ໂດຍຕີລາຄາສູງເລື່ອງຫວຽດນາມ ໄດ້ຮັບການເລືອກຕັ້ງເປັນສະມາຊິກສະພາສິດທິມະນຸດສະຫະປະຊາຊາດ ອາຍຸການ 2023-2025, ທ່ານ ສາດສະດາຈານ Gu Yuanyang ສັງກັດສະຖາບັນວິທະຍາສາດສັງຄົມຈີນ ໃຫ້ຮູ້ວ່າ: ນີ້ແມ່ນຄັ້ງທີ 2 ທີ່ ຫວຽດນາມ ໄດ້ຮັບດໍາລົງຕຳແໜ່ງທີ່ສຳຄັນດັ່ງກ່າວ, ສະແດງໃຫ້ເຫັນຄວາມເຊື່ອໝັ້ນຂອງປະຊາຄົມໂລກຕໍ່ບົດບາດ ແລະ ທີ່ຕັ້ງຂອງຫວຽດນາມ ພາຍຫຼັງຫຼາຍປີທີ່ຕັ້ງໜ້າເຊື່ອມໂຍງເຂົ້າກັບໂລກຢ່າງເລິກເຊິ່ງກວ້າງຂວາງ.
 |
| ທ່ານສາດສະດາຈານ Gu Yuanyang. ພາບ: ວີຊາ |
 |
| ທ່ານສາດສະດາຈານ Gu Yuanyang ແລະ ພັນລະຍາ. ພາບ: ວີຊາ |
ນັກຮຽນຮູ້ຈີນ ຖືວ່າ ພາຍຫຼັງ 35 ປີແຫ່ງການດໍາເນີນພາລະກິດປ່ຽນແປງໃໝ່ໃນທຸກຂົງເຂດຂອງການດຳເນີນຊີວິດການເມືອງ, ເສດຖະກິດ, ສັງຄົມ, ຫວຽດນາມ ບັນລຸໄດ້ບັນດາຜົນງານທີ່ສຳຄັນຫຼາຍຢ່າງ, ໃນນັ້ນ, ພົ້ນເດັ່ນແມ່ນການປັບປຸງຊີວິດທາງດ້ານວັດຖຸ ແລະ ຈິດໃຈຂອງປະຊາຊົນ, ລົບລ້າງຄວາມອຶດຫີວ, ຫຼຸດຜ່ອນຄວາມທຸກຍາກ, ເພີ່ມລາຍຮັບ, ສ້າງວຽກເຮັດງານທຳມຸ່ງໄປເຖິງສັງຄົມທີ່ມີຄວາມຈະເລີນຮຸ່ງເຮືອງ ແລະ ມີຄວາມຜາສຸກ.
ຕາມທ່ານສາດສະດາຈານ Gu Yuanyang ແລ້ວ, ໂດຍປະຕິບັດຕາມໜ້າທີ່ຮັບຜິດຊອບເຊິ່ງ ຫວຽດນາມ ດໍາລົງຕຳແໜ່ງໃນບັນດາກົນໄກຮ່ວມມືຫຼາຍຝ່າຍຢູ່ພາກພື້ນ ແລະ ໃນໂລກ, ດ້ວຍບັນດາປະສົບການໃນການພັດທະນາເສດຖະກິດ - ສັງຄົມ, ປັບປຸງຊີວິດການເປັນຢູ່ຂອງປະຊາຊົນ, ປ້ອງກັນ, ຕ້ານໂລກລະບາດ ແລະ ຮັບປະກັນສິດທິມະນຸດໃນຊຸມປີມໍ່ໆມານີ້. ຫວຽດນາມ ສາມາດປະຕິບັດບົດບາດເປັນສະມາຊິກສະພາສິດທິມະນຸດສະຫະປະຊາຊາດໄລຍະ 2023-2025 ໄດ້ເປັນຢ່າງດີ.
 |
| ຄະນະຜູ້ແທນຫວຽດນາມ ໄດ້ເຂົ້າຮ່ວມກອງປະຊຸມລົງຄະແນນສຽງ ແລະ ປະກາດໝາກຜົນການເຂົ້າເປັນສະມາຊິກສະພາສິດທິມະນຸດສະຫະປະຊາຊາດ. ພາບ: TTXVN |
ບູນມີ
