ລັດຖະມົນຕີກະຊວງຕຳຫຼວດ ຫວຽດນາມ ພົບປະເຈລະຈາ ກັບ ລັດຖະມົນຕີກະຊວງປ້ອງກັນຄວາມສະຫງົບ ລາວ | |
ທ່ານນາຍົກລັດຖະມົນຕີ ຫງວ໋ຽນ ຊົນ ຟຸ໋ກ ໄດ້ໃຫ້ການຕ້ອນຮັບແລະ ພົບປະເຈລະຈາ ກັບ ທ່ານນາຍົກລັດຖະມົນຕີມາເລເຊຍ ຢ່າງເປັນທາງການ |
ການນໍາຄະນະໂຄສະນາສຶກສາແຂວງແທັງຮວາ ແລະຄະນະໂຄສະນາອົບຮົມແຂວງຫົວພັນ ມອບ-ຮັບບົດບັນທຶກວ່າດ້ວຍການຮ່ວມມືລະຫວ່າງສອງຝ່າຍ ໄລຍະ 2022-2025. ພາບ: baothanhhoa.vn |
ກ່າວຄໍາເຫັນໄຂການພົບປະເຈລະຈາແບ່ງປັນບົດຮຽນ, ສະຫາຍ ດ່າວຊວນອຽນ ຫົວໜ້າຄະນະໂຄສະນາສຶກສາແຂວງແທັງຮວາ ສະແດງຄວາມປິຕິຊົມຊື່ນທີ່ໄດ້ຕ້ອນຮັບຄະນະຜູ້ແທນຄະນະໂຄສະນາອົບຮົມແຂວງຫົວພັນ ນໍາໂດຍສະຫາຍ ຕົງລີ ເຕັ່ງ, ຫົວໜ້າຄະນະໂຄສະນາອົບຮົມແຂວງຫົວພັນ ມາຢ້ຽມຢາມ ແລະເຮັດວຽກກັບຄະນະໂຄສະນາສຶກສາແຂວງແທັງຮວາ.
ທີ່ການພົບປະເຈລະຈາ, ສອງຝ່າຍພ້ອມກັນແລກປ່ຽນ, ຕີລາຄາຜົນການປະຕິບັດຂໍ້ຕົກລົງຮ່ວມມື ໄລຍະ 2017-2021; ບົນພື້ນຖານນັ້ນພ້ອມກັນຕົກລົງເຊັນບົດບັນທຶກການຮ່ວມມື ໄລຍະ 2022-2025, ເພື່ອແນໃສ່ຮັດແໜ້ນສາຍພົວພັນສາມັກຄີສະໜິດຕິດພັນ, ການຮ່ວມມືລະຫວ່າງຄະນະໂຄສະນາສຶກສາແຂວງແທັງຮວາ ແລະຄະນະໂຄສະນາອົບຮົມແຂວງຫົວພັນ, ປະກອບສ່ວນເພີ່ມພູນຄູນສ້າງໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດຫວຽດນາມ-ລາວ ເວົ້າລວມ, ແລະເວົ້າສະເພາະແມ່ນສອງແຂວງແທັງຮວາ-ຫົວພັນ ໃຫ້ນັບມື້ນັບພັດທະນາ.
ທີ່ການພົບປະເຈລະຈາ, ບັນດາຜູ້ແທນໄດ້ແບ່ງປັນບົດຮຽນກ່ຽວກັບວຽກງານໂຄສະນາສຶກສາລະຫວ່າງສອງຄະນະຂອງສອງແຂວງ, ພ້ອມກັບຮັບຮອງເອົາຮ່າງຂໍ້ຕົກລົງຮ່ວມມືລະຫວ່າງສອງຝ່າຍ ໄລຍະ 2022-2025 ດ້ວຍບັນດາເນື້ອໃນ: ສອງຝ່າຍສືບຕໍ່ຍູ້ແຮງການໂຄສະນາ, ສຶກສາມູນເຊື້ອປະຫວັດສາດປະຕິວັດໃຫ້ແກ່ພະນັກງານ, ສະມາຊິກພັກ ແລະປະຊາຊົນ, ເປັນຕົ້ນແມ່ນໃຫ້ຮຸ່ນໜຸ່ມຮັບຮູ້ຢ່າງເລິກເຊິ່ງກ່ຽວກັບມູນເຊື້ອ ແລະເພີ່ມພູນຄູນສ້າງໃຫ້ສາຍພົວພັນມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດຫວຽດນາມ-ລາວ ເວົ້າລວມ, ແລະເວົ້າສະເພາະແມ່ນສອງແຂວງແທັງຮວາ-ຫົວພັນ ນັບມື້ນັບພັດທະນາ; ເຫັນດີເປັນເອກະພາບສ້າງແຜນການໂຄສະນາລວມດ້ວຍວິທີການ, ເນື້ອໃນ, ຮູບການເໝາະສົມກັບແຕ່ລະເປົ້າໝາຍລະອຽດ;...
ບົນພື້ນຖານຄວາມສາມັກຄີ, ການຮ່ວມມືມິດຕະພາບລະຫວ່າງສອງປະເທດຫວຽດນາມ-ລາວ, ສອງແຂວງແທັງຮວາ-ຫົວພັນ ແລະສອງຄະນະ, ບັນດາຜູ້ແທນໄດ້ປະກອບຄໍາເຫັນກ່ຽວກັບເນື້ອໃນບົດບັນທຶກວ່າດ້ວຍການຮ່ວມມື ແລະເຫັນດີເປັນເອກະພາບລົງນາມ.
ກອງທັບ