ສາຍພູ ອັນຕີ-ອາດລາດ , ປະເທດ ມາໂລ໋ກ: ບັນດາຮູບພາບເຂດປີ່ນຂອງສາຍພູ ອັນຕີ-ອາດລາດ ຖ່າຍໂດຍ ASTER ຂອງດາວທຽມ ເຕີລາ ຂອງ ນາຊ້າ. ເກີດຂື້ນມາໄດ້ປະມານ 80 ລ້ານປີກ່ອນ, ບັນດາຈອມພູກຳເນີດຂື້ນມາໃນຊ່ວງໄລຍະການເລື່ອນປະທະກັນຂອງສອງທະວີບ ອາບຟະລິກາ ແລະ ທະວີບເອີລົບ ຕັ້ງແຕ່ຫຼາຍຊັ້ນຂອງແຮ່ທາດ ຫຼາຍຊະນິດຄື: ຫີນປູນ, ຫີນຊາຍ, ຫີນອ່ອນ ແລະ ຫີນແກຼນນິດ.
ໜອງ ຊິງໄຫ່, ປະເທດ ສປ ຈີນ: EarthKAM ຂອງ NASA ໄດ້ຖ່າຍພາບສະເໝືອນຈິງຂອງ ໜອງ ຊິງໄຫ່ - ເປັນໜອງທີ່ໃຫຍ່ທີ່ສຸດຂອງ ສປ ຈີນ. ນອນຢູ່ເທິງພູພຽງ ທິເບດ ໜອງມີຄວາມຍາວຫຼາຍກວ່າ 2.5km2 ແລະ ມີຄວາມເລິກເຖິງ 25.6m.
ປາລີດ, ປະເທດ ຝລັງເສດ: ຫໍ Eiffel ເປັນພຽງແຕ່ຈຸດດຳຢູ່ໄດ້ກັບແມ່ນ້ຳ ແຊນ ແນມຜ່ານຮູບພາບຈາກດາວທຽມ NASA Terra
Empty Quarter, ປະເທດ ອາລັບເຊອຸດ: EarthKAM ຂອງ ນາຊ້າ ຖ່າຍເຂດຊາຍແດນລະຫວ່າງ ເຂດນອກເມືອງຂອງນະຄອນ As Sulayyil Sulayel ແລະ ທະເລຊາຍ Rub al Khali ຂອງ ປະເທດ ອາລັບເຊອຸດ. ສະຖານທີ່ນີ້ຍັງເອີ້ນວ່າ Empty Quaeter ທະເລຊາຍທີ່ກວ້າງໃຫຍ່ທີ່ສຸດຂອງໂລກ.
ສວນສັດແຫ່ງຊາດ Grand Canyon, ປະເທດ ສະຫະລັດອາເມລິກາ: ເປັນສິ່ງທີ່ມະຫັດສະຈັນທາງທຳມະຊາດ ສວນສັດແຫ່ງຊາດແຫ່ງນີ້ມີຊື່ສຽງໂດງດັງທີ່ສຸດຂອງ ສະຫະລັດອາເມລິກາ ແກ່ຍາວຮອດ 445 ກມ ແລະ ເລິກ 1.6 ກມ. ແນມຈາກດາວທຽມ ບັນດາເສັ້ນຕໍ່ຫີນແດງ ຂອງສາຍພູຫີນເບິ່ງຄ້າຍກັບເປັນ ຜະລິດຕະພັນຂອງສິນລະປະອັນໜື່ງທີ່ໜ້າສະອອນ.
ປາຕາໂກເນຍ, ປະເທດ ຊີລີ : ອົງການນາຊ້າ ໃຊ້ຮູບພາບ ASTER ເພື່ອກວດກາສະຖານະການຂອງແມ່ນ້ຳກ້າມທີ່ເລີ່ມແຄບເຂົ້າ ເປັນດັ່ງສິ່ງວັດແທກເຕືອນກ່ຽວກັບຄວາມຮ້ອນຂື້ນຂອງໜ່ວຍໂລກ. ນ້ຳກ້ອນຢູ່ທາງເໜືອຂອງ ປາຕີໂກເນຍ ສີໄດ້ຈາງລົງ ຜ່ານຊັ້ນພືດສາຊາດສີແດງ ເປັນເໝືອນດັ່ງສິ່ງວັດແທກຂະໜາດຂອງແມ່ນ້ຳກ້າມຜ່ານເວລາ.
ກຳແພງເມືອງຈີນຂອງ ປະເທດ ສປ ຈີນ: ທອດຍາວກວ່າ 21.000 ກມ ທາງພາກເໜືອຂອງຈີນ, ກຳແພງເມືອງຈີນ ຖືກກໍ່ສ້າງໃນສັດຕະວັດທີ 3 ກ່ອນຄຼິດສັກກະລາດ. ກຳແພງເມືອງຈີນອັນເກົ່າແກ່ປະຈຸບັນເປັນໜື່ງໃນສະຖານທີ່ທ່ອງທ່ຽວທີ່ມີຜູ່ຄົນມາຢ້ຽມຊົມຫຼາຍທີ່ສຸດໃນໂລກ. ດາວທຽມ Terra ຖ່າຍຮູບນີ້ແມ່ນຢູ່ທາງເໜືອຂອງ ຊານຊີ, ເປັນບ່ອນທີ່ພູຜາສອດປະສານກັນຢ່າງສະຫຼັບສັບຊ້ອນ.
