ພັດທະນາ ນະຄອນຫຼວງວຽງຈັນ ໃຫ້ເປັນຕົວເມືອງສີຂຽວ

ກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນ ນະຄອນຫຼວງວຽງຈັນ (ສປ ນວ) ຊຸດທີ I ວັນທີ 23 ມັງກອນ 2020 ຢູ່ຫ້ອງວ່າການປົກຄອງ ນວ ໂດຍເປັນປະທານຂອງທ່ານ ອານຸພາບ ຕຸນາລົມ ປະທານ ສປ ນວ ມີທ່ານ ສີຫຸນ ສິດທິລືໄຊ ຮອງເຈົ້າຄອງ ນວ ພ້ອມດ້ວຍຮອງປະທານ ສປ ນວ ສະມາຊິກສະພາແຫ່ງຊາດ (ສສຊ) ສະມາຊິກສະພາປະຊາຊົນ ນວ (ສສ ນວ) ເຂົ້າຮ່ວມ.

ພາບປະກອບ

ສຳລັບມື້ທີ 4 ນີ້ ໄດ້ຮັບຟັງລາຍງານຜົນການປະເມີນ ການປະຕິບັດໜ້າທີ່ຂອງບຸຄະລາກອນດຳລົງຕຳແໜ່ງ ທີ່ ສປ ນວ ເລືອກຕັ້ງ ແລະ ຮັບຮອງເອົາການແຕ່ງຕັ້ງ ຮ່າງມະຕິວ່າດ້ວຍການຮັບຮອງເອົາ ການປະເມີນບຸຄະລາກອນດຳລົງຕຳແໜ່ງທີ່ ສປ ນວ ເລືອກຕັ້ງ ແລະ ຮັບຮອງເອົາການແຕ່ງຕັ້ງ ຮ່າງຂໍ້ຕົກລົງວ່າດ້ວຍການປະເມີນຫົວໜ່ວຍລາຄາທີ່ດິນທົ່ວ ນວ ແລະ ຂໍ້ຕົກລົງວ່າດ້ວຍການພັດທະນາ ນວ ໃຫ້ເປັນຕົວເມືອງສີຂຽວ.

ເມືອງຈັນທະບູລີ ມີ 30 ບ້ານ ໄດ້ກຳນົດເຂດປະເມີນລາຄາທີ່ດິນປະກອບມີ: ເຂດອະນຸຮັກເມືອງເກົ່າ ເຂດຕົວເມືອງ ແລະ ອ້ອມຂ້າງຕົວເມືອງ ຄື: ບ້ານວັດຈັນ ມີໄຊ ທີ່ຕິດກັບຖະໜົນສາຍຫຼັກ ຄື: ຖະໜົນຂຸນບູລົມ ເສດຖາທິລາດ ເຈົ້າຟ້າງຸ່ມ ເຈົ້າອານຸວົງ ແລະ ຖະໜົນດອນຈັນ ບ້ານຊຽງຍືນ ຖະໜົນຂຸນບູລົມ ເສດຖາທິລາດ ເຈົ້າຟ້າງຸ່ມ ດອນຈັນ ສາມແສນໄທ ມະໂຫສົດ ລ້ານຊ້າງ ບ້ານຫາຍໂສກ ຖະໜົນເຈົ້າອານຸວົງ ຖະໜົນຂຸນບູລົມ ເສດຖາທິລາດ ສາມແສນໄທ ບ້ານອານຸ ຖະໜົນເຈົ້າອານຸວົງ ຂຸນບູລົມ ເສດຖາທິລາດ ບ້ານສີຫອມ ຖະໜົນສາມແສນໄທ ສຸພານຸວົງ ອາຊຽນ ລາຄາ 6,5 ລ້ານກີບຕໍ່ຕາແມັດ ສ່ວນຖະໜົນສາຍເຊື່ອມ ລາຄາ 4,8 ລ້ານກີບຕໍ່ຕາແມັດ ທາງຮ່ອມ 3,2 ລ້ານກີບຕໍ່ຕາແມັດ ທາງດັ່ງເດີມ ຫຼື ບໍ່ມີທາງ 1,6 ລ້ານກີບຕໍ່ຕາແມັດ ບ້ານຫັດສະດີ ເຂດທີ່ຕິດກັບຖະໜົນລ້ານຊ້າງ ຂຸນບູລົມ ຖະໜົນຫັດສະດີ ລາຄາ 6,8 ລ້ານກີບຕໍ່ຕາແມັດ ຖະໜົນສາຍເຊື່ອມ 5,1 ລ້ານກີບຕໍ່ຕາແມັດ ທາງຮ່ອມ 3,4 ລ້ານກີບຕໍ່ຕາແມັດ ບໍ່ມີທາງ 1,7 ລ້ານກີບຕໍ່ຕາແມັດ ບ້ານສາຍລົມ ຖະໜົນສາຍລົມ ດົງປ່າລານ ຂຸນບູລົມ ບ້ານຂົວຫຼວງ ຖະໜົນສາມແສນໄທ ຂຸນບູລົມ ອາຊຽນ ບ້ານທົ່ງຕູມ ຮ່ອງຄ້າ ທົ່ງຂັນຄຳ ດົງໝ້ຽງ ສີສະຫວາດ ສີດຳດວນ ຖະໜົນອາຊຽນ ເຈົ້າອານຸວົງ ສະຫວ່າງ ບ້ານສີບຸນເຮືອງ ຖະໜົນ P3 ອາຊຽນ ລາຄາ 6,5 ລ້ານກີບຕໍ່ຕາແມັດ ຖະໜົນສາຍເຊື່ອມ 4,8 ລ້ານກີບຕໍ່ຕາແມັດ ທາງຮ່ອມ 3,2 ລ້ານກີບຕໍ່ຕາແມັດ ບໍ່ມີທາງ 1,6 ລ້ານກີບຕໍ່ຕາແມັດ ສ່ວນເຂດທີ່ຕິດກັບຖະໜົນ ໄກສອນ ພົມວິຫານ ລາຄາ 6,2 ລ້ານກີບຕໍ່ຕາແມັດ ຖະໜົນສາຍເຊື່ອມ 4,6 ລ້ານກີບຕໍ່ຕາແມັດ ທາງຮ່ອມ 3,1 ລ້ານກີບຕໍ່ຕາແມັດ ບໍ່ມີທາງ 1,5 ລ້ານກີບຕໍ່ຕາແມັດ ບ້ານຮ່ອງແຊງ ຖະໜົນ P3 ລາຄາ 5,8 ລ້ານກີບຕໍ່ຕາແມັດ ຖະໜົນສາຍເຊື່ອມ 4,3 ລ້ານກີບຕໍ່ຕາແມັດ ທາງຮ່ອມ 2,9 ລ້ານກີບຕໍ່ຕາແມັດ ບໍ່ມີທາງ 1,4 ລ້ານກີບຕໍ່ຕາແມັດ ບ້ານຮ່ອງໄກ່ແກ້ວ ບ້ານທົ່ງສາງນາງ ຖະໜົນ P3 ລາຄາ 3 ລ້ານກີບຕໍ່ຕາແມັດ ຖະໜົນສາຍເຊື່ອມ 2,2 ລ້ານກີບຕໍ່ຕາແມັດ ທາງຮ່ອມ 450.000 ກີບຕໍ່ຕາແມັດ ບໍ່ມີທາງ 180.000 ກີບຕໍ່ຕາແມັດ ບ້ານທົ່ງສາງນາງ ຖະໜົນສາຍເຊື່ອມ 1,5 ລ້ານກີບຕໍ່ຕາແມັດ ທາງຮ່ອມ 