 |
ທ່ານ ທອງລຸນ ສີສຸລິດ.(ພາບ:vientianemai.net)
ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຂຶ້ນຊີ້ແຈງຕໍ່ຄຳຊັກຖາມຂອງສະມາຊິກສະພາແຫ່ງຊາດ (ສສຊ) ຊຶ່ງທ່ານ ໄດ້ມີຄຳເຫັນວ່າ: ລັດຖະບານໄດ້ມີຄວາມພະຍາຍາມຢ່າງສູງໃນການຈັດຕັ້ງປະຕິບັດແຜນພັດທະນາເສດຖະກິດສັງຄົມພາຍໃຕ້ສະພາບແວດລ້ອມທີ່ທ້າທາຍແຕ່ລັດຖະບານກໍໄດ້ສຸມກຳລັງແຮງປຸກລະດົມທົ່ວສັງຄົມ ດັ່ງນັ້ນ, ລັດຖະບານຈະໄດ້ສືບຕໍ່ຄົ້ນຄວ້າ ວຽກງານບໍ ລິຫານລັດຢ່າງຮັດກຸມ ປະຕິບັດບັນດາກົດໝາຍ ດຳລັດຕ່າງໆຢ່າງເຄັ່ງຄັດ ແລະ ຈຳກັດການຄ້າຂາຍເຖື່ອນ, ປາບປາມຢາເສບຕິດ ແລະ ຈະສືບຕໍ່ແກ້ໄຂບັນດາເຫດການຕ່າງໆ ແລະ ພະຍາຍາມປົກປ້ອງສິ່ງທີ່ຖືກ ຕ້ອງ ບໍລິຫານປະເທດດ້ວຍຄວາມເປັນທຳ ຄາດວ່າເສດ ຖະກິດປີນີ້ຈະບັນລຸ 6,4%ຫຼຸດຄາດໝາຍ 0,3%,ສືບຕໍ່ແກ້ໄຂບັນຫາໜີ້ສິນ ບັນດາໂຄງການລົງທຶນຂອງລັດຢ່າງຕັ້ງໜ້າ, ໄດ້ສຳເລັດການສ້າງດຳລັດວ່າດ້ວຍກອງທຶນສົ່ງເສີມ SME ແລະ ໄດ້ປ່ອຍເງິນກູ້ໃຫ້ຫົວໜ່ວຍທຸລະກິດ 111 ກວ່າຕື້ກີບ ແລະ ບັນດາໂຄງການທີ່ສົ່ງເສີມທຸລະກິດຂະໜາດນ້ອຍ ແລະ ກາງ (SME) ທີ່ກຳລັງດຳເນີນຢູ່ ຊຶ່ງພາກສ່ວນທີ່ກ່ຽວ ຂ້ອງກຳລັງຈັດຕັ້ງຜັນຂະຫຍາຍເຮັດໃຫ້ຖືກຕາມຫຼັກການທີ່ວາງອອກ ເພື່ອເຮັດໃຫ້ໄດ້ຮັບເງິນກູ້ ໃຫ້ທຸລະກິດດັ່ງກ່າວ ຊຶ່ງເປັນການກະຕຸ້ນເສດຖະກິດ.
ທ່ານນາຍົກລັດຖະມົນຕີ ໄດ້ມີຄຳເຫັນສັງລວມກ່ຽວກັບວຽກງານຂອງລັດຖະບານ ອົງການກວດສອບແຫ່ງລັດ ແລະ ອົງການກວດກາລັດຖະບານ ເປັນຕົ້ນຜົນການຈັດຕັ້ງປະຕິບັດປີ 2019 ທິດທາງລວມປີ 2020 ເຊິ່ງທ່ານໄດ້ທົບທວນຄືນບັນດາຄາດໝາຍສູ້ຊົນຂອງລັດຖະບານ ທີ່ໄດ້ຈັດຕັ້ງຜັນຂະຫຍາຍແຜນພັດ ທະນາເສດຖະກິດ-ສັງຄົມ ປີ 2019 ແລະ ກຳນົດທິດທາງເພື່ອຈະແກ້ໄຂບັນຫາທີ່ຍັງຄົງຄ້າງຊີ້ແຈ້ງຜົນການ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປີ 2019 ແລະ ທິດທາງປີ 2020 ທົບທວນຄືນບັນດາຄາດໝາຍສູ້ຊົນຂອງລັດຖະບານ ທີ່ໄດ້ຕັ້ງໃຈຜັນຂະຫຍາຍແຜນພັດທະນາ 2019 ແລະ ໄດ້ກຳນົດທິດທາງການແກ້ໄຂບັນຫາທີ່ຄົງຄ້າງ ເຊິ່ງລັດຖະບານໄດ້ມີຄວາມພະຍາຍາມຢ່າງສູງໃນການຈັດຕັ້ງປະຕິບັດແຜນດັ່ງກ່າວໂດຍສະພາບແວດລ້ອມທີ່ທ້າທາຍ ແຕ່ລັດຖະບານກໍໄດ້ສຸມກຳລັງແຮງປຸກລະດົມທົ່ວສັງຄົມ ລັດຖະບານຈະໄດ້ສືບຕໍ່ຄົ້ນຄວ້າວຽກງານບໍລິຫານລັດຢ່າງຮັດກຸມ ປະຕິບັດກົດໝາຍ ດຳລັດຕ່າງໆຢ່າງເຄັ່ງຄັດ ແລະ ຈຳກັດການຂ້າຂາຍເຖື່ອນ ປາບປາມຢາເສບຕິດ ສືບຕໍ່ແກ້ໄຂບັນດາຕ່າງໆ ແລະ ພະຍາຍາມປົກປ້ອງສິ່ງທີ່ຖືກຕ້ອງ ບໍລິຫານງານປະເທດດ້ວຍຄວາມເປັນທຳ ຄາດວ່າເສດຖະກິດປີນີ້ຈະບັນລຸ 6,4% ຫຼຸດຄາດໝາຍ 0,3% ສືບຕໍ່ແກ້ໄຂບັນຫາໜີ້ສິນບັນດາໂຄງການລົງທຶນຂອງລັດຢ່າງຕັ້ງໜ້າ ໄດ້ສຳເລັດການສ້າງດຳລັດວ່າດ້ວຍກອງທຶນສົ່ງເສີມ SME ໄດ້ປ່ອຍເງິນກູ້ໃຫ້ 111 ກວ່າຕື້ກີບ ແລະ ບັນດາໂຄງການທີ່ສົ່ງເສີມ SME ທີ່ກຳລັງດຳເນີນຢູ່ ເຊິ່ງພາກສ່ວນກ່ຽວຂ້ອງກຳລັງຈັດຕັ້ງຜັນຂະຫຍາຍເຮັດໃຫ້ຖືກຕາມຫຼັກການທີ່ວາງອອກ ເພື່ອທີ່ຈະໄດ້ຮັບເງິນກູ້ໃຫ້ທຸລະກິດດັ່ງກ່າວ ເຊິ່ງເປັນການຊຸກຍູ້ເສດຖະກິດ.
ລັດຖະບານມີຄວາມພະຍາຍາມຊອກຫາຕະຫຼາດສົ່ງອອກພະລັງງານໄຟຟ້າດ້ວຍຄວາມເອົາໃຈໃສ່, ຄຽງຄູ່ກັນນັ້ນລັດຖະບານຈະສຸມໃສ່ການກວດກາ ແກ້ໄຂບັນຫາທີ່ດິນທີ່ກຳລັງປະເຊີນໜ້າຢູ່ປັດຈຸບັນໃຫ້ສຳເລັດເປັນກ້າວໆ, ເພາະ ວ່າ ທີ່ດິນເປັນແຫຼ່ງລາຍຮັບທີ່ໝັ້ນຄົງຂອງປະເທດໜຶ່ງໆ ບ່ອນໃດມີການລະເມີດແມ່ນຈະໄດ້ຮັບການແກ້ໄຂຢ່າງຮັດກຸມ, ລັດຖະບານຈະໄດ້ສືບຕໍ່ຈັດຕັ້ງ ປະຕິບັດດຳລັດເລກທີ 15/ນຍ ເພື່ອຄຸ້ມຄອງການສົ່ງອອກໄມ້ຊຶ່ງຕໍ່ໄປຈະບໍ່ໃຫ້ຕັດໄມ້ທຳ ລາຍປ່າ, ໃນຂະນະດຽວກັນລັດ ຖະບານກໍໄດ້ປົດລ໊ອກການສົ່ງອອກໄມ້ແປຮູບຈຳນວນໜຶ່ງ ຊຶ່ງກ່ອນໜ້ານີ້ ບໍໄດ້ຢູ່ໃນບັນຊີການສົ່ງອອກໄດ້, ພ້ອມດຽວກັນກໍໄດ້ອະນຸຍາດໃຫ້ສົ່ງອອກໄມ້ທ່ອນແລະ ໄມ້ແປຮູບທີ່ເປັນໄມ້ປູກອອກໄດ້ ເພື່ອສົ່ງເສີມການປູກໄມ້ພາຍໃນປະເທດເຮົາ ສ້າງລາຍຮັບໃຫ້ແກ່ຜູ້ດຳເນີນການປູກໄມ້ ໃຫ້ມີທຶນຮອນ ເພື່ອຂະ ຫຍາຍກິດຈະກຳຕໍ່ໄປ, ເອົາໃຈ ໃສ່ປັບປຸງກົດໝາຍທີ່ມີຢູ່ແລ້ວ ແລະ ສ້າງກົດໝາຍໃໝ່ ເພື່ອນຳມາ ພິຈາລະນາໃນກອງປະຊຸມສະພາຕໍ່ໄປ. ທ່ານນາຍົກກ່າວອີກວ່າ: ລັດຖະບານຈະໃຊ້ຄວາມພະ ຍາຍາມປັບປຸງ 10 ຂໍ້ຄົງຄ້າງເພື່ອເຮັດໃຫ້ການຂະຫຍາຍ ຕົວຂອງເສດຖະກິດບັນລຸເປົ້າໝາຍ ແລະ ເຊື່ອວ່າເສດຖະກິດປີໜ້າຈະດີຂຶ້ນເນື່ອງຈາກວ່າບັນດາໂຄງການໃຫຍ່ໆກຳລັງຈະຮັບການຈັດຕັ້ງປະຕິບັດໃນປີ 2020, ສ່ວນສະມັດຖະພາບຂອງການຜະລິດຍັງບໍ່ສູງ ລັດຖະບານກໍຈະສຸມໃສ່ແກ້ໄຂ,ລັດວິສາຫະກິດຈຳນວນໜຶ່ງຕ້ອງໄດ້ປັບປຸງຫາກບໍ່ດັ່ງ ນັ້ນບາງບໍລິສັດຈະພົບຄວາມຫຍຸ້ງຍາກ ຖ້າບໍ່ໄດ້ຮັບການແກ້ໄຂ.
ທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຊີ້ແຈງຕໍ່ກ່ຽວກັບການກຳນົດລາຄາຫົວໜ່ວຍແຕ່ລະປະເພດກໍ່ສ້າງ ລາຄາວັດສະດຸກໍ່ສ້າງແຕ່ລະເຂດ ແລະ ແຕ່ລະຈຸດສຸມ ເພື່ອປະຕິບັດໃຫ້ຖືກຕ້ອງຕາມນະໂຍບາຍຂອງລັດຖະບານ ວ່າດ້ວຍການປະຢັດ ແລະ ຕ້ານການຟູມເຟືອຍ ແລະ ຄຳສັ່ງຂອງນາຍົກລັດຖະມົນຕີວ່າດ້ວຍການປະຢັດລາຍຈ່າຍງົບປະມານຂອງລັດຖະບານ ກະຊວງ ຍທຂ ຍັງມີຄົງຄ້າງທີ່ເປັນປາກົດການຫຍໍ້ທໍ້ ເປັນຕົ້ນລາຄາການກໍ່ສ້າງສູງ ຄຸນນະພາບຕ່ຳ ເຊິ່ງມີຄວາມຈຳເປັນຕ້ອງໄດ້ປັບປຸງລາຄາຫົວໜ່ວຍການກໍ່ສ້າງ ແລະ ສ້ອມແປງໂຄງລ່າງພື້ນຖານໃຫ້ສົມເຫດສົມຜົນ ຖືກຕ້ອງຕາມສະ ພາບຄວາມເປັນຈິງແຕ່ລະໄຍລະ ຈິ່ງໄດ້ແຕ່ງຕັ້ງຄະນະປັບປຸງລາຄາຫົວໜ່ວຍກໍ່ສ້າງ ແລະ ສ້ອມແປງກິດຈະ ການຂອງຂະແໜງ ຍທຂ ເພື່ອປັບປຸງຫົວໜ່ວຍການກໍ່ສ້າງຂອງຂະແໜງ ຍທຂ ກ່ຽວກັບວຽກງານຂົວທາງທີ່ນຳໃຊ້ແຕ່ປີ 2012 ຄືນໃໝ່ ແລະ ຄົ້ນຄວ້າສ້າງລາຄາຫົວໜ່ວຍກໍ່ສ້າງເຄຫາສະຖານ ການກໍ່ສ້າງຕະຝັ່ງເຈື່ອນ ລາຄາຂົນສົ່ງໂດຍສານ ສິນຄ້າ ກຳນົດດ້ານເຕັກນິກ ການອອກແບບກໍ່ສ້າງ ສ້ອງແປງ ການກຳນົດເຂດເພື່ອເປັນຕົ້ນແບບໃນການຄິດໄລ່ລາຄາຫົວໜ່ວຍ ໂຄງປະກອບຄ່າໃຊ້ຈ່າຍທາງກົງ ຫຼື ໃຊ້ຈ່າຍດ້ານທຶນ.
（ໄຊພອນ）