ລີໂອ ກູລູປີ, ປະເທດ ບຼາຊິນ : ຮູບພາບທີ່ໄດ້ຈາກ EarthKAM ຂອງ ລີໂອ ກູລູປີ ຢູ່ປະເທດ ບຼາຊິນ ເບິ່ງຄືເປັນສິ່ງທີ່ຢູ່ໃນມະໂນພາບ . ເປັນສ່ວນໜື່ງຂອງເຂດອະນຸລັກ ຊີວະສາດ ກູລູປີ ສາຍແມ່ນ້ຳທີ່ໄຫຼໄປສູ່ເຂດທົ່ງພຽງໄກ້ກັບນ້ຳທະເລ, ເຂດທີ່ມີລະບົບນິເວດນາໆພັນມີໝູ່ເກາະ ຫຼາຍສິບໝູ່ເກາະ, ປ່າຊາຍເລ, ເນີນຫາດຊາຍ, ແລະ ຊາຍຝັ່ງຫາດຊາຍ.
ເຂດອະນຸລັກຊັ້ນບັນຍາກາດ ດານູບ, ປະເທດ ຢູເຄຼນ: ເປັນແມ່ນ້ຳທີ່ຍາວທີ່ສຸດຂອງ ສະຫະພາບ ເອີລົບ, ແມ່ນ້ຳນີ້ ໄຫຼຜ່ານ 19 ປະເທດ ປະກອບມີ: ເຢຍລະມັນ, ອ໋ອດສະເຕຍ,ໂຮງກາລີ, ແລະ ຢູເຄຼນ. ສະຖານນີຕິດຕາມການໝຸນປີ່ນຂອງໜ່ວຍໂລກ ອົງການນາຊ້າ ໄດ້ຖ່າຍຮູບເຂດທົ່ງພຽງ ຂອງແມ່ນ້ຳ ດານູບ, ເປັນບ່ອນທີ່ ແມ່ນ້ຳໄຫຼໄປສູ່ທະເລດຳ. ເຂດນີ້ເປັນມໍລະດົກໂລກ ຂອງອົງການສະຫະປະຊາຊາດ ແລະ ເປັນທັງເຂດທີ່ມີຄວາມອຸດົມສົມບູນດ້ວຍສັດສາວາສິ່ງນາໆພັນ ມີນົກຫຼາຍກວ່າ 300 ຊະນິດ.
ຊາຍຝັ່ງທະເລ ເກຼນ ບາຮາມາ: ຮູບພາບແຕ່ເຂດນ້ຳເລິກຂອງ ລິ້ນມະຫາສະໝຸດ (ເປັນເຫວພູຢູ່ໃຕ້ນ້ຳ) ນອນຢູ່ໃນຊາຍຝັ່ງຂອງໝູ່ເກາະ.
ສາຍພູ ອັນເດດ: ສາຍພູ ອັນເດດ ຂອງອາເມລິກາໃຕ້ ຖ່າຍດ້ວຍ EarthKAM
ເກາະ Sakhalin ປະເທດ ລັດເຊຍ: ນອກຊາຍຝັ່ງທະເລ ຂອງ ປະເທດ ລັດເຊຍ, ທາງພາກເໜືອຂອງຢີປຸ່ນ, ເກາະ Sakhalin ເບິ່ງຄ້າຍຄືກັບຮູບພາບໃນມະໂນພາບ ຮູບພາບຖ່າຍດ້ວຍ EarthKAM.
ວັດ ເຊັນ ເອນໂທນີ, ປະເທດ ອີຢີບ: ວັດ ເຊັນ ເອນໂທນີ, ຢູ່ ປະເທດ ອີຢີບ ປຽບດັ່ງໂຕແມງຮິງຫ້ອຍນ້ອຍ, ຊ່ອນໂຕເອງໄກ້ກັບທະເລແດງ.
ນີ້ແມ່ນວັດ ທີ່ສອນສາດສະໜາເກົ່າແກ່ທີ່ສຸດຂອງໂລກ.
ອ່າວເປີເຊຍ: ແຕ່ຊັ້ນບັນຍາກາດເທິງ ອ່າວເປີເຊຍ, EarthKAM ໄດ້ຖ່າຍຮູບນີ້ ຂອງແມ່ນ້ຳ Tigris, Euphrates, Shatt al-Arab ແລະ Karun ໄປສູ່ເຂດທົ່ງພຽງ ບູຮານ.
ເຂດ ອ໋າວແບັກ ກັນດານຂອງ ອ໋ອດສະເຕເລຍ: ຮູບພາບສະເໝືອນຈິງຈາກອາວາກາດ ຂອງ ໜອງໄກ້ກັບ ທະເລຊາຍຫີນຂອງເຂດທຸລະກັນດາຂອງ ອ໋ອດສະເຕເລຍ.
(ຫັດທະບູນ)