໍ່ກັນ ແລະ ກັນນັບຫຼາຍສິບປີ.
ຜ່ານຮູບຖ່າຍພ້ອມກັບຄອບຄົວພໍ່ແມ່ຮັກໃນປີ 1969 ແລະ ບາງຂໍ້ມູນທີ່ຈື່ຈໍາໄດ້ສົ່ງເຖິງການປະກວດ “ໃຫ້ຂອງລະນຶກເລົ່າເລື່ອງ”, ລູກຮັກຊາວລາວ ຄໍາແກ້ວ ວົງພິລາ ໄດ້ພົບເຫັນພໍ່ແມ່ອ້າຍນ້ອງຮັກຂອງຕົນຢູ່ຫວຽດນາມ. (ພາບ: ນັກປະພັນສະໜອງໃຫ້).
ຜ່ານຮູບຖ່າຍພ້ອມກັບຄອບຄົວພໍ່ແມ່ຮັກໃນປີ 1969 ແລະ ບາງຂໍ້ມູນທີ່ຈື່ຈໍາໄດ້ ແລະ ສົ່ງເຖິງການປະກວດ “ໃຫ້ຂອງລະນຶກເລົ່າເລື່ອງ”, ລູກຮັກຊາວລາວ ຄໍາແກ້ວ ວົງພິລາ ໄດ້ພົບເຫັນພໍ່ແມ່ອ້າຍນ້ອງຮັກຢູ່ຂອງຕົນຢູ່ຫວຽດນາມ. ທັງພໍ່ແມ່ ແລະ ລູກຮັກລ້ວນແຕ່ຍາດໄດ້ລາງວັນສູງໃນການປະກວດຄັ້ງນີ້ ເຊິ່ງ ເຂົາເຈົ້າຂຽນກ່ຽວກັບຊີວິດ ແລະ ຄວາມຊົງຈຳໃນຊຸມປີຂອງເຂົາເຈົ້າດໍາລົງຊີວິດຢູ່ຮ່ວມກັນ. ໃນໄລຍະເຄິ່ງ ສັດຕະວັດທີ່ຫ່າງກັນ, ບາງເທື່ອບໍ່ຮູ້ຂ່າວຄາວຂອງກັນ, ມື້ນີ້ ຢູ່ ຮ່າໂນ້ຍ, ຫວຽດນາມ ໃນລະດູໜາວທີ່ເຕັມໄປດ້ວຍຄວາມອົບອຸ່ນ, ເຂົາເຈົ້າໄດ້ພົບປະກັນອີກເທື່ອໜຶ່ງ ແລະ ນຳມາໃຫ້ພວກເຮົາໄດ້ເຫັນເຊິ່ງບັນດາພະຍານຫຼັກຖານອັນສະຫງ່າງາມ ແລະ ຄວາມມະຫັດສະຈັນຂອງຄວາມໝາຍນໍ້າໃຈມິດຕະພາບປະຊາຊົນຫວຽດນາມ - ລາວ.
ນອກຈາກນັ້ນ, ບັນດາຜູ້ແທນ ແລະ ຜູ້ຊົມຍັງມີໂອກາດໄດ້ໂອ້ລົມກັບຜູ້ຂຽນ ຈ໊າງລາວລື່ (ອາຍຸ 84 ປີ, ບ້ານລາວໂຄ, ຕາແສງ ພຽງຄວ່າຍ, ເມືອງ ອຽນເຈົາ, ແຂວງ ເຊີນລາ), ພະຍານທີ່ພ້ອມກັບຄອບຄົວ ໄດ້ລ້ຽງເຊື່ອງ, ປົກປ້ອງຜູ້ນຳການປະຕິວັດທີ່ຍິ່ງໃຫຍ່ຂອງປະຊາຊົນລາວ ປະທານ ໄກສອນ ພົມວິຫານ ທີ່ບ້ານລາວໂຄ ໃນຊຸມປີສົງຄາມອັນດຸເດືອດ.
ພະຍານທີ່ເກັບຮັກສາ ແລະ ເປັນພິຍານສຳລັບຂອງທີ່ລະນຶກ ອາດເປັນຄົນທຳມະດາ ຫຼືມີຄວາມຮັບຜິດຊອບທີ່ສຳຄັນຕໍ່ສັງຄົມ, ບໍ່ວ່າລຸ້ນພໍ່ລຸ້ນອ້າຍ ຫລື ໄວໜຸ່ມໃນປະຈຸບັນ, ແຕ່ເຂົາເຈົ້າກໍລ້ວນແຕ່ມີຄວາມຮູ້ສຶກອັນດຽວກັນຄືມິດຕະພາບອັນສູງສົ່ງ ແລະ ພິເສດໄດ້ສືບຕໍ່ ແລະ ຫຼໍ່ລ້ຽງຜ່ານຫຼາຍລຸ້ນຄົນ.
ຂອງທີ່ລະນຶກ “ເລົ່າເລື່ອງ” ເປັນພຽງບັນດາເຄື່ອງທີ່ລຽບງ່າຍ, ບໍ່ມີຄຸນຄ່າທາງດ້ານວັດຖຸຫຼາຍປານໃດ, ແຕ່ບັນຈຸໄປດ້ວຍບັນດາຄຸນຄ່າທາງດ້ານຈິດໃຈອັນສູງສົ່ງ, ສັກກະລະບູຊາຂອງນໍ້າໃຈເພື່ອນມິດ, ຄວາມຮັກແພງ, ນໍ້າໃຈລະຫວ່າງຄູ - ນັກຮຽນ, ຄວາມຮັກແພງຄອບຄົວ, ນ້ຳໃຈເພື່ອນມິດສະຫາຍ... ຂອງສອງຊາດ ອ້າຍນ້ອງ.
ຍິ່ງກວ່າການປະກວດ, “ຂອງລະນຶກເລົ່າເລື່ອງ” ໄດ້ປະກອບສ່ວນເພີ່ມ ພູນຄູນສ້າງສາຍພົວພັນມິດຕະພາບລະຫວ່າງປະຊາຊົນສອງຊາດ ຫວຽດນາມ-ລາວ.
ບູນມີ
