ຫວຽດນາມ - ອັງກິດ ຊຸກຍູ້ການຮ່ວມມືດ້ານເສດຖະກິດ - ການຄ້າ - ການລົງທຶນ

11:32 | 04/08/2022

ທີ່ການຕ້ອນຮັບ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຢັ້ງຢືນວ່າ: ຫວຽດນາມ ຖືເປັນສຳຄັນການພົວພັນສອງຝ່າຍກັບ ລາຊະອານາຈັກ ອັງກິດ, ສະເໜີໃຫ້ສອງຝ່າຍຍູ້ແຮງການເຄື່ອນໄຫວແລກປ່ຽນຄະນະຜູ້ແທນທຸກຂັ້ນ.

ຫວຽດນາມ ແລະ ເກຼັກ ເພີ່ມທະວີການຮ່ວມມືດ້ານເສດຖະກິດ, ການຄ້າ ຫວຽດນາມ ແລະ ເກຼັກ ເພີ່ມທະວີການຮ່ວມມືດ້ານເສດຖະກິດ, ການຄ້າ
ກະຊວງ​ອຸດສາຫະກຳ ​ແລະ ການ​ຄ້າ ​ໄດ້​ປະດັບ​ຫຼຽນ​ໄຊ​ໃຫ້​ທ່ານ​ເອກ​ອັກຄະ​ລັດຖະທູດ ອັງກິດ ປະຈຳ ຫວຽດນາມ Gareth Ward ກະຊວງ​ອຸດສາຫະກຳ ​ແລະ ການ​ຄ້າ ​ໄດ້​ປະດັບ​ຫຼຽນ​ໄຊ​ໃຫ້​ທ່ານ​ເອກ​ອັກຄະ​ລັດຖະທູດ ອັງກິດ ປະຈຳ ຫວຽດນາມ Gareth Ward
ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບທ່ານ Gareth Ward, ເອກອັກຄະລັດຖະທູດ ລາຊະອານາຈັກ ອັງກິດ ແລະ ອຽກລັງເໜືອ, ເຂົ້າຢ້ຽມອຳລາ (ພາບ: Dương Giang/TTXVN)
ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບທ່ານ Gareth Ward, ເອກອັກຄະລັດຖະທູດ ລາຊະອານາຈັກ ອັງກິດ ແລະ ອຽກລັງເໜືອ, ເຂົ້າຢ້ຽມອຳລາ (ພາບ: Dương Giang/TTXVN)

ຕອນບ່າຍວັນທີ 2 ສິງຫາ, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບທ່ານ Gareth Ward, ເອກອັກຄະລັດຖະທູດ ລາຊະອານາຈັກ ອັງກິດ ແລະ ອຽກລັງເໜືອ, ເຂົ້າຢ້ຽມອຳລາເນື່ອງໃນໂອກາດສິ້ນສຸດອາຍຸການປະຕິບັດງານຢູ່ ຫວຽດນາມ. ທີ່ການຕ້ອນຮັບ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຢັ້ງຢືນວ່າ: ຫວຽດນາມ ຖືເປັນສຳຄັນການພົວພັນສອງຝ່າຍກັບ ລາຊະອານາຈັກ ອັງກິດ, ສະເໜີໃຫ້ສອງຝ່າຍຍູ້ແຮງການເຄື່ອນໄຫວແລກປ່ຽນຄະນະຜູ້ແທນທຸກຂັ້ນ, ພິເສດແມ່ນແລກປ່ຽນຄະນະຜູ້ແທນຂັ້ນສູງ ແລະ ຈັດຕັ້ງບັນດາການເຄື່ອນໄຫວທີ່ມີຫຼາຍຮູບຫຼາຍແບບ, ລະອຽດ, ມີຄວາມໝາຍແທດຈິງເພື່ອສະເຫຼີມສະຫຼອງຂີດໝາຍສຳຄັນ 50 ປີແຫ່ງວັນສ້າງຕັ້ງການພົວພັນທາງການທູດ (1973 – 2023). ທ່ານນາຍົກລັດຖະມົນຕີສະເໜີໃຫ້ສອງຝ່າຍສືບຕໍ່ສົມທົບກັນຢ່າງແໜ້ນແຟ້ນເພື່ອນຳໃຊ້ບັນດາຄຳໝັ້ນສັນຍາຂອງສັນຍາການຄ້າເສລີ ຫວຽດນາມ - ອັງກິດ (UKBFTA) ເພື່ອຊຸກຍູ້ການພົວພັນເສດຖະກິດ - ການຄ້າ - ການລົງທຶນສອງຝ່າຍ; ຝ່າຍ ອັງກິດ ເພີ່ມທະວີການນຳເຂົ້າບັນດາຜະລິດຕະພັນກະເສດ, ໝາກໄມ້ຕາມລະດູຂອງ ຫວຽດນາມ, ປະກອບສ່ວນຟື້ນຟູການເຕີບໂຕພາຍຫຼັງໂລກລະບາດ.

