ແຕ່ວັນທີ 23-29 ກໍລະກົດ, ອົງການຜ່າຕັດຮອຍຍິ້ມ (Operation Smile) ສົມທົບກັບໂຮງໝໍມະຫາວິທະຍາໄລການຢາ ໄດ້ຈັດຕັ້ງການຜ່າຕັດໃຫ້ເດັກນ້ອຍ ພິການຢູ່ໃບໜ້າມາແຕ່ກຳເນີດ ໃນພາກກາງແລະພາກໃຕ້.
ດ້ວຍເປົ້າໝາຍທີ່ຈະນຳເອົາຮອຍຍິ້ມ ແລະ ຄວາມໝັ້ນໃຈໃຫ້ເດັກນ້ອຍ, Operation Smile ໄດ້ຮັບການສ້າງຕັ້ງດ້ວຍຄຳຂວັນເປັນອົງການມະນຸດສະທຳ ປອດກຳໄລ ເຄື່ອນໄຫວໃນຂົງເຂດສົ່ງເສີມສຸຂະພາບປະຊາຄົມ, ສຸມໃສ່ເຂົ້າໃນ ການຜ່າຕັດໃຫ້ເດັກ ສົບແວ່ງ, ເພດານໂວ່ໂດຍບໍ່ເສຍຄ່າຢູ່ບັນດາປະເທດທີ່ພວມ ພັດທະນາ.
 |
| Operation Smile ສົມທົບກັນຜ່າຕັດໃຫ້ເດັກນ້ອຍພິການຢູ່ໃບໜ້າມາແຕ່ກຳເນີດ ໃນພາກກາງ ແລະ ພາກໃຕ້. ພາບ: thoidai.com.vn |
ເງື່ອນໄຂການເລືອກຄົນເຈັບ: ເດັກນ້ອຍທີ່ສົບແວ່ງມີອາຍຸຢ່າງໜ້ອຍ 6 ເດືອນ, ນໍ້າໜັກແຕ່ 8 ກິໂລຂຶ້ນໄປ; ເດັກນ້ອຍເພດານໂວ່ ຕ້ອງມີອາຍຸຢ່າງ ໜ້ອຍ 18 ເດືອນ, ນ້ຳໜັກ 10-12 ກິໂລຂຶ້ນໄປ. ເດັກນ້ອຍບໍ່ມີພະຍາດ ມາແຕ່ກຳເນີດເຊັ່ນ: ພະຍາດຫົວໃຈ, ພະຍາດບ້າໝູ, ພະຍາດທາງປະສາດ... ແລະ ບໍ່ເປັນພະຍາດ, ໄຂ້ ຫຼື ຕິດເຊື້ອໃນເວລາກວດ.
ການຜ່າຕັດທັງຫມົດຈະປະຕິບັດໂດຍບໍ່ເສຍຄ່າ. ນອກຈາກນັ້ນ, ຄົນເຈັບຈະໄດ້ຮັບການສະຫນັບສະຫນູນຄ່າໃຊ້ຈ່າຍບາງສ່ວນໃນການເດີນທາງ ແລະ ຄ່າທີ່ພັກໃນເວລາປິ່ນປົວຢູ່ໂຮງໝໍ.
ການລົງທະບຽນກວດ ແລະ ຜ່າຕັດ, ກະລຸນາໂທຫາເບີຫ້ອງການ Operation Smile ປະຈໍາຫວຽດນາມ:
- ຮ່າໂນ້ຍ: 024 3936 5426
- ນະຄອນໂຮ່ຈີມິນ: 028 3526 0208
- ສາຍດ່ວນ: 090 488 5555
ຂໍ້ມູນຕິດຕໍ່: ນາງ ເຈິ່ນເຮືອງຢາງ ອີເມວ: [email protected] ໂທລະສັບ: 098 999 2335
ບູນມີ
