ຄົວລາວ - ລົດຊາດລາວໃນໃຈກາງຮ່າໂນ້ຍ

	CNN ນໍາປະເທດລາວ ເຂົ້າໃນບັນຊີລາຍຊື່ປາຍທາງທີ່ດີທີ່ສຸດໃນປີ 2023
	ລົດຊາດຂອງບ້ານເກີດເມືອງນອນ ສະຫງວນໃຫ້ປະຊາຄົມຊາວຫວຽດນາມ ອາໄສຢູ່ ຮຸງກາຣີ

ສະຖາປັດຕະຍະກຳພາຍໃນຮ້ານຄົວລາວຍັງມີສະໄຕແບບໃໝ່ໆ, ທັນສະໄໝ, ຝາເຮືອນ ຖືກຕົກແຕ່ງດ້ວຍຫຼາຍສີສັນ, ຮູບພາບເອກະລັກພິເສດ, ໜ້າຈັບຕາ. ນີ້​ແມ່ນ​ການ​ສົມທົບ​ກັນ​ຢ່າງ​ຄ່ອງ​ແຄ້ວ​ລະຫວ່າງ​ສອງ​ວັດທະນະທຳ ຫວຽດນາມ - ລາວ, ທັງ​ທີ່​ຄຸ້ນ​ເຄີຍ ​ແລະ ​ແປກໃໝ່.

ຢູ່ໃນຮ້ານ ນອກຈາກ​ ເຂັ້ມຂຸ້ນໄປດ້ວຍ​ສີສັນວັດທະນະທຳ​ລາວແລ້ວ, ກໍຍັງ​ມີ​ການ​ປະກົດ​ຕົວ​ຂອງ​ດົນຕີ​ລາວ. ຢູ່ທີ່ນັ້ນ, ວົງດົນຕີລາວຈະສະແດງໃນທຸກຄືນວັນສຸກ ແລະ ວັນເສົາຂອງແຕ່ລະອາທິດ.

ແຂກມາຊີມອາຫານລາວຢູ່ຄົວລາວ

ເຈົ້າຂອງຮ້ານແຫ່ງນີ້ແມ່ນ ທ່ານ ພົມພິທັດ ອຸປະເສີດ, ຄູສອນພາສາລາວ, ມະຫາວິທະຍາໄລພາສາຕ່າງປະເທດ (ມະຫາວິທະຍາໄລແຫ່ງຊາດ ຮ່າໂນ້ຍ). ປີ 2020, ຄົວລາວ ໄດ້ເປີດຢູ່ດາລາດ ແລະ ຮ່າໂນ້ຍ. ທີ່ຮ່າໂນ້ຍ, ຄົວລາວ ມີສອງສາຂາ. ສາຂາ 1 ຕັ້ງຢູ່ ເລກທີ 1 ຮ່ອມ 82 ຈົ່ວລ໋າງ, ດົ໋ງດາ, ຮ່າໂນ້ຍ. ສາຂາ 2 ຕັ້ງຢູ່ ເລກທີ 8 ຕົ່ງຢຸຍເຕີນ, ຮ່າງບົງ, ຮວ່ານກ໋ຽມ, ຮ່າໂນ້ຍ.

ໂດຍຄວາມຫວັງຢາກໂຄສະນາເຜີຍແຜ່ວັດທະນະທໍາອານາຈັກລ້ານຊ້າງທີ່ຫວຽດນາມ, ຄົວລາວ ໄດ້ອອກແບບຕາມສະໄຕສະຖາປັດຕະຍະກໍາຂອງວັດທະນະທໍາລາວ. ຍ່າງເຂົ້າສູ່ຄົວລາວ, ແຂກກໍເໝືອນໄດ້ກ້າວເຂົ້າສູ່ເຮືອນແບບລາວທີ່ນ້ອຍໆ, ອົບອຸ່ນ... ແຕ່ມີລັກສະນະສະເພາະພິເສດເຊິ່ງເປັນເອກະລັກຂອງພື້ນຖານວັດທະນະທໍາລາວ.

ຮ້ານອາຫານມີພໍ່ຄົວສາມຄົນ. ພໍ່ຄົວຜູ້ໜຶ່ງມີອາຍຸສູງ - ເປັນພໍ່ຄົວຫຼັກ, ຮັບຜິດຊອບແຕ່ງອາຫານພື້ນເມືອງ. ຍ້ອນວ່າ ປົກກະຕິຄົນທີ່ມາທີ່ນີ້ມັກຈະເປັນຄົນລາວ ທີ່ສຶກສາຮໍ່າຮຽນ ແລະ ເຮັດວຽກຢູ່ ຫວຽດນາມ, ຫຼື ຄົນຫວຽດນາມ ທີ່ເຄີຍຢູ່ລາວ ເມື່ອກັບເມືອບ້ານ, ເຂົາເຈົ້າຢາກໄດ້ກິນອາຫານທີ່ເປັນຄວາມຊົົງຈຳຂອງໄລຍະໜຶ່ງທີ່ເຄີຍຢູ່ລາວນັ້ນ ເຊັ່ນ ລາບ, ເຂົ້າໜຽວ, ແກງປາ...