ນາຍົກລັດຖະມົນຕີ ສະເໜີໃຫ້ ຝ່າຍ ອັງກິດ ໜູນຊ່ວຍ, ສ້າງເງື່ອນໄຂສະດວກໃຫ້ແກ່ນັກຮຽນ, ນັກສຶກສາ ຫວຽດນາມ ທີ່ພວມຮ່ຳຮຽນຢູ່ ອັງກິດ; ຊຸກຍູ້ການພົວພັນແລກປ່ຽນປະຊາຊົນ, ການຮ່ວມມືວັດທະນະທຳ - ການທ່ອງທ່ຽວ…

ສ່ວນທ່ານເອກອັກຄະລັດຖະທູດ Gareth Ward ໃຫ້ຮູ້ວ່າ: ມີຫຼາຍກອງທຶນລົງທຶນຂອງ ອັງກິດ ກຽມພ້ອມ ແລະ ປາດຖະໜາລົງທຶນເຂົ້າ ຫວຽດນາມ; ຢັ້ງຢືນ ລາຊະອານາຈັກ ອັງກິດ ຈະສືບຕໍ່ຮ່ວມເດີນທາງ ແລະ ໜູນຊ່ວຍ ຫວຽດນາມ ໃນວິວັດແຫ່ງການພັດທະນາ, ພິເສດແມ່ນໃນຂົງເຂດຮັບມືກັບການປ່ຽນແປງຂອງດິນຟ້າອາກາດ, ການເຕີບໂຕສີຂຽວ ແລະ ຍືນຍົງ.

vovworld.vn

ທ່ານອາດຈະມັກ

ທ່າ​ນ​ຮອງ​ນາ​ຍົກ​ລັດ​ຖະ​ມົນ​ຕີ ຟ້າມ​ບິ່ງ​ມິງ ເປັນ​ປະ​ທານ​ເຫດ​ການ​ສະເຫຼີມ​ສະຫຼອງວັນ​ຊາດ ຫວຽດ​ນາມ ຄົບ​ຮອບ 77 ປີ ແລະ ວັນ​ສ້າງ​ຕັ້ງ​ສາຍ​ພົວ​ພັນ​ລະ​ຫວ່າງ ຫວຽດ​ນາມ - ສ​ປ​ຊ ຄົບ​ຮອບ 45 ປີ

ທ່າ​ນ​ຮອງ​ນາ​ຍົກ​ລັດ​ຖະ​ມົນ​ຕີ ຟ້າມ​ບິ່ງ​ມິງ ເປັນ​ປະ​ທານ​ເຫດ​ການ​ສະເຫຼີມ​ສະຫຼອງວັນ​ຊາດ ຫວຽດ​ນາມ ຄົບ​ຮອບ 77 ປີ ແລະ ວັນ​ສ້າງ​ຕັ້ງ​ສາຍ​ພົວ​ພັນ​ລະ​ຫວ່າງ ຫວຽດ​ນາມ - ສ​ປ​ຊ ຄົບ​ຮອບ 45 ປີ

ເຫດການ