ຄະນະກຳມະການແຫ່ງລັດກ່ຽວກັບຊາວຫວຽດນາມອາໄສຢູ່ຕ່າງປະເທດ ຫາກໍ່ສົມທົບກັບພະແນກການຕ່າງປະເທດ, ຄະນະຊາວໜຸ່ມແຂວງເທື່ອທຽນເຫ້ວ ຈັດຕັ້ງການປະກວດເລົ່ານິທານດ້ວຍພາສາຫວຽດນາມ. ນີ້ແມ່ນການເຄື່ອນໄຫວໃນຂອບເຂດຄ້າຍລະດູແລ້ງຫວຽດນາມ 2022 ໄດ້ຮັບການຈັດຕັ້ງໂດຍມີການເຂົ້າຮ່ວມຂອງຜູ້ແທນ 108 ຄົນທີ່ມີອາຍຸແຕ່ 16-24 ປີ, ຕາງໜ້າໃຫ້ລຸ້ນໜຸ່ມ ຄະນະກຳມະການແຫ່ງລັດກ່ຽວກັບຊາວຫວຽດນາມອາໄສຢູ່ຕ່າງປະເທດທີ່ກັບຄືນມາຈາກ 25 ປະເທດ.
 |
| ຄ້າຍລະດູແລ້ງຫວຽດນາມ 2022: ເຜີຍແຜ່ຄວາມຮັກແພງພາສາຫວຽດນາມ ຜ່ານການປະກວດເລົ່ານິທານ. ພາບ: thuathienhue.gov.vn. |
ເຂົ້າຮ່ວມການປະກວດໃນຕອນຄ່ຳວັນທີ 26 ກໍລະກົດ, ມີຊາວໜຸ່ມ ແລະນັກສຶກສາຫວຽດນາມ ຢູ່ຕ່າງປະເທດ 12 ຄົນທີ່ມາຈາກລັດເຊຍ, ໂປໂລຍ, ຣູມານີ, ຢູແກຼນ, ສາທາລະນະລັດ ເຊັກ, ແບນຊິກ, ລາວ, ໄທ ແລະ ຊາວໜຸ່ມສູນປົກປ້ອງເດັກ FHF, ເຫ້ວ. ນີ້ແມ່ນຄັ້ງທຳອິດທີ່ງານປະກວດເລົ່ານິທານຫວຽດນາມ ໄດ້ຈັດຂຶ້ນໃຫ້ຊາວໜຸ່ມ, ນັກສຶກສາຢູ່ຕ່າງປະເທດທີ່ເຂົ້າຮ່ວມຄ້າຍລະດູແລ້ງຫວຽດນາມ ແລະ ຊາວໜຸ່ມໃນທົ່ວປະເທດ.
ສິ້ນສຸດການປະກວດ, ຄະນະກໍາມະບານໄດ້ມອບ ລາງວັນທີໜຶ່ງ 1 ລາງວັນ, ລາງວັນທີ ສອງ 2 ລາງວັນ, ລາງວັນ ທີ ສາມ 2 ລາງວັນ ແລະ ລາງວັນຊົມເຊີຍ 7 ລາງວັນໃຫ້ບັນດານັກຮຽນ, ນັກສຶກສາ, ຊາວຫວຽດນາມ ຢູ່ຕ່າງປະເທດທີ່ໄດ້ຮັບລາງວັນທີ່ງານປະກວດ.
ຄ້າຍລະດູແລ້ງຫວຽດນາມ 2022 ດຳເນີນໄປໃນ 16 ວັນ ດ້ວຍເສັ້ນທາງຜ່ານ 9 ແຂວງ, ນະຄອນ, ໃນນັ້ນມີການເຄື່ອນໄຫວ 3 ວັນຢູ່ແຂວງເທື່ອທຽນເຫ້ວ.
ບັນດາການເຄື່ອນໄຫວຢູ່ ຄ້າຍລະດູແລ້ງຫວຽດນາມ 2022 ຊ່ວຍໃຫ້ນັກສຶກສາມີຄວາມເຂົ້າໃຈ ແລະ ຕິດພັນກັບບ້ານເກີດເມືອງນອນ ແລະ ປະເທດຕົນ, ໄດ້ຮັບການແລກປ່ຽນພາສາຫວຽດນາມ, ພ້ອມທັງສົ່ງເສີມ ແລະ ລະດົມກໍາລັງໃຈຊາວໜຸ່ມຫວຽດນາມ ຢູ່ຕ່າງປະເທດມານະພະຍາຍາມໃນການຄົ້ນຄ້ວາ, ຮ່ຳຮຽນ ແລະ ປະກອບສ່ວນເຂົ້າໃນວຽກງານຂອງສະມາຄົມ, ຄະນະຢູ່ທ້ອງຖິ່ນກ່ວາອີກ.
ບູນມີ
