ວິສາຫະກິດສະໜັບສະໜູນຄຳຮຽກຮ້ອງຂອງທ່ານເລຂາທິການໃຫຍ່, ຮ່ວມແຮງຮ່ວມໃຈຜ່ານຜ່າຄວາມຫຍຸ້ງຍາກ, ໂລກລະບາດ
	ເຊື້ອພະຍາດ Covid-19: ກອງທັບ ຫວຽດນາມ ໄດ້ປະຕິບັດ 5 ຄຳຮຽກຮ້ອງໃນການປ້ອງກັນ, ຕ້ານໂລກລະບາດຢ່າງເຂັ້ມງວດ

ກອງປະຊຸມສຳມະນາສາກົນປະຈຳປີກ່ຽວກັບທະເລຕາເວັນອອກ ຄັ້ງທີ 12 ໂດຍ ສູນຄົ້ນຄວ້າຍຸດທະສາດ ແລະ ສາກົນ (CSIS) ຈັດຂຶ້ນ, ຫາກໍ່ດຳເນີນຢູ່ ນະຄອນຫຼວງ ວໍຊິງຕັນ, ປະເທດ ອາເມລິກາ. ກອງປະຊຸມສຳມະນາໄດ້ດຶງດູດ ການເຂົ້າຮ່ວມຂອງນັກຊ່ຽວຊານ, ວົງການນັກການເມືອງ ແລະ ນັກຄົ້ນ ຄວ້າຫຼາຍທ່ານ ທີ່ມາຈາກບັນດາມະຫາວິທະຍາໄລຂອງ ອາເມລິກາ, ອົດສະຕາລີ, ອິນເດຍ, ອິນໂດເນເຊຍ, ຫວຽດນາມ ແລະ ຟີລິບປິນ.

ທ່ານນາງ ຫງວຽນທິລານແອັງ, ຫົວໜ້າສະຖາບັນທະເລຕາເວັນອອກ, ສະຖາບັນການຕ່າງ ປະເທດ ຫວຽດນາມ. ພາບ: vovworld.vn

ບັນດາຫົວຂໍ້ຕົ້ນຕໍຂອງກອງປະຊຸມສຳມະນາລວມມີ ສະພາບການຢູ່ທະເລຕາເວັນອອກ, ການຜັນແປດ້ານນິຕິກຳ ແລະ ຄຸ້ມຄອງການຂັດແຍ້ງ, ຄູ່ຮ່ວມມື ແລະ ກຳລັງຄວາມສາມາດດ້ານການທະຫານ ແລະ ບົດບາດຂອງ ບັນດາສຳພັນທະມິດຢູ່ພາກພື້ນຄື ກຸ່ມ 4 ຝ່າຍ, AUKUS ແລະ ເອີລົບ ຢູ່ມະຫາສະໝຸດອິນເດຍ - ປາຊີຟິກ ແລະ ທະເລຕາເວັນອອກ. ທ່ານນາງ ຫງວຽນທິລານແອັງ, ຫົວໜ້າສະຖາບັນທະເລຕາເວັນອອກ, ສະຖາບັນການຕ່າງ ປະເທດ ຫວຽດນາມ, ໃຫ້ຮູ້ວ່າ:

“ບັນດາບົດກ່າວປາໄສທີ່ກອງປະຊຸມສຳມະນາໄດ້ທົບທວນຄືນການຜັນແປຫວ່າງມໍ່ໆມານີ້, ກໍຄືກ່າວປະນາມບັນດາຄຳຮຽກສິດທາງທະເລຂອງ ຈີນ ແມ່ນບໍ່ສອດຄ່ອງກັບກົດໝາຍສາກົນ. ພິເສດມີຜູ້ຕາງໜ້າຂອງກະຊວງການ ຕ່າງປະເທດ ອາເມລິກາ, ຜູ້ຊ່ວຍວຽກຮັບຜິດຊອບດ້ານກົດໝາຍ, ໄດ້ສະເໜີຄືນໝາກຜົນການຄົ້ນຄວ້າກ່ຽວກັບບັນດາຂອບເຂດການກຳນົດທາງທະເລເລກທີ 150, ຢືນຢັນວ່າ ຖ້າຫາກນຳໃຊ້ທຸກຂໍ້ກຳນົດຂອງກົດໝາຍສາກົນນັ້ນ ຄຳຮຽກສິດຂອງຈີນ ແມ່ນບໍ່ສອດຄ່ອງກັບກົດໝາຍສາກົນ ແລະ ບໍ່ສອດຄ່ອງກັບທຸກພຶດຕິກຳຕົວຈິງ. ລະອຽດແມ່ນ ມີ 80 ພຶດຕິກຳຕົວຈິງກ່ຽວຂ້ອງເຖິງບັນດາໝູ່ເກາະຢູ່ທະເລ ແລະ ທັງໝົດທຸກພຶດຕິກຳຕົວຈິງເຫຼົ່ານີ້ລ້ວນແຕ່ບໍ່ສະໜັບສະໜູນທັດສະນະຂອງ ຈີນ”.

ບັນດາບົດປະກອບຄຳເຫັນທີ່ກອງປະຊຸມສຳມະນາເນັ້ນໜັກວ່າ ຈີນ ພວມຊຸກຍູ້ ສະພາບໃໝ່ຢູ່ທະເລຕາເວັນອອກ, ບໍ່ເຄົາລົບສົນທິສັນຍາສະຫະປະຊາຊາດ ກ່ຽວກັບ ກົດໝາຍວ່າດ້ວຍທະເລ.