| ຫຼາຍການເຄື່ອນໄຫວເພື່ອແນໃສ່ຊຸກຍູ້ສາຍພົວພັນມິດຕະພາບລະຫວ່າງຫວຽດນາມ - ລາວ ຢູ່ເຂດຊາຍແດນແຂວງ ເກວ້ຟອງ | |
| ການພົວພັນແບບພິເສດ ຫວຽດນາມ - ລາວ ແມ່ນຊັບສິນອັນລ້ຳຄ່າໃນປະຫວັດສາດໂລກ |
 |
| ຫວຽດນາມ ຢັ້ງຢືນຕ້ອງໂອ້ລົມເຈລະຈາເພື່ອແນໃສ່ຢຸດຕິໄພພິບັດນິວເຄຼຍໃນໂລກ. ພາບ: VOV |
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ຮ່າກິມຫງອກ ຢັ້ງຢືນວ່າ ແຜນນະໂຍບາຍ, ນະໂຍບາຍສະເໝີຕົ້ນສະເໝີປາຍຂອງ ຫວຽດນາມ ນັ້ນແມ່ນ ຊຸກຍູ້ຄວາມດຸ່ນດ່ຽງຢູ່ທັງ 3 ເສົາຄ້ຳຂອງ ສົນທິສັນຍາ ນັ້ນແມ່ນ ບໍ່ແຜ່ຂະຫຍາຍອາວຸດນິວເຄຼຍ, ຮຽກຮ້ອງໃຫ້ບັນດາປະເທດລົບລ້າງອາວຸດນິວເຄຼຍ ແລະ ເນັ້ນໜັກເຖິງສິດຂອງບັນດາປະເທດນຳໃຊ້ພະລັງງານນິວເຄຼຍ ເພື່ອຈຸດປະສົງສັນຕິພາບ.
ທ່ານຮອງລັດຖະມົນຕີການຕ່າງປະເທດຢັ້ງຢືນວ່າ ຫວຽດນາມ ໄດ້ປະຕິບັດຢ່າງເຂັ້ມງວດ ແລະ ມີຄວາມຮັບຜິດຊອບຕໍ່ພັນທະຕ່າງໆໃນຂອບເຂດສົນທິສັນຍາ NPT ກໍຄືບັນດາຄຳໝັ້ນສັນຍາສາກົນອື່ນທີ່ສຳຄັນໃນຂົງເຂດນີ້, ໃນນັ້ນ ມີການຊຸກຍູ້ສົນທິສັນຍາພາກພື້ນ ອາຊີຕາເວັນອອກສ່ຽງໃຕ້ປອດອາວຸດນິວເຄຼຍ (SEANWFZ) ແລະ ບັນດາມະຕິທີ່ກ່ຽວຂ້ອງຂອງສະພາຄວາມໝັ້ນຄົງ ສປຊ, ປະກອບສ່ວນເຂົ້າໃນການຮັກສາສັນຕິພາບຢູ່ພາກພື້ນ ແລະ ສາກົນ.
ໄປຄຽງຄູ່ກັນນັ້ນ, ບັນດາປະເທດຕ້ອງສະຫງວນແຫຼ່ງງົບປະມານໃຫ້ແກ່ການພັດທະນາເຕັກໂນໂລຢີນິວເຄຼຍ ແນໃສ່ຮັບມືກັບສິ່ງທ້າທາຍສາກົນຕ່າງໆໃນປັດຈຸບັນ ເປັນຕົ້ນແມ່ນ ວິກິດການດ້ານສະບຽງອາຫານ ແລະ ພະລັງງານ, ສາທາລະນະສຸກ ແລະ ການປ່ຽນແປງຂອງດິນຟ້າອາກາດ.
ກອງປະຊຸມ NPT ຄັ້ງນີ້ ດຳເນີນແຕ່ວັນທີ 1 ຫາວັນທີ 26 ສິງຫາ ຈຶ່ງອັດລົງ.
ໄຊພອນ
