ກອງປະຊຸມຄັ້ງທີ 215 ຂອງສະພາບໍລິຫານງານອົງການສຶກສາ, ວິທະຍາສາດ ແລະ ວັດທະນະທຳ ສະຫະປະຊາຊາດ (UNESCO) ໄດ້ດຳເນີນແຕ່ວັນທີ 5 – 19 ຕຸລາ, ຢູ່ປາຣີ, ໂດຍມີ 58 ປະເທດສະມາຊິກເຂົ້າຮ່ວມ.
 |
| ຫວຽດນາມ ເຂົ້າຮ່ວມກອງປະຊຸມຄັ້ງທີ 215 ຂອງສະພາບໍລິຫານງານ UNESCO. ພາບ: thoidai.com.vn |
ກ່າວຄຳເຫັນທີ່ວາລະປະຊຸມຄົບຄະນະ, ຫົວໜ້າຄະນະຜູ້ແທນຫວຽດນາມ, ຜູ້ຊ່ວຍວຽກລັດຖະມົນຕີການຕ່າງປະເທດ ເລທິທູຮັ່ງ ເນັ້ນໜັກເຖິງຄວາມສຳຄັນ, ບົດບາດ ແລະ ການປະກອບສ່ວນຢ່າງຕັ້ງໜ້າຂອງ UNESCO ໃນການຮັບມື ແລະ ແກ້ໄຂບັນຫາທົ່ວໂລກ; ພ້ອມກັນນັ້ນ ກໍຢືນຢັນວ່າ ຫວຽດນາມ ຍາມໃດກໍ່ຕັ້ງໜ້າເຂົ້າຮ່ວມພ້ອມກັບບັນດາສະມາຊິກ UNESCO ໃນການປະຕິບັດບັນດາການເຄື່ອນໄຫວຂອງ UNESCO ໃນຂົງເຂດຕ່າງໆ.
ທ່ານນາງ ເລທິທູຮັ່ງ ກໍ່ໃຫ້ຮູ້ວ່າ ຫວຽດນາມ ຈະຈັດຕັ້ງກອງປະຊຸມທົ່ວໂລກກ່ຽວກັບພູເຂົາໄຟ ຢູ່ສວນທໍລະນີສາດທົ່ວໂລກ ດັກນົງ ໃນວັນທີ 24 – 26 ພະຈິກ.
 |
 |
ເນື່ອງໃນໂອກາດນີ້, ທ່ານນາງຫົວໜ້າຄະນະຜູ້ແທນຫວຽດນາມ ໄດ້ມີການພົບປະ ແລະ ເຮັດວຽກກັບທ່ານນາງ Audrey Azoulay ຜູ້ອຳນວຍການໃຫຍ່ UNESCO, ທ່ານ Xing Qu ຮອງຜູ້ອຳນວຍການໃຫຍ່ UNESCO ແລະ ທ່ານ Edouard Firmin Matoko ຜູ້ຊ່ວຍວຽກອຳນວຍການໃຫຍ່ຮັບຜິດຊອບວຽກງານພົວພັນຕ່າງປະເທດ ເພື່ອປຶກສາຫາລືກ່ຽວກັບການເພີ່ມທະວີການຮ່ວມມືເພື່ອແນໃສ່ຫັນບົດບັນທຶກຊ່ວຍຈຳການຮ່ວມມືລະຫວ່າງຫວຽດນາມ ແລະ UNESCO ໄລຍະ 2021-2025 ແລະ ບັນດາມາດຕະການປະກອບສ່ວນທີ່ເຮັດໃຫ້ການພົວພັນຮ່ວມມືໃນໄລຍະຈະມາເຖິງເລິກເຊິ່ງກວ່າອີກ ໃຫ້ປະກົດຜົນເປັນຈິງ.
ເນື່ອງໃນໂອກາດນີ້, ທ່ານນາງຫົວໜ້າຄະນະຜູ້ແທນຫວຽດນາມ ໄດ້ມີການພົບປະກັບຫົວໜ້າຄະນະຜູ້ແທນຫຼາຍປະເທດ, ປຶກສາຫາລືກ່ຽວກັບການຮ່ວມມື 2 ຝ່າຍ.
ບູນມີ
