| ຂະແໜງການທູດຫວຽດນາມ ໄດ້ເປັນເຈົ້າການໃນການຜັນຂະຫຍາຍວຽກງານການທູດເສດຖະກິດຢ່າງຮອບດ້ານ ແລະມີປະສິດທິຜົນ | |
| ວຽກງານການທູດເສດຖະກິດຂອງຫວຽດນາມ ແລະ ລາວ ໃນສະພາບການໃໝ່ |
ຫວ່າງແລ້ວນີ້, ຢູ່ນະຄອນຫຼວງວຽງຈັນ, ກະຊວງການຕ່າງປະເທດລາວ ແລະ ກະຊວງການຕ່າງປະເທດຫວຽດນາມ ໄດ້ຈັດຕັ້ງກອງປະຊຸມສຳມະນາກ່ຽວກັບການທູດເສດຖະກິດ. ກ່າວຄຳເຫັນທີ່ກອງປະຊຸມສຳມະນາ, ທ່ານນາງ ຫງວຽນມີງຮັ່ງ, ຜູ້ຊ່ວຍວຽກລັດຖະມົນຕີ, ຫົວໜ້າກົມເສດຖະກິດສັງລວມ ໃຫ້ຮູ້ວ່າ: ກະຊວງການຕ່າງປະເທດ ຫວຽດນາມ ຢັ້ງຢືນການທູດເສດຖະກິດແມ່ນໜຶ່ງໃນບັນດາໜ້າທີ່ພື້ນຖານ ແລະ ໃຈກາງຂອງພື້ນຖານການທູດຮອບດ້ານ, ທັນສະໄໝ ແມ່ນກຳລັງໜູນໃຫ້ການພັດທະນາປະເທດຊາດ; ຢືນຢັນວ່າ ກະຊວງການຕ່າງປະເທດ ຫວຽດນາມ ພ້ອມແລ້ວທຸກເວລາ, ທຸກແຫ່ງໃນການປະສານສົມທົບ ແລະ ແບ່ງປັນຂໍ້ມູນຂ່າວ ກ່ຽວກັບສະພາບການເສດຖະກິດໂລກ, ປະກອບຄຳເຫັນກ່ຽວກັບບັນດາບັນຫາພົ້ນເດັ່ນ, , ກໍ່ຄືປະສົບການໃນການຜັນຂະຫຍາຍການທູດເສດຖະກິດກັບລາວ.
 |
| ຊຸກຍູ້ວຽກງານການທູດເສດຖະກິດຫວຽດນາມ - ລາວ. (ພາບ: TTXVN) |
ທີ່ການເຈລະຈາ, 2 ຝ່າຍໄດ້ເຫັນດີເປັນເອກະສັນກ່ຽວກັບລະດັບຄວາມສຳຄັນ ແລະ ບົດບາດຂອງການທູດເສດຖະກິດໃນການປະກອບສ່ວນພັດທະນາປະເທດຊາດ; ຢືນຢັນວ່າ, ໃນສະພາບການໂລກທີ່ບໍ່ແນ່ນອນ ແລະ ສັບສົນທີ່ສຸດ, ພວມສົ່ງຜົນກະທົບຢ່າງແຮງຕໍ່ພື້ນຖານເສດຖະກິດໃນພາກພື້ນ ຄືໃນປະຈຸບັນ, ການນຳກະຊວງການຕ່າງປະເທດ 2 ປະເທດ ໄດ້ເພີ່ມທະວີການຮ່ວມມື ແລະ ແລກປ່ຽນບົດຮຽນກ່ຽວກັບການເຮັດວຽກງານການທູດເສດຖະກິດ, ກໍຄືມາດຕະການແກ້ໄຂຄວາມຫຍຸ້ງຍາກ, ສວຍໃຊ້ທ່າແຮງ ແລະ ກາລະໂອກາດພັດທະນາເສດຖະກິດ - ສັງຄົມຢ່າງທັນການ.
ບັນດາຜູ້ເຂົ້າຮ່ວມກອງປະຊຸມໄດ້ຮັບຟັງການອະພິປາຍຫຼາຍຢ່າງ ກ່ຽວກັບການພົວພັນທາງການທູດເສດຖະກິດຂອງແຕ່ລະປະເທດ; ກ່ຽວກັບການພັດທະນາຍຸດທະສາດການທູດເສດຖະກິດ; ການປະຕິບັດການເຊື່ອມໂຍງເສດຖະກິດສາກົນ ເພື່ອຮັບໃຊ້ການພັດທະນາເສດຖະກິດຂອງປະເທດຊາດ; ຊຸກຍູ້ວຽກງານການທູດເສດຖະກິດຫວຽດນາມ - ລາວ; ບາງປະສົບການໃນການປະຕິບັດວຽກງານການທູດເສດຖະກິດຢູ່ຫວຽດນາມ.
2 ຝ່າຍກໍ່ໄດ້ປຶກສາຫາລືຢ່າງກົງໄປກົງມາ ກ່ຽວກັບບັນດາຄວາມຫຍຸ້ງຍາກໃນວຽກງານການທູດເສດຖະກິດ, ບັນດາທິດທາງໃໝ່ກ່ຽວກັບການລະດົມແຫຼ່ງກຳລັງ, ພິເສດແມ່ນການເຊື່ອມໂຍງເຂົ້າກັບສາກົນ, ແມ່ນວິທີການທີ່ກະຊວງການຕ່າງປະເທດພ້ອມກັບບັນດາກະຊວງ, ຂະແໜງການ ແລະ ທ້ອງຖິ່ນໃນຂົງເຂດການທູດເສດຖະກິດໂດຍໂດຍອີງໃສ່ເປົ້າໝາຍ ແລະ ຫຼັກການສູງສຸດເພື່ອຮັບໃຊ້ການພັດທະນາຂອງປະເທດຊາດ.
ຄາດວ່າໃນຕອນບ່າຍຂອງວັນດຽວກັນ ຢູ່ນະຄອນຫຼວງວຽງຈັນ, ການນຳກະຊວງການຕ່າງປະເທດສອງປະເທດຈະສືບຕໍ່ສົມທົບກັນຈັດຕັ້ງການໂອ້ລົມສົນທະນາກ່ຽວກັບ “ການຜັນຂະຫຍາຍວຽກງານການທູດເສດຖະກິດຢ່າງຄົບຊຸດ ແລະ ມີປະສິດທິຜົນ ເພື່ອຮັບໃຊ້ການຟື້ນຟູ ແລະ ພັດທະນາເສດຖະກິດປະເທດຊາດ”.
ຄຳຮຸ່ງ