ພໍ່ຄົວຜູ້ທີ່ໜຸ່ມກວ່າໄດ້ຮັບຜິດຊອບການປຸງແຕ່ງບັນດາເຍື່ອງອາຫານລາວໃໝ່ໆເຊັ່ນ ອາຫານຈານດຽວ, ປີ້ງຊີ້ນ... ແຕ່ລະປີມີນັກສຶກສາລາວມາຮຽນຢູ່ຫວຽດນາມປະມານ 1.500 ຄົນ, ສ່ວນຫຼາຍເຂົາເຈົ້າມັກອາຫານໃໝ່ໆ, ກິນໄວ, ບາງທີຈຶ່ງເລືອກອາຫານພື້ນເມືອງ…. ແລະພໍ່ຄົວຄົນໜຶ່ງຈະຮັບຜິດຊອບການໂຄສະນາ “ອາຫານພິເສດ” - ຕໍາລາວ 40 ເຍື່ອງ. ຖ້າຫາກວ່າມີເວລາ, ເຈົ້າຂອງຮ້ານກໍລົງມືເຮັດຕໍາເຊິ່ງເປັນອາຫານເອກະລັກ.

ມາຄົວລາວແຂກຈະສໍາຜັດໄດ້ເຖິງພື້ນຖານວັດທະນະທຳອາຫານຂອງດິນແດນລ້ານຊ້າງທັງດ້ານຮູບ-ກິ່ນ- ລົດຊາດ

ເຈົ້າຂອງຮ້ານ ທ່ານ ພົມພິທັດ ອຸປະເສີດ ໃຫ້ຮູ້ວ່າ, ເມນູຂອງຄົວລາວມີອາຫານ 300 ເຍື່ອງທີ່ເປັນເອກະລັກສະເພາະ, ເຊິ່ງໄດ້ປຸງແຕ່ງຈາກວັດຖຸດິບທີ່ສົດໆໃໝ່ໆ, ປະສົມກັບເຄື່ອງປຸງທີ່ເປັນເອກະລັກຂອງລາວ. ​ໃນເມນູ​ນັ້ນ ​ມີ​ແກງ 30 ເຍື່ອງ​ເຊິ່ງມາ​ຈາກ 18 ​ແຂວງ​ຂອງ​ລາວ, ​ມີຕໍາ 37 ເຍື່ອງ, ​ເຂົ້າແບ່ງ​ອອກ​ເປັນ 2 ປະເພດ, ​ເຂົ້າຜັດ 20 ເຍື່ອງ, ​ເຂົ້າ​ຈ້າວ 20 ເຍື່ອງ, ສະຫຼັດລາວ​ປະມານ 30 ​ເຍື່ອງ, ເຂົ້າປຽກ, ເຂົ້າປຸ້ນ, ອາຫານຈືນ, ປີ້ງ, ໜື້ງ, ເຄື່ອງດື່ມ... ນອກຈາກນັ້ນ, ຄົວລາວ ຍັງມີຊື່ສຽງກ່ຽວກັບລາບທີ່ແຊບໆຄື ລາບເປັດ, ໝູ, ງົວ ເຊິ່ງຖືກຄັດເລືອກຢ່າງລະມັດລະວັງເພື່ອເຮັດໃຫ້ລົດຊາດຂອງອາຫານມີຄວາມດຶງດູດກວ່າ.

ແກງ​ລາວຊ່ວຍໃຫ້​ອຸ່ນທ້ອງ​​ຍາມ​ລົມ​ຕາ​ເວັນ​ອອກ​ໃກ້ຈະມາເຖິງ, ເຊິ່ງເໝາະ​ສົມ​ກັບ​ອາ​ກາດ​ຍາມ​ນີ້. ດ້ວຍລົດຊາດສົ້ມຫວານ, ແກງຕົ້ມຍໍາທີ່ເບິ່ງຄືວ່າຄຸ້ນເຄີຍກັບຫຼາຍຄົນແລ້ວ ແຕ່ຈະມີລົດຊາດແປກຍ້ອນໄດ້ປຸງແຕ່ງຕາມແບບພື້ນເມືອງລາວ ແລະ ວັດຖຸດິບເອົາມາຈາກດິນແດນລ້ານຊ້າງ. ແກງຕົ້ມຍໍາລາວ ໄດ້ມີວິທີການປຸງແຕ່ງແບບພິເສດ, ເຊິ່ງສຸມໃສ່ເຂົ້າໃນການກະຕຸ້ນຄວາມຮູ້ສຶກຂອງຜູ້ຊີມອາຫານ. ດັ່ງນັ້ນ, ນີ້ຈະເປັນທາງເລືອກທີ່ດີໃນເວລາເຕົ້າໂຮມທີ່ມີຄວາມພິເສດ ແລະ ອາດລືມໄດ້ຍາກ.

ແຕ່ລະເຍື່ອງອາຫານທີ່ແຕ່ງຈາກປາຢູ່ຄົວລາວ ດ້ວຍຫຼາຍວິທີປຸງແຕ່ງແຕກຕ່າງກັນ, ແຕ່ກໍນໍາມາລົດຊາດທີ່ແຕກຕ່າງ ແລະ ພິເສດ

ແຕ່ລະເຍື່ອງອາຫານທີ່ແຕ່ງຈາກປາ ດ້ວຍຫຼາຍວິທີປຸງແຕ່ງແຕກຕ່າງກັນ, ກໍນໍາມາລົດຊາດແຕກຕ່າງກັນ ແລະ ພິເສດ. ດ້ວຍລົດຊາດສົດໆໃໝ່ຄື ເຍື່ອງປາໜື້ງໝາກນາວ. ຫຼືລົດຊາດເຜັດ, ສົ້ມ, ຫອມ ຂອງ ປາລາດຊອດ ວຽງຈັນ. ເມື່ອໃດຢາກຊີມລົດຊາດແບບທໍາມະຊາດ, ພິເສດ ສາມາດຊີມປານໍ້າຂອງຢ້າງ. ນອກຈາກນັ້ນ, ຄົວລາວຍັງມີອາຫານຢໍ່ພັນຈໍ້າແຈ່ວແບບລາວກິນກັບຜັກປອດສານເຄມີນຳອີກ.

ບາງຮູບຄົວລາວ: