| ນະຄອນຫຼວງວຽງຈັນ ຈັດຂຶ້ນພິທີຖວາຍພຣະເພີງພຣະສະ ຣິຣະສັງຂານ (ເຜົາພະສົບ) | |
| ຊາວນະຄອນຫຼວງ ຮ່ວມສືບສານປະເພນີວຽນທຽນ ໂອກາດບຸນພະທາດຫຼວງ ຢ່າງຄຶກຄື້ນ |
ພາບຄວັດແກະສະຫຼັກ ທາດຫຼວງ ໄດ້ເຮັດຈາກໄມ້, ມີສີຕັບໝູເຂັ້ມ ແລະ ໄດ້ຄວັດແກະສະຫຼັກແບບລຽບງ່າຍ. ຢູ່ໃຕ້ພາບແມ່ນຖານຮອງຈຳລອງພູມສັນຖານຂອງປະເທດລາວ ດ້ວຍ 3 ພາກ ເໜືອ - ກາງ - ໃຕ້ ແລະ ຕົວໜັງສື LAO PDR. ຢູ່ສ່ວນກາງຂອງພາບແມ່ນຄວັດແກະສະຫຼັກຮູບວັດທາດຫຼວງ, ໃນພາບນັ້ນ ມີຮູບດອກບົວກັບປະຕູໂຂງ. ສ່ວນເທິງສຸດຂອງພາບ ແມ່ນລາຍລະອຽດຂອງຕົວທາດຫຼວງກັບບັນດາທາດນ້ອຍຢູ່ອ້ອມຂ້າງດ້ວຍກິ່ງດອກໄມ້ 2 ກິ່ງ ຈຳລອງພະຍານາກຄຸ່ໜຶ່ງ ອັນໄດ້ເຮັດໃຫ້ຈອມທາດຍິ່ງເດັ່ນຂຶ້ນ.
ຂອງຂວັນໄດ້ເຮັດໃຫ້ຂ້າພະເຈົ້າຄິດຮອດບັນດາຄວາມຊົງໃຈທີ່ສວຍງາມກ່ຽວກັບຊຸດຝືກອົບຮົມຂອງພະນັກງານຂຶ້ນກັບສູນກາງສະຫະພັນກຳມະບານລາວໃນປີ 2017…
ກ່ອນເກີດພະຍາດໂຄວິດ - 19, ທຸກໆປີ, ມະຫາວິທະຍາໄລກຳມະບານ ຫວຽດນາມ ໄດ້ຕ້ອນຮັບຄະນະພະນັັກງານສູນກາງສະຫະພັນກຳມະບານລາວ ມາຝືກອົບຮົບໄລຍະສັ້ນກ່ຽວກັບທິດສະດີ ແລະ ວຽກງານກຳມະບານ. ຄະນະວິຊາທິດສະດີ ແລະ ວຽກງານກຳມະບານ (ປັດຈຸບັນ ແມ່ນຄະນະພົວພັນແຮງງານ ແລະ ກຳມະບານ) ໄດ້ມອບໜ້າທີ່ຕິດຕາມ, ຄຸ້ມຄອງຂະບວນການສິດສອນໃນຫ້ອງຮຽນຂອງຊຸດຝືກອົບຮົມໃຫ້ແກ່ຂ້າພະເຈົ້າ. ໃນລະດູໜາວປີ 2017, ຊຸດຝືກອົບຮົບໄດ້ດຳເນີນຊ້າກ່ວາເມື່ອທຽບໃສ່ກັບທຸກໆປີ. ເພາະສະນັ້ນ, ມີສຳມະນາກອນບໍ່ໜ້ອຍໃນຈຳນວນ 15 ຄົນຂອງຊຸດຝືກອົບຮົບ ຮູ້ສຶກບໍ່ຄຸ້ນເຄີຍກັບອາກາດໜາວຈັດຂອງລະດູໜາວຢູ່ຮ່າໂນ້ຍ.
