ບຸນເຕັດທຳອິດຂອງຂ້້າພະເຈົ້າຢູ່ຫວຽດນາມ ແມ່ນໃນປີ 1993. ມັນເປັນບຸນເຕັດ ທີ່ຂ້າພະເຈົ້າປະທັບໃຈທີ່ສຸດ. ຖ້າຫາກວ່າໃນຊຸມມື້ທີ່ໃກ້ຈະຮອດບຸນເຕັດ, ຊີວິດການເປັນຢູ່ແມ່ນຄຶກຄື້ນໜາແໜ້ນ ເພື່ອກະກຽມຕ້ອນຮັບບຸນເຕັດຫຼາຍເທົ່າໃດ, ເຊິ່ງພາຍຫຼັງເວລາສົ່ງທ້າຍປີເກົ່າ-ຕ້ອນຮັບປີໃໝ່ແມ່ນເວລາທີ່ນະຄອນງຽບສະຫງົບເທົ່ານັ້ນ. ໃນຊຸມວັນບຸນເຕັດປີນັ້ນ ອາກາດໜາວຫຼາຍ. ຮ່າໂນ້ຍ ມິດງຽບບໍ່ມີຄົນຫຼາຍຄືມື້ທຳມະດາ, ປະຊາຊົນຫຼາຍຄົນໄດ້ກັບຄືນເມືອບ້ານເກີດເມືອງນອນ. ຍ້ອນຮ້ານຄ້າປິດ, ຕະຫຼາດກໍ່ປິດ, ພວກເຮົາບໍ່ສາມາດຊື້ອາຫານໄດ້, ຜົວເມຍພວກຂ້າພະເຈົ້າ ໄດ້ກິນເຂົ້າຕົ້ມໃນຕະຫຼອດ 5 ວັນຂອງປີໃໝ່ ເຊິ່ງແມ່ນເຂົ້າຕົ້ມທີ່ໝູ່ເພື່ອນມອບໃຫ້. ແລະສິ່ງທີ່ໜ້າສົນໃຈນັ້ນແມ່ນການກິນເຂົ້າຕົ້ມຫວຽດນາມ ກັບກິມຈິຂອງ ສ.ເກົາຫຼີ ແມ່ນແຊບອີຫຼີ.
 |
| ປອ Sim Sang Joon (ສ.ເກົາຫຼີ). |
ຂ້າພະເຈົ້າໄດ້ເລີ່ມຄ່ອຍໆເຂົ້າໃຈວ່າ ບຸນເຕັດມີຄວາມໝາຍເລິກເຊິ່ງ, ສັກສິດ ແລະ ເຕັມໄປດ້ວຍຄຸນຄ່າມະນຸດສາດຂອງຊາວຫວຽດນາມ. ສຳລັບຂ້າພະເຈົ້າແລ້ວ, ບຸນເຕັດຫວຽດນາມ ເຂັ້ມຂຸ້ນໄປດ້ວຍສີສັນຊາດ, ເຕັມໄປດ້ວຍວັດທະນະທຳທີ່ບໍ່ອາດຫຼົງກັບປະເທດອື່ນໄດ້.
ວັດທະນະທຳທີ່ເປັນເອກະລັກສະເພາະໃນບຸນປີໃໝ່ປະຈຳຊາດຫວຽດນາມ ທີ່ເຮັດໃຫ້ຂ້າພະເຈົ້າປະທັບໃຈທີ່ສຸດແມ່ນຮີດຄອງປະເພນີບູຊາບັນພະບຸລຸດ. ພິທີກຳທີ່ດຳເນີນໃນຍາມສົ່ງທ້າຍປີເກົ່າ-ຕ້ອນຮັບປີໃໝ່ ແລະ 3 ວັນຂອງປີໃໝ່ ແມ່ນເພື່ອໃຫ້ລູກຫລານໄດ້ລະນຶກເຖິງຄົນລຸ້ນກ່ອນທີ່ໃຫ້ກຳເນີດ ແລະ ສ້າງເປັນປະເພນີໃຫ້ຄອບຄົວ, ເຊື້ອສາຍ ແລະ ປະເທດຊາດ.
ບຸນເຕັດປີນີ້, ຂ້າພະເຈົ້າຈະໃຊ້ເວລາຂຽນບົດຂຽນກ່ຽວກັບຮີດຄອງປະເພນີບຸນເຕັດ ຂອງຫວຽດນາມ ດ້ວຍພາສາ ສ.ເກົາຫຼີ ເພື່ອລົງພິມໃຫ້ປະຊາຄົມ ຊາວ ສ.ເກົາຫຼີ ຢູ່ ຫວຽດນາມ ເວົ້າສະເພາະ ແລະ ຊາວ ສ.ເກົາຫຼີ ເວົ້າລວມ ໄດ້ເຂົ້າໃຈກ່ຽວກັບບຸນເຕັດຫວຽດນາມ.
ບູນມີ