450.000 ກີບຕໍ່ຕາແມັດ ບໍ່ມີທາງ 180.000 ກີບຕໍ່ຕາແມັດ ບ້ານສະຫວ່າງ ບ້ານດົງປາແຫຼບ ຖະໜົນສະຫວ່າງ ເຈົ້າອານຸວົງ ລາຄາ 2 ລ້ານກີບຕໍ່ຕາແມັດ ຖະໜົນສາຍເຊື່ອມ 1,5 ລ້ານກີບຕໍ່ຕາແມັດ ທາງຮ່ອມ 350.000 ກີບຕໍ່ຕາແມັດ ບໍ່ມີທາງ 100.000 ກີບຕໍ່ຕາແມັດ ບ້ານດົງປາແຫຼບ ຖະໜົນສາຍເຊື່ອມ 700.000 ກີບຕໍ່ຕາແມັດ ທາງຮ່ອມ 200.000 ກີບຕໍ່ຕາແມັດ ບໍ່ມີທາງ 80.000 ກີບຕໍ່ຕາແມັດ ບ້ານໂພນຕ້ອງຈອມມະນີ ບ້ານໂພນຕ້ອງສະຫວາດ ຖະໜົນສະຫວ່າງ P3 T4N 2,5 ລ້ານກີບຕໍ່ຕາແມັດ ຖະໜົນເຊື່ອມ 1,5 ລ້ານກີບຕໍ່ຕາແມັດ ທາງຮ່ອມ 500.000 ກີບຕໍ່ຕາແມັດ ບໍ່ມີທາງ 200.000 ກີບຕໍ່ຕາແມັດ ບ້ານໂພນສະຫວ່າງ ຖະໜົນສະຫວ່າງ P3 2,5 ລ້ານກີບຕໍ່ຕາແມັດ ຖະໜົນເຊື່ອມ 800.000 ກີບຕໍ່ຕາແມັດ ທາງຮ່ອມ 200.000 ກີບຕໍ່ຕາແມັດ ບໍ່ມີທາງ 60.000 ກີບຕໍ່ຕາແມັດ ບ້ານດອນແດງ ໜອງທາເໜືອ ໜອງທາໃຕ້ ຖະໜົນເຈົ້າອານຸວົງ 1,2 ລ້ານກີບຕໍ່ຕາແມັດ ຖະໜົນສາຍເຊື່ອມ 800.000 ກີບຕໍ່ຕາແມັດ ທາງຮ່ອມ 200.000 ກີບຕໍ່ຕາແມັດ ບໍ່ມີທາງ 60.000 ກີບຕໍ່ຕາແມັດ ບ້ານຫ້ວຍຫົງ ຖະໜົນເຈົ້າອານຸວົງ 1,2 ລ້ານກີບຕໍ່ຕາເມັດ ຖະໜົນ T6 1 ລ້ານກີບຕໍ່ຕາແມັດ ຖະໜົນສາຍເຊື່ອມ 500.000 ກີບຕໍ່ຕາແມັດ ທາງຮ່ອມ 200.000 ກີບຕໍ່ຕາແມັດ ບໍ່ມີທາງ 50.00 ກີບຕໍ່ຕາແມັດ ບ້ານບໍ່ນາງົວ ບ້ານໜອງປີງ ລາຄາ 1 ລ້ານກີບຕໍ່ຕາແມັດ ຖະໜົນສາຍເຊື່ອມ 600.000 ກີບຕໍ່ຕາແມັດ ທາງຮ່ອມ 130.000 ກີບຕໍ່ຕາແມັດ ບໍ່ມີທາງ 50.000 ກີບຕໍ່ຕາແມັດ ນອກນີ້ເມືອງອື່ນໆກໍໄດ້ມີການກຳນົດເຊັ່ນດຽວກັນ.