 |
| ພາບຄວັດສະຫຼັກນູນ ທາດຫຼວງ |
ໃນການຮຽນ, ສິ່ງທີ່ເຮັດໃຫ້ຂ້າພະເຈົ້າຮູ້ສຶກປະທັບໃຈທີ່ສຸດນັ້ນແມ່ນການປະພຶດໃນການຮ່ຳຮຽນທີ່ເຂັ້ມງວດ ແລະ ຄວາມດູໝັ່ນຕັ້ງໃຈຂອງນັກສຳມະນາກອນລາວ. ດ້ວຍກິລິຍາທີ່ຄ່ຽມຄົມ ແລະ ໃຈດີ, ບັນດານັກສຳມະນາກອນຂອງຊຸດຝືກອົບຮົບ ໄດ້ເພີດເພີນກັບການສຳຜັດກັບຄວາມຮູ້ພໍສົມຄວນ. ມີບາງຊົ່ວໂມງທີ່ຮຽນຍາມຕອນບ່າຍ ເຖິງວ່າ ຈະເລີກຕອນເວລາ 16 ໂມງ 30 ນາທີ ແຕ່ນັກສຳມະນາກອນທຸກຄົນລ້ວນແຕ່ຢາກຖາມຕື່ມຈົນຮອດເວລາ 17 ໂມງ 30 ນາທີ ຈຶ່ງໄດ້ເລີກ. ເຖິງວ່າຈະເປັນນັກສຳມະນາກອນ ແຕ່ສ່ວນຫຼາຍກໍແມ່ນພະນັກງານກຳມະບານຂັ້ນເມືອງຂຶ້ນໄປ. ເຂົາເຈົ້າກໍ່ມີປະສົບການຫຼາຍຢ່າງໃນການເຄື່ອນໄຫວກຳມະບານຂັ້ນຮາກຖານ. ຜ່ານການແລກປ່ຽນ, ມີນັກສຳມະນາກອນຫຼາຍຄົນຍັງແບ່ງປັນບົດຮຽນປະສົບການໃນຕົວຈິງທີ່ມີຊີວິດຊີວາ ແລະ ລ້ຳຄ່າໃນວຽກງານພັດທະນາກຳມະບານລາວ. ໃນແງ່ມູນຂອງອາຈານ, ພວກຂ້າພະເຈົ້າຕີລາຄາສູງບັນດາຄວາມຮູ້ທີ່ໄດ້ຮັບຈາກນັກສຳມະນາກອນລາວ.
ກໍ່ຍ້ອນລັກສະນະພິເສດດ້ານລະດັບວິຊາສະເພາະຂອງນັກສຳມະນາກອນ, ເພາະສະນັ້ນ ຊຸດຝືກອົບຮົບກໍ່ຮຽກຮ້ອງການເຮັດວຽກແບບສັງລວມພໍສົມຄວນ: ນັກສຳມະນາກອນທັງອັບເດດຄວາມຮູ້ໃໝ່, ທັງໄດ້ໄປທັດສະນະຢູ່ກຳມະບານຂັ້ນຮາກຖານຢູ່ບັນດາວິສາຫະກິດ, ຮາກຖານຜະລິດຢູ່ບັນດາແຂວງຄື: ເງະອານ, ກ໋ວາງນິງ, ຫ໋າຍຝ່ອງ. ນັກສຳມະນາກອນຫຼາຍຄົນໄດ້ແບ່ງປັນວ່າ: ການໄປທັດສະນະຄືດັ່ງກ່າວ ມີຄວາມໝາຍຢ່າງແທດຈິງໃນການເຄື່ອນໄຫວຂອງກຳມະບານລາວ ກໍ່ຄື ຫວຽດນາມ. ພຽງແຕ່ພາຍຫຼັງໄລຍະສັ້ນໆ, ມີນັກສຳມະກອນຫຼາຍຄົນກໍ່ບໍ່ມີທ່າທີອືດອາດອີກ ທັນທີ່ນັ້ນແມ່ນການເຊື່ອມຕົວເຂົ້າກັບສະພາບການຮຳ່ຮຽນ ແລະ ຕິດພັນກັບຄູອາຈານກ່ວາເກົ່າ.
ນອກຈາກຊົ່ວໂມງຮຽນ, ຂ້າພະເຈົ້າຍັງຮ່ວມເດີນທາງກັບບັນດານັກສຳມະນາກອນໃນການທ່ອງທ່ຽວໄປຢ້ຽມຢາມສຸສານໂຮ່ຈີມິນ, ຢ້ຽມຊົມທຳນຽບປະທານປະເທດ, ວັນມ້ຽວກວັກຕືຢາມ, ກຳແພງເມືອງ ພະລາຊະວັງທັງລອງ… ເມື່ອມາທ່ອງທ່ຽວຢູ່ບັນດາສະຖານທີ່ດັ່ງກ່າວ, ນັກສຳມະນາກອນລາວທຸກຄົນລ້ວນແຕ່ມີຄວາມປະທັບໃຈທີ່ສວຍງາມ. ມີຫຼາຍຄົນກໍ່ເວົ້າເຖິງບັນດາທິວທັດທຳມະຊາດຂອງລາວ ແລະ ຫວັງວ່າ ໃນອະນາຄົດເມື່ອພວກຂ້າພະເຈົ້າໄປລາວຈະພາໄປທ່ຽວຢູ່ບັນດາສະຖານທີ່ນັ້ນ. ນ້ຳໃຈຄວາມຮັກແພງລະຫວ່າງ ຄູອາຈານ ແລະ ນັກສຳມະນາກອນຄ່ອຍໆມີຄວາມສະໜິດສະໜົມ, ຂ້າພະເຈົ້າກໍ່ໄດ້ເຊື້ອເຊີນນັກສຳມະນາກອນມາກິນເຂົ້າຢູ່ເຮືອນຂອງຕົນເພື່ອຈະມີໂອກາດທີ່ດີ ເຮັດໃຫ້ພວກຂ້າພະເຈົ້າມີຄວາມເຂົ້າໃຈເຊິ່ງກັນແລະກັນກ່ວາອີກ. ສິ່ງທີ່ເປັນໜ້າຈັບອົບຈັບໃຈແມ່ນ ເພື່ອນລາວມັກກິນອາຫານທະເລ. ສິ່ງນີ້ກໍ່ສາມາດເຂົ້າໃຈໄດ້ງ່າຍໆວ່າ ຍ້ອນພູມີສາດຂອງລາວບໍ່ມີບ່ອນໃດຕິດກັບທະເລ.
