| ການປຶກສາຫາລືດ້ານການເມືອງ ຫວຽດນາມ - ລາວ ຄັ້ງທີ 7 | |
| ການປຶກສາຫາລືດ້ານການເມືອງ ຂັ້ນຮອງລັດຖະມົນຕີການຕ່າງປະເທດ ຫວຽດນາມ - ມົງໂກນ ຄັ້ງທີ 10 |
ຕອນເຊົ້າວັນທີ 12 ທັນວາ, ຢູ່ຮ່າໂນ້ຍ, ຄະນະເສດຖະກິດສູງກາງ ໄດ້ຈັດກອງປະຊຸມຂ່າວ ກ່ຽວກັບເວທີປາໄສເສດຖະກິດຫວຽດນາມ ຄັ້ງທີ 5 ດ້ວຍຫົວເລື່ອງ “ເສດຖະກິດຫວຽດນາມ 2023: ຮັກສາເສດຖະກິດມະຫາພາກເປັນປົກກະຕິ, ຮັບປະກັນບັນດາຄວາມດຸ່ນດ່ຽງໃຫ່ຍ, ຜ່ານຜ່າສິ່ງທ້າທາຍ” ຊື່ງຈັດຂຶ້ນໃນວັນທີ 17 ທັນວາ ຢູ່ຮ່າໂນ້ຍ. ເວທີປາໄສຄັ້ງນີ້ ໄດ້ຈັດຂຶ້ນແບບຊຶງໜ້າສົມທົບກັບທາງໄກ ດ້ວຍການເຂົ້າຮ່ວມຂອງຜູ້ແທນກ່ວາ 1000 ທ່ານ ແມ່ນການນຳບັນດາຄະນະ, ກະຊວງ, ຂະແໜງການສູງກາງ ແລະ ທ້ອງຖິ່ນ, ຜູ້ຕາງໜ້າບັນດາອົງການຈັດຕັ້ງສາກົນຫຼາຍຝ່າຍ ແລະ ສະຖານທູດ, ສະຖານກົງສູນບາງປະເທດ, ບັນດາວິສາຫະກິດ…
ເວທີປາໄສຈະເຮັດແຈ້ງການຮັບປະກັນບັນດາຄວາມດຸ່ນດ່ຽງໃຫ່ຍຂອງພື້ນຖານເສດຖະກິດ, ເລືອກເຟັ້ນນະໂຍບາຍໃຫ້ເໝາະສົມໃນປີ 2023 ແລະ ຊຸມປີຕໍ່ໄປ.
 |
| ພາບປະກອບ: VOV |
ເວທີປາໄສລວມມີກອງປະຊຸມຄົບຄະນະໄດ້ດຳເນີນໃນຕອນບ່າຍວັນທີ 17/12; ໃນຕອນເຊົ້າວັນທີ 17 ທັນວານີ້, ກອງປະຊຸມສຳມະນາ 4 ຫົວຂໍ້ໄດ້ຈັດຂຶ້ນ.
ກອງປະຊຸມຄັ້ງນີ້ລວມມີ 5 ບົດລາຍງານຕົ້ນຕໍຄື: ສະພາບລວມເສດຖະກິດຫວຽດນາມ 2022 ແລະ ທິດທາງການເຄື່ອນໄຫວປີ 2023; ຄາດຄະເນເສດຖະກິດໂລກ 2023 ແລະ ບັນດາຂໍ້ສະເໜີນະໂຍບາຍໃຫ້ແກ່ຫວຽດນາມ; ບັນດາບັນຫາທີ່ໄດ້ຍົກອອກໃຫ້ແກ່ເສດຖະກິດຫວຽດນາມ ໃນປີ 2023 ຜ່ານການຕີລາຄາການຕອບສະໜອງນະໂຍບາຍມະຫາພາກຂອງບັນດາປະເທດ ແລະ ຄາດຄະເນຄາດຄະເນເສດຖະກິດອາຊີໃນປີ 2023; ສະຖຽນລະພາບດ້ານການເງິນ, ຕະຫຼາດການເງິນທີ່ມີສຸຂະພາບດີ ແລະ ຕະຫຼາດອະສັງຫາລິມະສັບຫວຽດນາມ ສ້າງພື້ນຖານອັນໜັກແໜ້ນໃຫ້ແກ່ການພັດທະນາເສດຖະກິດໃນປີ 2023; ຍູ້ແຮງການລົງທຶນພາກລັດ ແລະ ເປີດກວ້າງບັນດາແຫຼ່ງທຶນໃຫ້ບັນດາວິສາຫະກິດ ເພື່ອສ້າງບາດກ້າວພັດທະນາເສດຖະກິດຫວຽດນາມ ໃນປີ 2023.
ກອງປະຊຸມສຳມະນາ 4 ຫົວຂໍ້ລວມມີ: ສ້າງພື້ນທີ່ການພັດທະນາ ແລະ ການຊຸກຍູ້ການເຕີບໂຕເສດຖະກິດໃໝ່; ຕະຫຼາດການເງິນ ແລະອະສັງຫາລິມະຊັບທີ່ມີສຸຂະພາບດີ ເພື່ອການພັດທະນາເສດຖະກິດຢ່າງວ່ອງໄວ ແລະຍືນຍົງ; ເລັ່ງແກ້ໄຂບັນດາສິ່ງກີດຂວາງດ້ານການລົງທຶນພາກລັດ ແລະ ການຂອດແຫຼ່ງທຶນໃຫ້ແກ່ບັນດາວິສາຫະກິດ; ຮັບປະກັນປະກັນສັງຄົມ, ສະຫວັດດີການ ແລະ ວຽກເຮັດງານທຳຕິດພັນກັບການພັດທະນາເສດຖະກິດໃນປີ 2023.
ວີໂອວີ
