ຕອນເຊົ້າວັນທີ 4 ກໍລະກົດ, ຢູ່ຮ່າໂນ້ຍ, ທ່ານ ໂດ໊ຮຸ່ງຫວຽດ ຜູ້ຊ່ວຍວຽກ ລັດຖະມົນຕີ ໄດ້ໃຫ້ການຕ້ອນຮັບທ່ານ Colm Brophy ຮອງລັດຖະມົນຕີການຕ່າງປະເທດໄອແລນ ໄດ້ຮັບຮູ້ບັນດາບາດກ້າວພັດທະນາຢ່າງຕັ້ງໜ້າໃນການພົວພັນ ຫວຽດນາມ - ໄອແລນ.
 |
| ຫວຽດນາມ ປາດຖະໜາຢາກເພີ່ມທະວີການພົວພັນມິດຕະພາບ ແລະ ການຮ່ວມມືກັບ ໄອແລນ. ພາບ: baoquocte.vn |
ທ່ານ ໂດ໊ຮຸ່ງຫວຽດ ໄດ້ຊົມເຊີຍການເຂົ້າຢ້ຽມຫວຽດນາມຂອງທ່ານ Brophy ຢູ່ ຫວຽດນາມ, ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເພີ່ມທະວີການພົວພັນມິດຕະພາບ ແລະ ການຮ່ວມມືກັບ ໄອແລນ.
2 ຝ່າຍໄດ້ຮັບຮູ້ບາດກ້າວພັດທະນາຢ່າງຕັ້ງໜ້າຂອງການພົວພັນຮ່ວມມືສອງຝ່າຍລະຫວ່າງ ຫວຽດນາມ - ໄອແລນ ໃນຂົງເຂດການເມືອງ - ການທູດ, ການຄ້າ - ການລົງທຶນ, ການສຶກສາ, ການຮ່ວມມືພັດທະນາ... ພິເສດ, ເຖິງວ່າຖືກຜົນກະທົບຈາກພະຍາດໂຄວິດ-19 ແຕ່ວົງເງິນການຄ້າສອງສົ້ນຍັງ ຮັກສາໄດ້ທ່າຈັງເຕີບໂຕສູງ, ບັນລຸ 4,7 ຕື້ໂດລາສະຫະລັດໃນປີ 2021.
2 ຝ່າຍເຫັນດີເພີ່ມທະວີການສົມທົບກັນລະຫວ່າງກະຊວງການຕ່າງປະເທດສອງປະເທດ ເພື່ອຮັດແໜ້ນການພົວພັນດ້ານການເມືອງ, ເສດຖະກິດ; ເປີດການການຮ່ວມມືໃນບັນດາຂົງເຂດບຸລິມະສິດເຊັ່ນ: ຮັບມືກັບການປ່ຽນແປງຂອງດິນຟ້າອາກາດ, ພະລັງງານທົດແທນ, ກະສິກຳເຕັກໂນໂລຢີສູງ, ນະວັດຕະກຳ, ການຮ່ວມມືພັດທະນາ, ການສຶກສາ - ບຳລຸງສ້າງ, ການພົບປະແລກປ່ຽນປະຊາຊົນ.
ເນື່ອງໃນໂອກາດນີ້, ສອງຝ່າຍໄດ້ແລກປ່ຽນທັດສະນະກ່ຽວກັບຫຼາຍບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ.
ບູນມີ