 |
| ຜູ້ຂຽນ ແລະ ພາບຄວັດສະຫຼັກນູນ ທາດຫຼວງ |
ໄລຍະຮຽນ 2 ເດືອນຜ່ານໄປຢ່າງວ່ອງໄວ, ນັກສຳມະນາກອນກໍ່ຮອດເວລາຕ້ອງກັບເມືອລາວ. ຍາມລາຈາກກັນ ກໍ່ແມ່ນຈຸດເວລາທີ່ເຕັມໄປດ້ວຍຄວາມຮູ້ສຶກຕື້ນຕັນ ແລະ ສະເທືອນໃຈລະຫວ່າງຄູອາຈານ ແລະ ນັກສຳມະນາກອນພາຍຫຼັງໄລຍະໜຶ່ງທີ່ຕິດພັນກັນ. ຫົວໜ້າຄະນະນັກສຳມະນາກອນໄດ້ມອບພາບໄມ້ທີ່ວັດແກະສະຫຼັກທາດຫຼວງ - ສັນຍາລັກຂອງປະເທດ ສປປ.ລາວ, ພາບຢູ່ໃນກາໝາຍແຫ່ງຊາດ ແລະ ຢູ່ໃນໃບເງິນຂອງປະເທດລາວອ້າຍນອງ. ຂ້າພະເຈົ້າຮູ້ສຶກຕຶ້ນຕັນໃຈ ເມື່ອໄດ້ຮັບຂອງຂວັນພ້ອມກັບຄຳເວົ້າຂອງຫົວໜ້າຄະນະທີ່ວ່າ: “ພວກນ້ອງຢາກຕ້ອນຮັບອາຈານ ເມື່ອອາຈານໄປວຽງຈັນ, ຢ້ຽມຢາມທາດຫຼວງ ໃນໂອກາດວັນບຸນເດືອນພະຈິກ ເດີ້ອາຈານ!”. ສຳລັບຂ້າພະເຈົ້າ, ນັ້ນແມ່ນຂອງຂວັນທີ່ເຕັມໄປດ້ວຍຄວາມໝາຍ. ມັນກໍ່ແມ່ນສານທີ່ເຕື້ອງເຖິງພື້ນຖານວັດທະນະທຳທີ່ເຕັມໄປດ້ວຍສີສັນກັບວັດທະນະທຳທີ່ເປັນມູນເຊື້ອຂອງລາວ. ພ້ອມທັງກໍ່ແມ່ນຂົວເຊື່ອມຕໍ່ນ້ຳໃຈສາມັກຄີ, ຄວາມເຂົ້າໃຈ ແລະ ເຄົາລົບລະຫວ່າງນ້ຳໃຈຄູອາຈານ, ຄູ່ຮ່ວມງານ ຫວຽດນາມ - ລາວ.
ໃນຕະຫຼອດໄລຍະ 5 ປີຜ່ານມາ, ຂ້າພະເຈົ້າຍາມໃດກໍ່ຮັກສາວັດຖຸທີ່ເປັນອະນຸສອນຂອງບັນດານັກສຳມະນາກອນລາວ ໃນຊຸດຝືກອົບຮົມປີ 2017 ໄວ້ໃນຫ້ອງເຮັດວຽກ. ນັ້ນແມ່ນການເຕືອນກ່ຽວກັບຄວາມຊົງຈຳອັນສວຍງາມ, ສຸດຈິດສຸດໃຈຂອງນັກສຳມະນາກອນກຳມະບານລາວ. ຜ່ານນັ້ນກໍ່ໄດ້ຊ່ວຍໃຫ້ຂ້າພະເຈົ້າໃນການຊອກຮູ້ກ່ຽວກັບຄວາມງາມທາງດ້ານວັດທະນະທຳທີ່ເປັນເອກະລັກສະເພາະຂອງປະເທດລາວ ຕື່ມອີກ ແລະ ຫວັງວ່າໃນວັນໜຶ່ງຈະມີໂອກາດມາຢ້ຽມຢາມປະເທດດອກຈຳປາທີ່ສວຍງາມ, ຮັບຊົມຄວາມງາມທີ່ໃຫຍ່ໂຕມະໂຫຖານ ຂອງທາດຫຼວງທີ່ຢູ່ທ່າມກາງນະຄອນຫຼວງວຽງຈັນ…
ບຸນຄົງ
