| Apple ແລະ Goldman Sachs ໄດ້ອອກບັດເຄດິດ Apple Card ຢ່າງເປັນທາງການແລ້ວ | |
| Apple ສ້າງຄວາມປະຫຼາດໃຈ ເມື່ອ 'ຊຸບຊີວິດ' ໃຫ້ iPhone, iPad ລຸ້ນເກົ່າ, ໝັດໜັກໃສ່ Android? |
ບັນດາ ຜູ້ສະໜອງຂອງ Apple ແມ່ນ Luxshare Precision Industry ແລະ Foxconn ໄດ້ເລີ່ມທົດລອງຜະລິດ Apple Watch ໃນພາກເໜືອຂອງຫວຽດນາມ ໂດຍມີຈຸດປະສົງເພື່ອຜະລິດອຸປະກອນດັ່ງກ່າວເປັນຄັ້ງທຳອິດຢູ່ນອກປະເທດຈີນ - 3 ແຫຼ່ງຂ່າວທີ່ມີຄວາມເຂົ້າໃຈໂດຍກົງກ່ຽວກັບເລື່ອງນີ້ ໄດ້ແບ່ງປັນກັບ Nikkei Asia ໃນວັນທີ 17 ສິງຫາ.
ຫວຽດນາມ ໄດ້ເປັນສູນກາງການຜະລິດທີ່ສຳຄັນທີ່ສຸດຂອງ Apple ຢູ່ນອກປະເທດຈີນ, ຜະລິດບັນດາຜະລິດຕະພັນຫຼັກໆໃຫ້ບໍລິສັດອາເມລິກາ, ລວມທັງ iPad ແລະ ຫູຟັງ AirPods.
 |
| ພາບປະກອບ: tinnhanhchungkhoan.vn |
ອີງຕາມຜູ້ຊ່ຽວຊານໃນຂະແໜງການ, Apple Watch ແມ່ນຜະລິດຕະພັນທີ່ມີຄວາມຊັບຊ້ອນຫຼາຍ ເພາະວ່າການວາງອາໄຫຼ່ຫຼາຍຢ່າງ ເຂົ້າໄປໃນຜະລິດຕະພັນຂະຫນາດນ້ອຍ, ມັນຮຽກຮ້ອງໃຫ້ມີທັກສະເຕັກໂນໂລຢີສູງ. ການຜະລິດ Apple Watch ຈະເປັນໄຊຊະນະສໍາລັບຫວຽດນາມ ໃນຂະນະທີ່ປະເທດກໍາລັງພະຍາຍາມຍົກລະດັບຂະແຫນງການຜະລິດເຕັກໂນໂລຢີຫຼາຍກວ່າອີກ.
Apple ກໍໄດ້ສືບຕໍ່ຍ້າຍການຜະລິດ iPad ໄປປະເທດຫວຽດນາມ ຫຼັງຈາກການປິດເມືອງເພື່ອຕ້ານ COVID-19 ຢູ່ນະຄອນຊຽງໄຮ ເຮັດໃຫ້ຕ່ອງໂສ້ການສະໜອງໃຫຍ່ຖືກຂາດວັກຂາດຕອນ. BYD ຂອງຈີນ ແມ່ນຫົວໜ່ວຍທໍາອິດທີ່ສະຫນັບສະຫນູນການຫັນປ່ຽນນີ້, ແຕ່ແຫຼ່ງຂ່າວ Nikkei Asia ຍັງກ່າວວ່າ Foxconn ກໍຊ່ວຍຜະລິດ iPad ໃນຫວຽດນາມຫຼາຍຕື່ມອີກ.
ການເປີດກວ້າງຂອງ Apple ໃນຫວຽດນາມ ໄດ້ເລີ່ມຕົ້ນດ້ວຍ AirPods, ເຊິ່ງໄດ້ຜະລິດເປັນຈໍານວນຫຼວງຫຼາຍໃນຫວຽດນາມ ໃນປີ 2020. ຫູຟັງດັ່ງກ່າວເປັນໜຶ່ງໃນຜະລິດຕະພັນຂອງ Apple ທໍາອິດທີ່ໄດ້ຖືກປະກອບອອກຈາກປະເທດຈີນ ຫຼັງຈາກທີ່ສົງຄາມການຄ້າອາເມຣິກາ - ຈີນ ໄດ້ເກີດຂຶ້ນພາຍໃຕ້ການເປັນປະທານຂອງປະທານາທິບໍດີສະຫະລັດ ທ່ານ Donald Trump.
ອີງຕາມ Nikkei, ການເຄື່ອນໄຫວດັ່ງກ່າວເປັນສັນຍານການປ່ຽນແປງວິທີການສໍາຜັດຂອງ Apple, ເຊິ່ງເຄີຍຂຶ້ນກັບປະເທດຈີນສໍາລັບການຜະລິດເກືອບທັງຫມົດໃນຫຼາຍທົດສະວັດ.
ສໍາລັບຫວຽດນາມ, ການປ່ຽນແປງຍຸດທະສາດນີ້ຂອງ Apple ໄດ້ນໍາມາເຊິ່ງຜົນປະໂຫຍດ. ການວິເຄາະຂອງ Nikkei Asia ກ່ຽວກັບລາຍຊື່ຜູ້ສະຫນອງທີ່ມີຢູ່ຫຼ້າສຸດຂອງ Apple ແລະ ບັນດາການສໍາພາດກັບແຫຼ່ງຂໍ້ມູນພົບວ່າ ຈໍານວນຜູ້ສະຫນອງຂອງ Apple ທີ່ມີຮາກຖານຢູ່ໃນຫວຽດນາມໄດ້ເພີ່ມຂຶ້ນຈາກ 14 ໃນປີ 2018 ເປັນຢ່າງຫນ້ອຍສຸດແມ່ນ 22.
ຜູ້ຜະລິດເຄື່ອງເອເລັກໂທຣນິກໃຫຍ່ອື່ນໆເຊັ່ນ Google, Dell ແລະ Amazon ກໍ່ໄດ້ສ້າງຕັ້ງການຜະລິດໃນຫວຽດນາມ ເພື່ອຫັນເປັນການຫຼາກຫຼາຍການຜະລິດຢູ່ນອກຈາກປະເທດຈີນ.
ຄຳຮຸ່ງ