ທ່ານ ພູຂົງ ບັນນະວົງ ຮອງເຈົ້າຄອງ ນະຄອນຫຼວງວຽງຈັນ (ນວ) ຫົວໜ້າພະແນກແຜນການ ແລະ ການລົງທຶນ ນວ ໄດ້ຜ່ານຮ່າງບົດລາຍງານກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2019 ແລະ ທິດທາງ ປີ 2020 ຂອງ ນວ ຕໍ່ກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນ ນະຄອນຫຼວງວຽງຈັນ ວັນທີ 20 ມັງກອນ 2020 ວ່າ: ປີ 2020 ນວ ໄດ້ວາງຄາດໝາຍສູ້ຊົນ ເຮັດໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງໃນລະດັບສູງ ລວມຍອດຜະລິດຕະພັນພາຍໃນເພີ່ມຂຶ້ນ ບໍ່ໃຫ້ຫຼຸດ 9,5% ຄາດຄະເນ GDP ໃຫ້ໄດ້ໃນລະດັບ 54.080 ຕື້ກີບ ສະເລ່ຍໃສ່ຫົວຄົນ 6.120 ໂດລາສະຫະລັດ ຫຼື ປະມານ 54 ລ້ານກີບ ໃນນີ້ ກະສິກຳ ແລະ ປ່າໄມ້ ເພີ່ມຂຶ້ນ 4,5% ກວມ 14% ອຸດສາຫະ ກຳ ເພີ່ມຂຶ້ນ 12,5% ກວມ 49% ການບໍລິການ ເພີ່ມຂຶ້ນ 10% ກວມ 37% ຂອງ GDP. ຄາດໝາຍຂະແໜງກະສິກຳ ແລະ ປ່າໄມ້ ການຜະລິດເຂົ້າໃຫ້ບັນລຸ 66.380 ເຮັກຕາ ຄາດຄະເນຜະລິດຕະພາບສະເລ່ຍ 4,68 ໂຕນຕໍ່ເຮັກຕາ ຜົນຜະລິດ 309.900 ໂຕນ ເນື້ອທີ່ການຜະລິດພືດ-ຜັກ 10.782 ເຮັກຕາ ຄາດຄະເນຜະລິດຕະພາບສະເລ່ຍ 10,27 ໂຕນຕໍ່ເຮັກຕາ ຜົນຜະລິດ 110.271 ໂຕນ ເນື້ອທີ່ປູກໄມ້ກິນໝາກ 760 ເຮັກຕາ ຄາດຄະເນຜົນຜະລິດ 13.945 ໂຕນ ເນື້ອທີ່ແຜນການປູກສາລີເປັນສິນຄ້າ 1.005 ເຮັກຕາ ຄາດຄະເນຜົນຜະລິດ 4.934 ໂຕນ ນອກນີ້ ຍັງຈະຊຸກຍູ້ໃຫ້ຊາວກະສິກກອນ ບັນດາຟາມລ້ຽງໝູໃຫ້ໄດ້ຂຶ້ນທະບຽນຟາມສັດ ຂະຫຍາຍພັນໝູໃຫ້ມີຊີ້ນຈຳໜ່າຍບໍ່ໃຫ້ຫຼຸດ 360.000 ໂຕ ແລະ ຜະລິດໝູນ້ອຍໃຫ້ໄດ້ 190.000-200.000 ໂຕ ຂະແໜງອຸດສາຫະກຳ ແລະ ການຄ້າ ສູ້ຊົນໃຫ້ມູນຄ່າຜະລິດຕະພັນປຸງແຕ່ງຂະຫຍາຍຕົວຕໍ່ເນື່ອງບໍ່ໃຫ້ຫຼຸດ 12,5% ສູ້ຊົນເຮັດໃຫ້ຜະລິດຕະພັນຫັດຖະກຳຂະຫຍາຍຕົວ ບໍ່ໃຫ້ຫຼຸດ 8% ຂະແໜງພະລັງງານ ແລະ ບໍ່ແຮ່ ຈະເພີ່ມຄຸນຄ່າ ແລະ ແຍກທາດ ເຊັ່ນ: ບີສະມຸດ ເທ ລູລຽນ ທອງແທ່ງ ເຄິ່ງສຳເລັດຮູບ ຊືນ ສັງກະສີ ແລະອື່ນໆ ເພື່ອສົ່ງອອກໃຫ້ໄດ້ 200.000 ໂຕນ ສ່ວນຂະແໜງໂຍທາ ແລະ ຂົນສົ່ງ ຈະສຸມໃສ່ແກ້ໄຂເສັ້ນທາງຈຸດທີ່ຫຼໍ່ແຫຼມ ທາງຂາດໃນຕົວເມືອງ ຂຶ້ນແຜນກໍ່ສ້າງປ້ອງກັນຕະຝັ່ງເຈື່ອນ ຊອກຫາວິທີແກ້ໄຂຢ່າງຂາດຕົວບັນຫານ້ຳຖ້ວມ ສືບຕໍ່ຂະຫຍາຍນ້ຳປະປາໃຫ້ໄດ້ 364.000 ແມັດກ້ອນຕໍ່ມື້ ຕອບສະໜອງ 7 ຕົວເມືອງ ໃຫ້ໄດ້ 90% ແລະ 1 ເມືອງນອກໃຫ້ໄດ້ 70%.

（ໄຊພອນ）